Shacabweynaha kunool dalka Switzerland ayaa maalinta axada aheyd ee lasoo dhaafay, u dareeray codbixin loo qaadayay in dadka soo galootiga ah ay qaadan karaan jinsiyada dhalashada wadankaas, marka ay buuxiyaan shuruudaha iyo inkale.

Xisbiga SVP oo ah xisbi ah xagjir dhinaca midigta fog ah, kuraas badana ku leh baarlamaanka dalkaas, ayaa si aad ah uga soo horjeedo in dadka soo galootiga ah, gaar ahaan muslimiinta la siiyo jinsiyada dhalashada wadankaas Switserland. Iyaga oo arintaas ku sababeeyay inay ka cabsi qabaan in hadii soo galootiga ay helaan xuquuq lamid ah dadka wadanka u dhashay, ay aakhirka la wareegi karaan wadankaas. 

[adsenseyu2]

Natiijada codbixintaas la qaaday ayaa kusoo idlaatay in 60%(lixdan boqolkiiba) dadweynaha reer Switzerland ay taageersanyihiin, in dadka soo galootiga ah la siiyo jinsiyada dhalashada wadankaas, hadii ay buuxiyaan shuruudaha looga baahanyahay. 

Dooda codbixintan ayaa soo socotay mudo dheer, waxaana sanadkii lasoo dhaafay ee 2016 ay doodaas gaartay heerkii ugu sareeyay. Kadib markii la ogaaday in 70% laacibiinta ugu ciyaariyay xulka Switzerland koobkii Euro 2016 ay asal ahaan ahaayeen soo galooti. 

Wadanka Switzerland ayaa waxaa kunool soo galooti aad u badan oo badan, waxaana kunool jaaliyad soomaaliyeed oo balaaran. Intooda badana ay wadankaas soo galeen xiliyo hore, sidoo kalena  sanadadii ugu danbeeyay, waxaa kor u kacay tirada dhalinyarada soomaalida ah ee wadankaas magangalyada soo weydiisanayay. 

Muuqaal-baahiyaha caanka ee Aljazeera-English ayaa warbixin ka diyaariyay dad qoxooti ah oo soomaali ay kujirto, kuwaas oo lug uga talaabay xuduudka uu Mareykanka la leeyahay Canada, iyaga oo qax ka ah madaxweynaha cusub ee dalkaas Donald Trump iyo wareegtooyinkiisa iska soo daba-dhacayo.

Dorian geiger oo ah wariyaha warbixinta ka qoray dhalinyaradan, ayaa la kulmay Farxaan Axmed iyo Mohamed Moalin oo ah laba wiil oo soomaali ah oo kasoo xudbay xuduudka Canada. Waxeyna uga sheekeeyeen rafaadka iyo dhibaatada ay kala kulmeen safarkooda ay isaga gooyeen xuduudka labadaas dal, iyada oo heerka cimiladu uu gaarayay minus 20, barafkuna uu mararka qaarkood jilbahooda kor u dhaafayay. 

Wiilashan oo hada magangalyo weydiistay Canada, ayaa sheegay inay wadankaas isaga soo qaxeen, kadib markii ay arkeen in madaxweynaha cusub uusan arxan u fali doonin dadka magangalyo doonka ah, isla markaana ay bilaabatay in qoxooti si xoog dib loogu musaafuriyo Soomaaliya. 

Xigasho/kilde: Aljazeera.com

[adsenseyu2]

Wasaarada arimaha dibada dalkan Norway ayaa war saxaafadeed ay soo saartay saacad kahor ku sheegtay, inay 64 milyan NOK ugu deeqeyso wax ka qabashada abaaraha sida ba´an u saameeyay Soomaaliya. 

Wasiirka arimaha dibada Norway, Børge Brende ayaa sheegay in xaalada abaareed ee Soomaaliya ay sii xumaaneyso maalinba, maalinta ka danbeyso. Warbixinadii ugu danbeeyay ee Soomaaliya kasoo baxayna, ay sheegayaan in dadku ay saameyn ba´an ku heyso biyo iyo cunto la´aan , isla markaana ay xoolaha dadku dhaqdaan ay u dhimanayaan biyo iyo baad la´aan owgeed. 

