Booliska magaalada Oslo ayaa howlgal qarsoodi ah oo ay qaadeen kusoo qabtay 7 nin oo soomaali ah, kuwaas oo magaalada Oslo soo galin jiray daroogada nooca loo yaqaanHerionta, sida uu qorayo muuqaal-baahiyaha TV2. Ragan soomaalida ah ayaa sidoo kale la sheegayaa inay horey uga ganacsan jireen Qaadka.
Booliska ayaa howlgalkoodan kusoo qabtay ku dhawaad 20 kiilo oo daroogo ah, taas oo noqon ka dhigan mid kamid ah cadadka daroogo ee ugu tiro badnaa oo abid ay qabtaan booliska Oslo.
Ragan soomaalida ee la qabtay ayaa dä’doodu ay u dhaxeysaa 30 ilaa 50 sano. 5 kamid ah ayaa heysto dhalashada dalkan Norway, halka midkoodna uu heysto jinsiyada dalka Denmark oo uu deganyahay. Halka kan 7-aad uu deganyahay dalka Holand.
Sida ay boolisku sheegeen ragan soomaalida ah ayaa in mudo ah magaalada Oslo soo galin jiray daroogada. Waxaana qabashadoodu laga dareemay suuqa ganacsiga maan-dooriyaha Herionka, iyada sicirka maandooriyaha Herionka uu kor u kacay maalmihii ugu danbeeyay, uuna gabaabsi ii yahay.
Wakaalada tirokoobka iyo xog uruurinta ee SSB ayaa soo saartay tirada dadka ku dhaqan magaalada Stavanger oo kamid ah magaalooyinka ugu waaweyn dalkan Norway. Iyo sidoo kale tirada dadka soo galootiga ah ee ku dhaqan magaaladaas.
Soomaalida ayaa noqotay qowmiyada 4-aad ee soo galootiga ah, ee ugu badan ee kunool magaalada Stavanger. ilaa 1139 qof oo soomaali ayaan ku diiwaan-shan inay magaaladaas deganyihiin. Waxaana tiradooda sanadkii lasoo dhaafay kusoo korortay 95 qof.
Waxaa laga yaabaa in tirada caadiga ah ee soomaalida ku dhaqan magaaladaas ay intaas ka badantahay, maadaama ay jiri karaan dad soomaali ah oo magaalada degan, balse aan adress ku aheyn(ku diiwaan gashaneyn).
Sida lagu ogaaday codbixin cusub, ku dhawaad kala bar ama 47,4% dadka Norway, waxey dhaliilsanyihiin ama kasoo horjeedaan habka ay dowladu ula tacaamushay arimaha la xiriira soo galootiga iyo isdhexgalka bulshada. Halka 36,2% dowlada ku taageersanyihiin arintaas.
Codbixintan oo ay qaaday xarunta Sentio, ayaa waxaa sidoo kale lagu ogaaday in 27, 6 dadka taageersan xisbiga Frp aysan la dhacsaneyn qaabka ay wasiirada arimaha soo galootiga, Sylvi Listhaug ay arintaas uga shaqeysay.
Johannes Bergh oo ah khabiir ku ah arimaha doorashada, ayaa sheegay in doodii ku saabsaneyd soo galootiga ee maalmahan ka socotay warbaahinta, ay sabab u noqon karto kasoo horjeedka shacabka Norway ee dowlada, ee ku saabsan arimaha soo galootiga.
Gudi ay dowladu u xilsaartay soo qiimeynta in maxkamado gaar ah loo sameeyo kiisaska la xiriira barnevernka, muranka waalidiinta ee ku saabsan caruurta, ayaa dowlada usoo jeediyay in go´aan gaarista kiisaska barnevernka laga wareejiyo fylkesnemdaha, loona wareejiyo maxkamadaha caadiga ah (domstol).
Kiisaska la xiriira muranka waalidiinta ee caruurta(Foreldretvister) ayaa hada lagu go´aamiyaa maxkamad, halka kiisaska la xiriira barnevernka lagu go´aamiyo fylkesnemndaha. Gudigan ayaa dowlada usoo jeediyay in kiisaska la xiriira labadaas arimoodba, lagu go´aamiyo maxkamadaha caadiga ah.
Fylkesnemnde: Waax dowladeed oo qaab maxkamadeed ahaan u shaqeeyo(maxkamad ma ahan), kaas oo go´aan ka gaaro kiisaska muranka ku saabsan xanaanada caruurta, ee u dhaxeeyo waalidiinta iyo barnevernka. Waxeyna sida caadiga ah ka koobanyihiin sadex qof oo aqoon u leh kiisaska markaas laga hadlayo.
