Sida ay soo tabineyso wakaalada wararka wadankan Norway ee NTB, wasiirka arimaha dibada wadanka isutaga imaaraadka Carabta, Sheikh Abdullah bin Zayed Al Nahyan ayaa taageero kal iyo laab ah u muujiyay xanibaada uu madaxweynaha Mareykanka Donald Trump xanibay in muwaadiniinteeda kasoo jeedo 7 wadan oo islaam ah ay soo galaan Mareykanka.

Wasiirka arimaha dibada Imaaraadka ayaa sheegay in intabadan dowladaha islaamka aysan saameyn ku sameynin xanibaadaas. Isaga oo raaciyay in mamnuucidaas dib u qiimeyn lagu sameyn doono sadex bilood kadib, isla markaana aysan arintaas aheyn wax weyn oo la sheeg-sheego.

Sheikh Abdullah bin Zayed Al Nahyan oo maanta kulan la yeeshay dhigiisa dalka Ruushka, ayaa wadamada uu Trump mamnuucay ku eedeeyay inay la tacaalayaan dhibaatooyin xaga qaab dhismeedka ah. Wuxuuna kula taliyay iney dhibaatooyinkoodaas soo xaliyaan, inta aysan xalin mamnuucida Donald Trump.

Imaaraadka ayaa noqonayo wadankii labaad ee taageero cad u muujiyo go´aanka xanibaada muslimiinta ee Donald Trump. Waxaa horey taageero D.T ugu muujiyay wasiirka arimaha dibada dalka Poland, oo ah nin mayal adag oo Trump ay xaga fikirka islaam naceybka ay isaga egyihiin. 

Canada iyo Imaaraadka:

Dalka Canada ayaa sheegay inuu soo dhaweyn gacmo furan ah u fidin doono dhamaan dadka laga horistaagay inay Mareykanka galaan. Wasiirka arimaha soo galootiga Canada, Axmed Hussein oo asalkiisu uu soomaali yahay ayaa sheegay in dalkiisu uu  damaanad qaadayo nolosha iyo dib u dajinta dhamaan dadka kasoo jeedo 7-daas ee loo diido inay Mareykanka galaan, sadexdaas bilood oo ay xanibaada socoto.

-Xiriirka Imaaraadka iyo Trump:

Imaaraadka carabta ayaa lagu tiriyaa inuu yahay wadan xulufo gaar ah la ah dowlada Mareykanka. Waxaa intaas dheer in D.T uu ganacsi waaweyn iyo hoteelo uu ku leeyahay wadanka Imaaraadka. Dhawaantan ayaa waxaa lagu wadaa in magaalada Dubai lagu furo garoon lagu ciyaaro Golfka, oo uu Trump leeyahay. 

Xigasho/kilde: DN.NO, NTB

[adsenseyu2]

Ururka ardeyda  soomaaliyeed ee jaamacadaha(Somalisk studenforening, SSF) ayaa is-diyaaris iyo qabanqaabo ugu jiro seminaarka sanadlaha ahaa ee  dhiiragalinta waxbarashada(motivasjonsseminaret). Seminarkan oo sanadkan ka dhici doono Høgskolaha Oslo iyo Akershus, 16-ka bishan aan kujirno ee Februar.

-Seminaarka dhiiragalinta waxbarashada(Motivasjonsseminaret):  

Sida ay noo sheegeen gudiga ururka ardeyda oo NorSom News ay la kulantay, Motivasjonsseminaret waa seminar sanadle ah oo ururka ardeyda soomaaliyeed uu sanad walba u qabto ardeyda soomaaliyeed ee dhigata dugsiyada sare, si loogu dhiiragaliyo inay waxbarasho heer jaamacadeed ah qaataan. iyo waliba da´yarta iyo dadka kale ee xiiseeya waxbarashada, rabana inay waxbadan ka ogaadaan jaanisyada waxbarasho oo ay qaadaan karaan. 