Brende ayaa sheegay in abaartii sanadkii 2011 laga bartay in xaaladahan oo kale si deg-deg ah looga gaaro, inta aysan dadku gaajo u dhiman, isla markaana ay dilaacin cuduro iyo dhibaatooyin kale oo saameyn leh. 

Wasiirka arimaha dibada ayaa hadalkiisa sidoo kale raaciyay inuu ku faraxsanyahay in madaxweynaha cusub ee Soomaaliya M.A. Farmaajo uu wax ka qabashada abaaraha ka dhigay muhiimada koowaad. 

Lacagtan ayay wasaarada arimaha dibadu sheegtay in la siin doono  hey´adaha qaramada midoobay, ICRC(Laanqeyrta cas) iyo ururada gargaarka norwiijiga ah ee ka shaqeeyo gudaha Soomaaliya. 

Xigasho/kilde: Regjeringen.no/Utenriksdep..

[adsenseyu2]

Maamulka dowlada cusub ee dalka Mareykanka ayaa qiimeynayo in dadka kasoo jeedo wadamada islaamka ah, la weydiiyo passwordka barahooda bulshada(Facebook, Twitter..). Hadii ay diidaana laga xanibo soo galitaanka wadankaas. Si gaar ah waxaa loo xusay muwaadiniinta kasoo jeedo 7-da wadan ee uu dhawaan Donald Trumo xanibay, Soomaaliyana ay kamid tahay

Wasiirka  amniga dalkaas, John Kelly ayaa sheegay in ujeedada arintan ay ka leeyihiin ay tahay sugitaanka amniga. Isaga oo sheegay in dowladiisu ay rabto inay ogaato baraha internetka ee qofku dalka soo galayo uu booqdo ama cida ay Facebooga kula sheekeystaan.  Hadii ay dadku diidaan inay la shaqeeyaan laamaha amaankana, wuxuu sheegay in loo diidi karo inay wadankaas soo galaan. 

Xaakim kamid ah maxkamada sare ee Mareykanka, ayaa dhawaan laaley amar uu Donald Trump ku mamnuucay in dadka kasoo jeedo 7 wadan oo islaam ay soo galaan dalkaas.

Lamana garan karo sida sharci ahaan uu u dhaqangali karo hadalkan cusub ee kasoo yeeray maamulka cusub ee dowlada US.

Xigasho/kilde: TV2.NO 

[adsenseyu2]

Bari oo ah 14-ka February, waxaa laga yaabaa inay soomaali badan dabaal dag iyo xaflado u sameysan doonaan maalinta jaceylka aduunka. Balse caruurtan yar-yar ee dhigata klass kamid ah iskuulka Surnadal Ungdom-skole, waxey qaban doonaan xaflad lacagta kasoo uruurto loogu deeqi doono qoxootiga kujiro xerada qoxootiga dhadhaab. 

Waxey weydiisteen hey´ada Dhakhaatiirta aan xuduudka laheyn(Leger uten Grenser) iney siiyaan mashruuc ay taageeraan, waxeyna doorteen inay lacagta xafladaas kasoo uruurto ku taageeraan qoxootiga xerada dhadhaab. Waxeyna casuumeen oo xaflada kala qeybgali doono fanaaniin lokal ah.

[adsenseyu2]

Caruurtan ayaa sidoo kale ku tala-jiro inay barafka dhulka ka xaaqaan,  sameeyaana howl-maalmeedyo kale oo lacagta kasoo uruurto ay ku taageeri doonaan qoxootiga xerada dhadhaab.  

Hadii aad tahay soomaalida degan Surnadal iyo agagaarkeeda, caruurtaas iyo xafladooda taageero haloo muujiyo. Cidey lacagta u uruurinayaan waa soomaali. 

Xigasho/kilde: Driva.no

[adsenseyu2]

Xaflada gudoonsiinta abaal-marintan ayaa shaley ka dhacday magaalada Tromsø, waxaana kasoo qeybgalay dad kala duwan oo ka kala yimid dhamaan daafaha dalkan Norway. Baashe Muuse(Ap-Oslo), Ismaaciil Axmed(Høyre-Trondheim), Seynab Mohamud(Qoraa soomaali ah), odayaasha iyo madaxda jaaliyada Tromsø iyo dadweyne kale oo tiro badan ayaa shaley goob-joog ka ahaa xaflada Raasto lagu gudoonsiinayay bilad abaal-marinta shaqsiga. 