Wasiirada qoyska iyo sinaanta ayaa sheegtay inay muhiim tahay in la xaqiiyo xaqa sharciyeed ee waalidka iyo caruurta. Iyada oo raacisay iney ku faraxsantahay in gudigan ay xooga saareen in kiisaska ay go´aamiyeen dad khibrad iyo aqoon u leh.
Abdirisaq Hassan oo ah gudoomiye ku xigeenka xisbiga Ap ee magaalada Stange, kana mid ah golaha dhexe ee xisbiga Ap ee gobalka Hedmark, ayaa sheegay inuu ku baaqayo in siyaasiyiinta soomaalida ah ee kujiro xisbiga Ap ay shir deg-deg isugu imaadaan, inta aan la gaarin kowda bisha April.
Kowda bisha April ayaa ku eg maalinta uu xisbiga shaqaalaha ee Ap uu qabsaday, si uu go´aan uga soo gaaro taageero siinta mooshinka awooda sharci kala noqoshada jinsiyada loogu wareejinayo maxkamadaha. Mooshinkan oo lagu balansanaa in talaadada soo socoto la horkeeno baarlamaanka, ayaa dib u dhacay kadib markii uu Ap dalbaday waqti dheeri ah oo dib uga soo fakaraan taageerada mooshinkaas.
Abdirisaq oo lasoo xiriiray NorSom News ayaa sheegay inay muhiim tahay, in siyaasiyiinta xisbigaas katirsan ee soomaalida ah ay muujiyaan kaalintooda ku aadan go´aanada xisbiga ee saameynta ku yeelan kara dadka soomaaliyeed ee wadankan ku dhaqan. Isla markaana ay cadeeyaan kalsoonida ay dadka soomaaliyeed codka ku siiyeen xiliyadii doorashada.
Ilaa 20 qof oo siyaasiyiin soomaali ah oo katirsan xisbigaas ayaa kujiro golayaasha deegaanka ee magaalooyinka wadanka, waxeyna sidoo kale qeybo ka yihiin gudiyada siyaasadeed ee xisbiga. Waxaana uu Abdirisaq sheegay in hadii ay isku tagaan oo mowqif mideysan ay ula tagaan xisbiga, ay wax weyn soo kordhin karaan.
Sidoo kale waxaa jiro dhalinyaro badan oo soomaali oo katirsan ururka dhalinyarada xisbiga shaqaalaha ee AUF, oo qaarkood ayba xilal gudoomiye urur-gobol ay hayaan.
Soomaalida ayaa ah qowmiyada 3-aad ee soo galootiga ah ee ugu badan dalkan Norway, waana qowmiyada ugu badan ee soo galootiga ee codadka bixisa xiliyada doorashada.
Gudoomiyaha golaha deegaankaOslo, Reymond Johnsen oo katirsan xisbiga shaqaalaha(Ap), ayaa qudbadiisii maalinta haweenka (8 maarso) ku soo jeediyey in si tijaabo ah looga joogiyo lacagta taageerada qoyska (kontantstøtte) qaar ka mid ah xaafadaha Oslo, gaar ahaan kuwa ajinabigu ay ku badanyahiin. Raymond ayaa wargeyska vg u sheegay:
«waxaan soo jeedinayaa in caruurta qoyseska ay khusayso xanaanad( barnehage) bilaash looga dhigo, waalidiintoodana koorsyo luuqada ah iyo tababar shaqo loo diro.
Konstantsøtte: Lacagta la siiyo waalidiinta haysta caruurta ay da´doodu u dhaxeyso hal ilaa labo sano, isla markaana aan dhigan barnehage ay dowladu maamusho.
Reymond Johnsen ayaa sheegay in ujeedooyinka ay arintan ka leeyihiin, ay kamid tahay dar-dar galinta isdhexgalka bulshada(integrering). Wuxuuna ka codsaday dowlada dhexe(regjeringen) in xaafado ka mid ah degmada Oslo lagu tijaabiyo qorshahan, lacagta konstantstøttaha looga jarayo qoysaska. Xaafadaha uu Reymond soo jeediyay in laga jaro lacagtan, ayaa waxaa kamid ah Sagene, Østensjø iyo Sønde Nordstrand(Holmalia..)