[adsenseyu1]

Waxey noo sheegeen inay marti qaadaan dad soomaali ah oo waxbarasho heer jaamacadeed ah dhameeyay, kuna shaqeeyo aqoontooda si ay tusaale muuqdo ugu noqdaan dhalinyaradan kale, isla markaana ay uga warbixayaan wadadii ay soo mareen. Sidoo kale waxey marti qaadaan ardey soomaali ah oo kuliyado kala duwan ka dhigto jaamacadaha, kuwaas oo iyagana ardeyda uga jawaabo wixii su´aalo ah oo ku saabsan kuliyadaha jaamacadeed oo ay dhigtaan. 

-Waalidiinta caruurtooda hasoo diraan maalintaas:

Si ay fariinta seminaarka u gaarto da´yarta dhigata iskuulada sare iyo dhexe, waxey gudiga SSF booqasho ku tagaan iskuulo kala duwan ee kuyaalo Oslo. Waxeyna noo sheegeen inay isku dayaan inay sida ugu macquulsan fariinta u gaarsiiyaan da´yarta dhigata iskuulada sare iyo hoose. 

Ismaaciil Nuur Xeefow oo katirsan Gudiga Maamulka ururka ardeyga, ayaa waalidiinta soomaaliyeed ee ku dhaqan Oslo iyo nawaaxigeeda ka codsanayo inay caruurtooda usoo diraan seminaarkaas dhici doono 16-ka February.

[adsenseyu2]

Safaarada Mareykanka ee dalkan Norway, ayaa war saxaafadeed ay shaley soo saartay ku sheegtay in dadka heysta dhalashada wadankan Norway iyo wadan kamid ah 7 wadan ee D.T xanibay, ay soo gali karaan Mareykanka, aysana saameyn ku yeelaneyn mamnuucida Donald Trump. 

[adsenseyu1]

Buuq iyo jahwareer badan ayaa ka dhashay dadka ay saameynta ku yeelan karto  xanibaada uu D.T saarey, todobo wadan ee Islaamka ah oo ay Soomaaliya kamid tahay. Shaley ayey laanta socdaalka ee wadankan Norway soo saartay tirokoob ay ku sheegeyso in dad kor u dhaafayo 51.000 oo dhalashada Norway heysto, ay xanibadaas saameyn ku yeelan karto. Waxaana kamid ah 18.366 qof oo soomaali oo dhalashada Norway heysto.

Safaarada ayaa wa rsaxaafadeedkeedan ku muujisay in go´aanka ugu danbeeyo ee inuu qofka soo gali karo Mareykanka ama inkale, ay tahay mid kujiro gacanta ilaalada xuduudaha iyo garoomada Diyaaradaha. 

Xigasho/kilde: Halkan ka akhri warsaxaafadeedka safaarada. 

[adsenseyu2]

War deg deg oo saacad kahor ay shaacisay laanta socdaalka iyo agaasinka soo galootiga ee dalkan Norway, ayaa lagu sheegay in dad kor u dhaafayo 51.000 oo qof oo heysta dhalashada dalkan Norway ay saameyn ku yeelan karto xanibaada Donald Trump. Dadkan ayaa kasoo jeedo 7-da wadan(Somali, Sudan, Irak, Iran, Sudan, Libya iyo Yeman)  ee Donald Trump muwaadiniintooda ka mamnuucay inay dalkaas soo galaan.

[adsenseyu1]

Tiradan hordhaca ah oo ay UDI-du soo saartay ayaa waxaa lagu sheegay in 51.186 qof oo heysto dhalashada dalkan Norway, aysan Mareykanka gali karin sadexda bilood ee soo socoto.

Dadkan ayey UDI-du sheegtay iney yihiin dad heysto dhalashada Norway, sababo jiro owgoodna aan wali ka tunaasulin jinsiyada dalkoodii hore ee kamid ah 7-da wadan ee Donald Trump mamnuucay.

Safaarada Mareykanka ee dalkan Norway, ayaa wargeyska DB xaqiijisay in qofkii heysto dhalashada Norway iyo mid kamid wadamadaas todobada ah uusan soo gali karin Mareykankanka, 90-ka maalmood ee socdo.

18.336 oo soomaali ah:

51.186 qof oo ay UDI-du sheegtay inuu saameynayo go´aanka D.T, ayaa waxaa kamid 18.366 oo soomaali ah. Halka 20.903 qofna ay kasoo jeedaan dalka Ciraaq.