Shaqo-dadweyne oo muhiim sanadkii 2016:

Hey´ada abaal-marinta bixisay ee CTR ayaa sheegtay in Raasto uu sanadkii lasoo dhaafay ee 2016, bulshada soomaaliyeed ee ku dhaqan dalkan Norway uu u qabtay shaqooyin muhiim ah, sidaas darteedna ay u doorteen inuu yahay shaqsiga sanadka 2016. Iyaga oo sheegay inay muhiim tahay in la xuso dadka bulshada soomaaliyeed boosaska muhiimka ah ugu jiro.

Hambalyo Xasan Raasto

Labo gudoomiye oo horey uga tirsanaa xisbiga Sverigedemokraterna (SD), ayaa ku dhawaaqay inay sameysteen xisbi cusub oo midigta fog ee xagjirka ah. 

Gustav Gassel iyo iyo William Hahne ayaa xilal waaweyn horey ug asoo qabtay xisbiga SD, balse labaduba waxaa laga saaray xisbiga, kadib markii lagu eedeeyay inay xiriir la leeyihiin kooxo cunsuriyaan Nazi ah. 

[adsenseyu2]

SD oo ahaan jiray xisbi yar oo cidi aysan wax kudarsan, ayaa sanadkii ugu danbeeyay si dar-dar ah ku noqday xisbiga sadexaad ee ugu weyn dalka Sweden. Lamana yaqaano sida abuurista garabkan cusub ee xisbigaas, ay saameyn ugu yeelan doonto kor u kaca SD. 

SD ayaa aad uga xagjirsan xisbiga FRP ee dalkan Norway, marka laga eego hadalada siyaasiyiinta xisbigaas. Kuwaas oo mararka qaarkood u dhaqmo sidii ciyaal Maafiyo suudad loo xiray. Xubno badan oo SD kamid ah, waxey soo qaateen ciqaab xabsiyeedyo, kadib markii ay galeen danbiyo. 

Xigasho/Kilde: NTB

Wasiirkii hore ee horumarinta dalkan Norway, ahna hada xildhibaan katirsan baarlamaanka Norway, Heiki Holmås ayaa qoraal uu kusoo daabacay bartiisa facebooga, hambalyo ugu diray madaxweynaha cusub ee Somalia, Mohamed A. Farmaajo iyo gudoomiyaha baarlamaanka Mudane M.Osman Jawaari.

Holmås oo xiligii uu wasiirka ahaa dhowr mar booqasho ku tagay Somaliya, ayaa xiriir fiican lalahaa dowlada Somalia intii uu wasiirka ahaa. Wuxuu sidoo kale kasoo qeybgalay shirar iyo kulamo ay lahaayeen jaaliyada soomaaliyeed ee dalkan Norway.

Xildhibaan Holmås oo katirsan xisbiga SV, ayaa qoraalkiisa sidoo kale ku xusay in Soomaaliya ay u baahantahay dad badan ooo taageera horumar demaqraadiydaha ee nabada xambaarsan.

Dhawaan ayuu Holmås iyo xisbigiisa SV, ay baarlamaanka Norway horgeeyeen mooshin lagu dalbanayo in awooda sharci kala noqoshada laga wareejiyo hey´ada laanta socdaalka, loona wareejiyo maxkamado madax banaan.

Xigasho/kilde: Facebook

[adsenseyu2]

Wasaarada dastuurka iyo amniga dalkan Norway, ayaa wareegto ay soo saartay ku amartay hey´ada laanta socdaalka ee UDI-da iyo hey´ada kale ee UNE, ineysan ilaa amar danbe gaari karin, go´aan ku saabsan sharci kala noqoshada dadka heysto jinsiyada wadankan Norway(Passportka guduudka). 

[adsenseyu2]

Wareegtadan ayaa waxaa lagu xusay in hey´adahaas ay sii wadi karaan baaritaanka iyo ka shaqeynta kiisaska la xiriira arintaas, balse aysan go´aan ka gaari karin ilaa amar danbe. 