Tanaasulka jinsiyadaadii hore, marka uu qof qaadanayo jinsiyada Norway:

Sida aan saacado kahor soo qornay, waxaa caadi ah in marka uu qofku qaadanayo dhalashada dalkan Norway, uu ka tanaasulo jinsadiisii hore. Laakiin waxaa jiro waxyaabo qofka ka horistaaga in qofku uu ka tanaasulo dhalashadiisii hore, wuxuuna sidaas ku noqdaa qof heysta labo dhalasho..

Tusaale ahaan qofka qasab kuma ahaan inuu ka tanaasulo jinsiyadiisii hore, hadii uu ku qasbanyahay inuu wadankiisii ku noqdo si uu uga tanaasulo jinsiyadii hore, laakiin aysan taas suurtogal aheyn sababo la xiriira colaado sokeeye. Ama hadii aysan wadankiisii aysan kajirin system iyo nidaam dowlad dhexe, ayna suurtogal aheyn inuu helo tanaasulaad sharciyeysan oo sax ah.( Halkan kasii akhri xeerarkaas).

Qoraalkii aan soo galinay saacad kahor, waan tirtirnay si uusan u abuurin jax-wareer. Intii akhrisatay ee si khaldan wax u fahantay, raaligalin ayaan ka bixineynaa.

Xigasho/kilde: Dagbladet.no

[adsenseyu2]

Wargeyska Aftenposten ayaa qorayo in ilaa hada madaxda dunida islaamka, aysan wax war ah oo cad kasoo saarin xanibaada uu D.T 7 wadan uu muslim ah ka xanibay iney muwaadinoontooda soo galaan dalka Mareykanka. Marka laga reebo dowlada Iiraan oo mamnuucday in muwaadiniinta iyo ganacsatada Mareykanka ay dalkeeda soo galaan.

Midowga Yurub, Xogyaha qaramada (António Guterres), hogaamiyaha Germany Angela Markel, madaxweynaha Fransiiska François Hollande, reysulwasaaraha dalka Norway iyo madax kale oo badan oo caalamka ah ayaa si toos u canbaareeyay go´aankaas.

[adsenseyu1]

Madaxweynihii dhawaan xilka wareejiyay dalkaas Mareykanka, Barack Obama ayaa dhaleeceyn usoo jeedisay xanibaada Trump, isaga oo sheegay in dhaqanka iyo caadooyinka mareykanka ay hada calaamad su´aal saaranyihiin.

Jaanis ay Mareykanka ugu soo dhawaadaan: 

Henrik Thune oo ah agaasimaha xarunta xalinta khilaafaadka caalamiga ah ee (NOREF), ayaa sheegay in madaxda dowladaha khaliijka iyo Masar ay aamusnaantooda nugeyl iyo beer-laxawsi kaga raadsanayaan Donald Trump iyo Mareykanka.

Tan iyo markii ay Iiraan heshiiska hubka nuglerka la gashay dowladaha reer galbeedka, waxaa sii xumaanayay xiriirka u dhaxeeyo dowladaha khaliijka, gaar ahaan Sucuudiga iyo dowlada Mareykanka. Trump ayaa balanqaaday inuu heshiiskaas dib u eegis ku sameyn doono, arintaasna waxa u riyaaqsan boqortooda Sucuudiga oo xuluf-cadaaweed  uu kala dhaxeeyo Iiraan.

Abdifitax Al Sisi oo hogaanka dalka Masar kula wareegay inqilaab milatari, ayaa khadka telefoonka kula hadlay Trump dhowr maalmood kahor. Siisi ayaa  waxaa heysto dhibaato Iiraan ka weyn, wuxuuna Trump ka riixayaa inuu ururka Ikhnaawul muslimiinka ku daro liiska ururada argagaxisa caalamiga ah.

Xigasho/kilde: Aftenposten:-Papiravis avis side: 5

[adsenseyu2]

Wasiirka arimaha dibada Soomaaliya Abdisalaam Hadliye, ayaa xili uu ka hadlayey dhalinyaradii dhawaan Mareykanka laga soo musaafuriyay, sheegay in dowladiisu aysan diideynin hadii dowlad kale ay rabto in dad soomaali ah ay wadankoodii kusoo celiso.

Hadliye oo wareysi siinayay idaacada VOA, ayaa raaciyay in dadkaas uu qabtay sharciga wadanka ay joogaan, dowlada Soomaaliyana aysan masuuliyada safarkood aysan qaadi karin, maadaana uu qabtay sharciga dalka ay ku suganyihiin.  

[adsenseyu1]

Hadalka wasiirka arimaha dibada Soomaaliya ayaa kusoo aadayo xili dowlada Denmark ay sheegtay inay Soomaaliya dib ugu celin doonto 800 oo qoxooti soomaaliyeed ah, kadib marka dib ugu qiimeyn lagu sameeyo sharcigooda magangalyada.  Iyada oo afartii ugu horeysay ay sheegeen inay mudo bil gudaheed ah ay Soomaaliya ku noqon doonaan. (Xigasho/kilde: Politikken.dk)

Waan ka xunahay xanibaada Trump:

Wasiir Hadliye oo dhanka kale ka hadlayay xanibaada uu Donald Trump saarey muwaadiniinta kasoo jeedo Soomaaliya, ayaa sheegay inuu go´aankaas aad uga xunyahay. Uuna rejeynao in dhawaan dowlada Mareykanka ay ka noqoto. 

Hadliye oo heysto jinsiyada dalka Mareykanka, ayaa sheegay in go´aankaas uu dhabarjab ku yahay dadaalka ay dowlada Soomaaliya ugu jirto la dagaalanka ururada argagixiada.

Halkan ka dhageyso wareysiga Hadliye iyo Voe. 

[adsenseyu2]

Dowlada Mareykanka ayaa sheegtay in wareegtada xanibaada Donald Trump, aysan saameyn ku yeelan doonin muwaadiniinta heysata dhalashada Britain iyo dhalashada mid kamid ah todobada wadan ee la mamnuucay inay muwaadinoontooda soo galaan Mareykanka. 

Arintan ayaa sida muuqato timid, kadib markii la ogaaday in dadka xanibaada ay saameysay uu kamid yahay orodyahanka caanka ah ee Soomaaliyeed ee Mo Farah. Mo ayaa isku heysto dhalashada wadamada Soomaaliya iyo Britain. 

Xigasho/kilde: NTB.

6 qof ayaa lagu dilay, sideed kalena waa lagu dhaawacay weerar maanta lagu qaaday masaajid kuyaal magaalada Québec ee dalka Canada. Waxaana tiradaas saaka saxaafada u cadeeyay booliska magaalada Québec.

[adsenseyu1]

ilaa kontomeeyo qof ayaa masaajidka ku sugnaa, xiliga weerarka lagu qaaday, oo aheyd xili ay salaad masaajidka ku dhex tukanayeen.  Dadka weerarkan ku waxyeeloobay ayaa u badan rag ay da´doodu u dhaxeyso 35 ilaa 70 sano. Waxaana sidoo kale masaajidka ku sugnaa caruur da´yar, xiliga masaajidka weerarka lagu soo qaaday. Afhayeen booliska u hadlay ayaa sheegay in isku dar 39 masaajidka laga soo saarey iyaga oo bad qaba.

Labo nin ayaa loo qabtay weerarkan lagu qaaday masaajidka, balse sida dad goobjoogayaal ah ay sheegayaan , waxey raga weerarka geystay ahaayeen ilaa sadex qof.

Lama oga dhalashada labada nin ee ay boolisku ay qabteen iyo ujeedada ay weerarka masaajidka ugu qaadeen, balse dad goobjoogayaal ah ayaa saxaafada u sheegay in raga weerarka geystay ay ku hadlayeen lahjada lokalka ah ee magaalada uu masaajidka kuyaalo.

Reysulwasaaraha dalka Canada Justin Trudeau ayaa weerarka ku tilmaamay inuu ahaa mid argagaxisnimo, isaga oo sidoo kale ka tacsiiyay dadka ay dhibaatada weerarkaas kasoo gaartay.

Wasiirka arimaha dibada dalkan Norway Børge Brende iyo madaxa gaashaan buurta Nato Jens Stoltenberg ayaa iyagana dhankooda ka canbaareeyay weerarkaas. 