Arintan ayaa kusoo aadeyso iyada oo lagu wado in dhawaan baarlamaanka Norway la horgeeyo mooshin ku saabsan in awooda sharci kala noqoshada, loo wareejiyo maxkamado madax banaan. 

Khamiistii lasoo dhaafay ayuu gudiga baarlamaanka ee kommunal-komiteen arintaas dood ka yeeshay, waxaana lagu wadaa in baarlamaanka la horkeeno isbuuca koowaad ee bisha Maarso. Mooshinkan ayaa heysto cod aqlabiyad ah oo uu ku meel-maro, hadii baarlamaanka la horgeeyo, maadaama uu taageero ka helay xisbiyada, SV, Ap, Sp, MDG, Venstre iyo KRF. 

Xigasho/kilde: UDI-Regelverk.

Wasiirka arimaha dibada dalkan Norway, Børge Brende ayaa qoraal uu kusoo daabacay bartiisa uu kuleeyahay boga Twitterka hambalyo ugu diray madaxweynaha cusub ee Soomaaliya, M.A Farmaajo iyo shacabka soomaaliyeed.

Brende ayaa sidoo kale ka hambalyeeyay sida nabadgalyada ah oo ay doorashadu ku dhacday. 

Safiirka Norway u fadhiyo Soomaaliya, Ambassador Ronneberg ayaa sidoo kale sheegay inuu rajeynayo in wada-shaqeyn fiican ay dhex-marto madaxweynaha cusub. 

Xigasho/kilde: Twitter

[adsenseyu2]

Maxkamad kutaal magaalada London ayaa shaley wiil 19-jir soomaali norwiiji ah ku xukuntay in si qasab ah loogu wareejiyo, laguna hayo xarunta laga xanaaneeyo dadka maskax ahaan u xanuunsan(Maanakoobiyo).

Wiilkan ayaa bishii August ee sanadkii 2016, weerar uu mindi u adeegsaday ku dilay haweeney macalimad Mareykan ah oo fasax u joogtay London, sidoo kalena dhaawacay shan qof kale.

[adsenseyu2]

Isniintii ayey bilaabatay maxkamadeyntiisu, wuxuuna bilowgiiba qirtay danbiga lagu soo eedeeyay oo ah inuu si aan rabitaankiisa aheyn uu u geystay weerarkan mindida. Dacwad oogayaasha booliska ayaa sheegay in wiilkan uu kusoo booday xanuun maskaxda, xiligaas uu weerarka uu geystay.

Garsooraha maxkamada ayaa sheegay in cadeynta lasoo bandhigay ee ku saabsan caafimaadka wiilka ay tahay mid uusan mugdi kujirin, isaga oo ku xukumay in si khasab ah loogu hayo xarunta lagu xanaaneeyo dadka maskax ahaan u xanuunsan, xili aan la cayimin.

Wuxuuna amray in wiilkan lagu hayo isbitaalka Broadmoor-sykehuset mudo aad u dheer oo aan la cayimin, loona ilaaliyo heerka ugu sareeyo( Maks sikkerhetstiltak). Hadii ay muuqato in loo wareejiyo isbitaal ilaaladiisu ay hooseyso, wuxuu sidoo kale halkaas joogi doonaa sanado badan.

Garsooraha ayaa raaciyay in hadiiba ay dhacdo in wiilkan dib loogu soo celiyo mujtamaca laga qaban doono ilaalo joogto ah.

19-jirkan soomaaliga ee heysta dhalashada Norway ayaa sanadkii 2003 ka guuray Norway, wuxuuna London kula noolaa qoyskiisa.

Wargeyska Guardian ayaa qoray in wiilkan uu dhowr mar dowlada weydiistay daryeel caawin caafimaad, maadaama uu la dhibaateysnaa xanuuno maskaxeed.

Xigasho/kilde: NTB

Siyaasigii ku jees-jeesay geerida A.H.N Yacquub Abdullahi Hassan oo ahaa 14-jirkii soomaaliga ahaa ee lagu dilay magaalada Kristiansand, ayaa maanta lagu xukumay 21 maalmood oo xabsi ah iyo labo sano oo tijaabo ah(Shardi inuusan danbi kale galin labadaas sano).