Weerarkan masaajidka lagu qaaday ayaa kusoo beegmayo xili maalin hore uu reysulwasaaraha Canada uu sheegay inuu wadankiisa gacmo furan kusoo dhaweynayo qoxootiga iyo dadka kale ee loo diido inay Mareykanka galaan, sagaashanka maalmood oo ay socoto xanibaada Donald Trump. 

Xigashi/kilde:VG.NO 

[adsenseyu1]

Waxaa jimcihii lasoo dhaafay idaacada Norway Voice ee magaalada Oslo, lagu soo biiriyay qeyb af soomaali ku bixi doonto. Sida ay sheegeen maamulka idaacadan cusub ee Norway Voice, waxey laantan cusub ee Af-soomaali ku bixi doonto soo gali doontaa maalmaha jimcaha iyo sabtida.

Furitaanka idaacadan cusub, ayaa waxaa ka qeybgalay qeybo kamid ah bahda warbaahinta Norway. Sidoo kale NorSom News ayaa kamid ahaa bahda warbaahineed ee lagu casuumay furitaanka idaacadan cusub ee Norway Voice.

Sida lagu wado, waxaa idaacadan cusub ka howlgali doono wariyeyaal ay kamid yihiin Xasan Raasto iyo Rahmo Jamac.

Idaacadan ayaa noqon doonto midii sadexaad ee af-soomaali ku baxda ee magaalada Oslo ka dhisan. Horey ayaa waxaa u jiray idaacada Maqal Radio oo ah idaacad isbuuc walba, habeenka sabtida ah soo gasho. 

Halkan ka daawo barnaamijka furitaanka Norway Voice, qeybteeda afka soomaaliga. 

[adsenseyu2]

Orodyahanka caanka ah ee soomaaliyeed ee Mohamed Farah, ayaa kamid noqday dadka ay saameysay digreetada uu Donald Trump ku mamnuucay in muwaadiniinta kasoo jeedo 7 wadan oo islaam ah, aysan soo gali karin dalka Mareykanka.

[adsenseyu1]

Sida uu qorayo Wargeyska Dailymail, Mohamed Farah ayaa isku heysto dhalashooyinka wadamada UK iyo Somalia. Digreetada Donald Trump ayaa sidoo kale qabaneyso dadka heysto dhalashada todobadaas wadan, xitaa hadii ay dhalasho kale la wadaagaan. 

Mo Farah ayaa sanadadii ugu danbeeyay degenaa dalka Mareykanka, isaga oo halkaas ku leh guri. Waxaana Mareykanka degan oo kasoo jeedo xaaskiisa u dhashay sadexda caruurta ah. 

Mohamed Farah oo kowdii bishii January ee sanadkan ay boqorada dalka Ingriiska ku magacowday SIR(Naaneys sharafeed), ayaa ah ciyaaryahanka orodada ee ugu guulaha badan taariikhda dalka U.K. Sir Mo Farah ayaa 2 mar oo isku xigto ku guuleystay biladaha dahabka olimbikada ee orodada 5000 iyo 10 000.

Xigasho/kilde: Dailymail.co.uk

Dowlada dalka Iiraan oo kamid todobada wadan oo Donald Trump uu muwaadinoontooda ka mamnuucay inay soo galaan Mareykanka, ayaa jawaab-celin ka sameysay go´aankaas. Iyaga oo dhankoodana mamnuucay in muwaadiniinta iyo ganacsatada Mareykanka ah ay soo galaan wadankooda.

Iiraan ayaa ah dowlada kali ah ee ilaa hada fal jawaab celin ah ka sameysay, kadib markii D.T uu diiday in muwaadiniinteeda ay soo galaan wadankaas. 

Xigasho/kilde: TV2.NO

[adsenseyu2]

Reysulwasaaraha dalka Canada Justin Trudeau ayaa qoraal uu xaley kusoo daabacay bogiisa Twitterka  ku cadeeyay in dhamaan dadka qoxooti ah, ee loo diido inay Mareykanka soo galaan, ay si gacmo furan ah ugu soo dhawaan karaan dalka Canada oo martigalin u sameeyay kumanaan qoxooti magangalyo doon ah. 

[adsenseyu1]

Reysulwasaaraha Canada ayaa dhawaantan wasiirka soo galootiga dowladiisa u magacaabay Xildhibaan Axmed Hussein oo ah muwaadin soomaali ah oo dalkaas qoxootinimo kusoo galey 23 sano kahor. 