[adsenseyu2]

Siyaasigan katirsanaa xisbiga Demokratene ayaa bartiisa facebooga soo dhigay qoraal uu ku sheegayo in geerida A.H.N Yacquub yare aysan aheyn mid micno ku fadhido, maadaama uu mustaqbalka noqon lahaa argagaxiso, isaga oo islamarkaana ka tacsiyeeyay geerida haweeneydii Yacquub lala dilay.-

–Halkan ka akhri warka arintaas ku saabsan. 

Ninkan kontomeeyo jirka ahaa ayaa qirtay danbigiisa, kadib markii ay boolisku kusoo eedeeyeen inuu ku kacay hadalo naceyb iyo cunsurinimo ah. Isaga oo sidoo kale iska casilay jagadii musharaxnimo ee xisbigaas, dhamaan ka tanaasulay xubinada xisbiga uu katirsanaa. 

Xigasho/kilde: NRK.NO

Mohamed Abdullahi Farmaajo, Somalias tidligere statsminister vinner presidentvalget i dag, etter den sittende presidenten Hassan Sheikh Mohamoud trakk seg i andre runde. 

 Nåværende president Hassan Sheikh Mohamed erkjenner valgnederlaget.

Nasjonalforsamlingen var onsdag samlet på flyplassen i Mogadishu for å velge landets nye president. Valget har foregått i to runder, ettersom den sittende presidenten ikke fikk nok stemmer til å unngå en andre runde.

(VG)

[adsenseyu2]

Idaacada Radio Harstad ayaa maalinta talaadada ah ee soo socoto bilaabi doonto barnaamij taxane noqon doono, kaas oo loogu magacdaray (Listen to the victims). Waxaana barnaamijkaas idaaceed gudoomin doono Ismael Khaliif oo ah wiil dhalinyaro soomaali ah, kaas oo laftirkiisa dhibane u ahaa ururka al Shabaab.

Ismael ayaa kamid ahaa afar dhalinyaro soomaali ah oo ururka Al shabaab ay lug iyo gacan isdhaaf ah, meel fagaare kaga gooyeen sanadkii 2009.  Barnaamijkan ka bixi doono idaacada Harstad ayuu daadihin doonaa, isaga oo sheegay inuu rajeynayo inuu isku soo dhaweeyo dadka wadanka u dhashay iyo qoxootiga wadanka ku cusub. Isla markaana uu gacan ka geysto isdhexgalka bulshada.

Agaasimaha Radio Harstad ayaa sheegay in barnaamijkan cusub uu cod u noqon doono dadka dhibanaasha ah ee tabanaya xaqdarada, isaga oo raaciyay inuu rajeynayo in dadka wadanka u dhashay ay fahmaan xaaladaha dadka qoxootiga, kadib markii ay dhageystaan sheekooyinka nololeed. 

Xigasho/kilde: Harstad Tidende-Papiravis( 7-2-2017, side 28)

[adsenseyu2]

Booliska magaalada Tromsø ee woqooyiga dalkan Norway, ayaa maanta soo bandhigay warbixinta nin soomaali ah iyo labo nin oo norwiiji ah, kuwaas oo xabsiga Tromsø ugu jiro kiis daroogo ah oo lagu qabtay darteed. 

Ninka soomaaliga ah ayey boolisku ku qabteen garoonka diyaaradaha Tromsø bishii Desember, isaga oo markaas wado 500 gram oo daroogada nooca loo yaqaan Heroinka ah. Baaritaan kadib ayey boolisku soo xireen labo nin oo norwiiji ah, kuwaas oo kamid ah dadka degan magaalada Tromsø.

Madaxa baaritaanada booliska Tromsø Yngve Myrvoll, ayaa saxaafada u sheegay in ninkan soomaaliga ah uu daroogada kasoo qaaday magaalada Oslo. Wuxuuna raaciyay iney aheyd daroogadii ugu weyneyd ee abid booliska woqooyiga Norway ay qabtaan.

Faah-faahin dheeri ah kama bixin sida ay ku ogaaden xiliga uu ninkan daroogada kala soo dagayay garoonka diyaaradaha, balse wuxuu sheegay inay xili sax ah joogeen, meeshii saxda aheyd.

Xigasho/kilde: Nordlys, NRK-Tromsø

[adsenseyu2]