Shaley ayey aheyd markii uu Donald Trump digreeto ku mamnuucay in qoxootiga kasoo jeedo 7 wadan oo Muslim ah, aysan mareykanka cagta soo dhigi karin mudo sadex bilood ah. Digreetadan ayaa sidoo kale qabaneyso dadka heysto sharciga kumeel gaarka ah ee Green-Card-ka. 

Garoomada diyaaradaha ee dalka Mareykanka, ayaa waxaa xaley ku jirtay buuq iyo isku dhex-yaac, kadib markii dad badan loo diiday inay USA soo galaan, iyaga oo heysto sharciga Green-cardka. Waxaa dadkaas kamid ahaa macalimiin jaamacadaha mareykanka wax ka dhigo, ardey, Aktaro caan iyo waliba dad howlo ganacsi usoo aaday dalkaas.

Trump ayaa digreetadiisa ku mamnuucay in qoxootiga ka imaanayo Siiriya gabi ahaanba la joojiyay ilaa mudo aan la cayimin. 

Wuxuuna sidoo kale diiday in wax dib u dajin ah loo sameeyo dhamaan qoxootiga Mareykanka kunool mudo afar bilood ah.

[adsenseyu2]

Wargeyska VG oo ah wargeyska ugu weyn wadankan Norway, ayaa cadadkiisii maanta boga hore kusoo daabacay maqaal ay ku sheegayaan, in awooda ururka Al shabaab ay sii xoogeysatay bilihii ugu danbeeyay. Iyada oo qaraxyada ay Al shabaab ka geystaan goobaha dadweynaha ay si aad ah sare ugu kaceen dhowrkii bilood ee aan soo dhaafney. Waxaana ugu danbeeyay qaraxii ay isbuucii hore ka geysteen hotelka Dayax, halkaas oo ay ku nafwaayeen dad 30 ku dhow. 

Skrevet av AXEL STØREN WEDÉN/VG

Mens IS så sitt selverklærte kalifat krympe i løpet av 2016, har fjoråret vært en renessanse for den somaliske terrorhæren al-Shabaab.

Onsdag denne uken smalt det igjen. Utenfor et populært hotell i Somalias hovedstad Mogadishu sprengte en selvmordsbomber seg. Kort tid etterpå gikk en ny bombe av før flere bevæpnede menn stormet hotellet. 22 mennesker ble drept i blodbadet, i tillegg til seks terrorister.

Angrepet er ett av over 360 angrep den Al-Qaida-tilknyttede terrorgruppen al-Shabaab har utført siden 2006.

[adsenseyu1]

Men i realiteten har islamistgruppen vært på defensiven siden de ble drevet ut av hovedstaden i 2011 av styrker fra regjeringen og Den afrikanske union.

Det har faktisk gått bedre enn på lang tid i landet som for omverden er kjent for lite annet enn å være en mislykket stat, stadig rangert som verdens mest korrupte land preget av lovløshet, krig og konflikt.

Den økonomiske veksten de siste årene og den relative stabiliteten i Mogadishu har brakt med seg åpningen av nye restauranter, meglerkontor og daglige ankomster fra internasjonale flyselskaper som Turkish Airlines.

FN-representanter har trukket Somalia frem som en «suksesshistorie» og IMF har rost landet for å ha gjort «store fremskritt».

Derfor er det ekstra tragisk at Al-Shabaabs vekkelse i stor grad har blitt lagt til rette for av forhold utenfor Somalia. Uten forvarsel eller forklaring forlot etiopiske styrker, som utgjør en essensiell del av Den afrikanske unions tropper i landet, i høst sine baser i en rekke somaliske byer.

Terrorhæren kunne dermed spasere inn og gjenerobre makten i store deler av landet uten blodsutgytelser.

Les resten videre her: VG.NO 

[adsenseyu2]

Isbuucan ayaa waxaa magaalada Muqdisho laga dajiyay 90- dhalinyaro soomaali ah, kuwaas oo si khasab ah looga soo musaafuriyay dalka Mareykanka. Waxaana dhalinyaradaas Muqdisho ka dajiyay diyaarad ay leeyihiin ciidamada Cirka Mareykanka.

Qaar kamid dhalinyarada lasoo celiyay ayaa sheegay in safaarada Soomaaliya ee Mareykanka, ay aheyd midii dowrka ugu weyn ka ciyaartay prosseska dib u celinta dhalinyarada sagaashanka gaarayo.

Hadaba safiirka Soomaaliya ee Mareykanka Axmed Cawad oo wareysi siinayay TV-ga Somali Cable, ayaa qiray in safaarada Soomaaliya ee USA ay aheyd midii passporada iyo waraaqaha celiska ah u goysay dhalinyaradaas Soomaaliya loo musaafuriyay.

[adsenseyu2]

Axmed Cawad ayaa cadeeyay in safaarada Soomaaliya ee mareykanka ay matasho danaha dowlada Soomaaliyeed. Isla markaana uu isagu ka safiir ahaan  uu taageersanyahay fikirka dowlada Mareykanka ee ah in Soomaaliya ay hada nabad tahay, dadna lagu celin karo.

Safiirka oo hadalkiisa sii wato, ayaa sheegay in dhalinyarada la celiyay ay ahaayeen kuwo saxiisay oo go´aansaday in dib loogu celiyo wadankoodii. Balse qaar kamid ah dhalinyarada la celiyay, ayaa sheegay in 80% dadka la celiyay ay ahaayeen kuwo diiday saxiixa dib u celinta.

Siyaasada dowlada Soomaaliya:

Dowlada Soomaaliya ayaa ilaa hada aan wax war ah kasoo saarin musaafurintaas dhalinyarada 90-ka gaaraya, loo musaafuriyay Soomaaliya. Sida uu safiir Axmed Cawad qirayo, dowlada Soomaaliya waxey aaminsantahay in dadka soomaaliyeed ee qoxootiga ku ah daafaha caalamka, dib loogu soo celin karo wadankoodii.

Safiirka cusub ee Scandanevianka:

Dowlada Soomaaliya ayaa bil kahor safiir cusub usoo magacowday dalalkan Scandnanevianka. Safiirkaas oo xaruntiisu ay noqon doonto magaalada Stocklom ee dalka Sweden.

Sida aan ognahay waxaa wadamadaan kunool kumanaan qof oo soomaali ah, kuwaas oo sharci la´aan ah.

Dowlada Norway ayaa sheegtay inay dib u qiimeyn ku sameyn doonto sharciyada magangalyada dad qoxooti soomaaliyeed oo tiro ahaan gaaraya 1600.

Sidoo kale Denmark ayaa sheegtay inay Soomaaliya rabto inay ku celiso ilaa 800 oo soomaali ah. Isbuucyo kahor ayey ka noqdeen go´aankaas, laakiin hadana markale ayey soo rogaal celiyeen.

Sida uu Axmed Cawad Qirayo, dowlada Soomaaliya raali ayey katahay in dad Soomaaliya loo soo celiyo. Wuxuuna sheegay inay safaarada Soomaaliya ee Mareykanku ay ayadu aheyd midii sameysay waraaqaha lagu celiyay.

Hadaba safaarada Soomaaliya ee dhawaan laga furay Stocklom, dowr noocee  ah ayey ka qaadan doontaa rabitaankaas ay dowladaha Scandanevianku rabaan inay qoxootiga soomaaliyeed ay dib ugu celiyaan wadankii.?

Halkan ka daawo safiirka Axmed Cawad oo qirayo in safaarada Soomaaliya ay aheyd midii goysay waraaqaha celiska dhalinyaradaas.

[adsenseyu2]

Madaxweynaha cusub ee dalka mareykanka ayaa maanta meel-mariyay digreeto cusub oo ku mamnuucayo in qoxootiga ka imaado 7 wadan oo islaam ah oo Somaliya ay kamid tahay, aysan mareykanka viso kusoo gali karin mudo 3 bilood ah. Sidoo kale wuxuu ilaa waqti aan la cayimin mamnuucay in qoxootiga wadanka Siiriya ka imaado ay Mareykanka soo galaan.

Donald Trump ayaa isla digreetadan ku mamnuucay inaan mudo afar bilood ah wax dib u dajin ah loo sameyn karin dhamaan dadka qoxootinimada kusoo gala dalkaas Mareykanka.

Trump oo saxaafada la hadlay ayaa sheegay inuusan rabin in dalka Mareykanka ay soo galaan dad taageersan fikradaha ay ciidanka mareykanku dhulal badan kula dagaalamayaan. Isaga oo raaciyay inuu raba inay mareykankan soo gali karaan oo kaliya, dadka taageersan mabaa´diida uu wadankaas ku dhisanyahay, sida xad-dhaafka ahna u jecel Mareykanka.

Golaha Ururada islaamka: Digreetadan waxey kasoo horjeedaa dastuurka Mareykanka. 

Inkasta oo korka laga qurxiyay digreetadan uu D.T soo saarey, hadana dad badan ayaa aaminsan iney tahay mid uu D.T rabo inuu dadka muslimiinta ah ka mamnuuco soo galitaanka Mareykanka. Xiligii doorashada ayuu D.T balanqaaday in hadii la doorto uu dadka ka imaado wadamada muslimiinta ah, uu ka mamnuuci doono inay US soo galaan.

Golaha ururada islaamiga ah ee Mareykanka, ayaa sheegay in go´aankaas uu yahay mid si toos ah loogu beegsanayo dadka muslimiinta ah. Arintaasna ay tahay mid kasoo horjeedo dastuurka dalkaas oo dhigaya in qofka aan lagu beegsan karin diintiisa, xorna uu u yahay inuu caabado waxa uu aamisanyahay.

Golaha ururada islaamiga ah, ayaa sidoo kale sheegay inay arintaas maxkamad la aadi doonaan.

Fransiiska iyo Germanka:

Dowladaha France iyo Germany ayaa sheegay inay ka walaacsanyihiin go´aanadaas uu soo saarey D.T , iyaga oo raaciyay inuu dhaawac ku yahay jaaniska ay dadka qoxootiga ah ku imaan karaan dalkaas mudooyinka soo socdo.

Aas´aasaha iyo milkiilaha barta bulshada ee Facebooga, ayaa dhalaaceyn usoo jeediyay go´aankaas, isaga oo sheegay in Mareykanka uu yahay wadan soo galootiga ay dhiseen.

Xigasho/kilde: Aftenposten.no

[adsenseyu2]

Sida ay qoreyso wakaalada wararka wadankan Norway ee NTB, waxaa maanta maxkamada Follo lagu xukumay nin 27 sano jir soomaali ah, kaas oo la sheegay inuu iskuday dil u geystay wiil uu adeer u yahay(ste-sønn) oo markaas jiray labo sano iyo bar.

Ninkan ayaa lagu xukumay in si qasab ah loogu hayo xarunta lagu xanaaneeyo dadka dhimir ahaan u xanuunsan(Maanakoobiyo), Psykisk helsevern.

[adsenseyu1]

NTB ayaa qoreyso in ninkan wadanka laga musaafuriyay sanadkii 2014, laakiin uu dib Norway ugu soo noqday bishii April ee sanadkii 2015. Waxeyna dhacdadan dhacday bil kadib markaas uu wadanka kusoo noqday.

Maxkamada Follo ayaa sheegtay in ninkan uu qoor-sagaaro(ceejin) ku qabtay wiilkan uu adeerka u yahay oo markaas hurday. Hooyada wiilkan iyo qaraabo kale ayaa kasoo gaaray, kuwaas oo ku guuleystay inay ka fujiyaan. Isla habeenkaas ayaa ninkan la xiray sida ay NTB qoreyso.

27-jirkan soomaaliga ah ayaa sidoo kale waxaa lagu soo eedeeyay sideed fal danbiyeed oo kale oo uu geystay intii uu xabsiga kujiray.

Maxkamada ayaa sheegtay iney cadeysay in falkaas ahaa mid isku dey dil ah, isla markaana uu marka uu falkaas dhacayay uu ninkan maskax ahaan u xanuunsanaa. Iyaga oo go´aamiyay in loo wareejiyo xarunta lagu xanaaneeyo dadka dhimir ahaan u xanuunsa, waxeyna sheegeen inaan xabsi lagu xukumi karin.

Xigasho/kilde: NRK, NETTAVISEN, NTB

[adsenseyu2]