[adsenseyu2]
Gudoomiyaha gudiga deegaanka ayaa sheegay in lacagtan waalidka lagu siiyo caruurta, marka ay guryaha ku heystaan ay caqabad ku tahay barashada af-noorwayjigaee caruurta yar-yar iyo waalidiintoodaba. Reymond ayaa sidoo kale sheegay in ajinibugu ay ubadanyihiin dadka qaata lacagtan Konstantstøttaha.
Raymond sidoo kalle shhegay ila 5500 oo ka mid ah caruurta gaadhay da’da barnehagahu aanaytagin xarumaha xanaanada caruurta. Arrintani waxa ay keeni kartaa in caruurtaasi anaay la tartami karrin dhinaca luuqada iyo horumarka kuwa soo maray xarumaha xanaanada marka ay bilaabaan skuulka hoose.
FRP iyo xisbiyada midigta oo taageersan Reymond.
Xisbiyada midigta ayaa la dhacsan soo jeedinta qorshahan cusub ee Reymond. Meshvar Keshvari oo ah afhayeenka arimaha soo galootiga ee Frp, ayaa sheegay in lacag lagu siiyo haweenka inay ilmaha guriga ku heystaan, aysan aheyn mid faa´iido leh marka loo fiiriyo mustaqbal ahaan. Sidoo kale xisbiyada Høyre iyo Venstre ayaa sheegay iney taageersanyihiin soo jeedinta Reymond.
Venstre ayaa sheegay in xili hore ay soo jeediyeen in qorshe noocan oo kale ah, balse ay soo jeediyeen in magaalada Oslo oo dhan laga jaro lacagtaas la siiyo waalidka ilmaha ku xanaaaneeyo guryaha.
Hadalka Reymond waxa uu ahaa soo jeedin kali ah, laakiin go´aanka arintan waxa uu kujiraa gacanta baarlamaanka (stortinget), sababta oo ay tahay sida keli ah ee lagu hirgelin karaa waa in sharciga wax laga bedelo. Wasiirka qoyska iyo sinaanta Solveig Horne, ayaa sheegtay in hadii la rabo in arintan la dhaqan-galiyo, isla markaana xaafado gaar ah laga jaro lacagtaas, ay waajib noqon doonto in isbadal lagu sameeyo sharciga qoyska.
KRF oo kamid ah xisbiyada taageera dowlada, ayaa dowlada uga digay inay aqbasho qorshahaas. Waxeyna sheegeen in degmada Oslo ay sameyn karaan waxyaabo kale oo badan, sidii kor looga qaadi barashada luuqada iyo isdhexgalkaba, laakiin in la jaro lacagta Konstantsøttaha aysan aheyn wadadii loo mari lahaa arintaas.
Fadumo Cali Madar: in xisbiga shaqaalahu(AP) uu kasoo horjeedo konstantsøttaha ma aha wax inagu cusub.
Faadumo cali madar
NorSom News ayaa la xidhiidhay Fadumo Cali Madar oo kamid golaha deegaanka ee magaalada Oslo, waxaana wax ka weydiinay qorshahan cusub ee ka yimid xisbiga shaqaalaha Ap.
Fadumo ayaa noo sheegtay in arrin cusub aysan aheyn in xisbiga Ap uu rabo in lacagtaas Konstantstøttaha la joojiyo si kor loogu qaado isdhexgalka bulshada, balse waxa cusub oo kaliya in xaafadaha magaalada qaarkood lagu tiyaabiyo sida Raymond maanta soo bandhigay.
Faadumo ayaa sheegtay in arintaas aysan aheyn mid xubnaha golaha deegaanka ee xisbiga Ap Oslo, ay ka shireen oo isku raaceen. Iyada oo raacisay in Reymond uu lahaa soo jeedin oo kali ah, balse go´aanka dhabta ah ee arintan uu kunjiro gacanta baarlamanka. Sidaas darteed waa muhiim in dadku fahmaan in aan wax go’aan ah laga gaadhin arrintan haba yaraateed, balse waynu la socon doonaa halka doodaas ku danbayso.
Wargeyska VG ayaa qorayo in kaamamka Norway ay kujiraan 326 dhalinyaro ah, kuwaas oo da´doodu ay kayartahay 18-sano, heystana magangalyo kumeel gaar ah. Taas oo ku siman inta ay ka qaan-gaarayaan(18-sano), waxaana markey 18-sano gaaraan dib loogu celin doonaa wadankii ay ka yimaadeen.
Sharciga magangalyada kumeel-gaarka ah ee la siiyo dhalinyarada ayaa adeegsigiisu uu kor u kacay sanadkii ugu danbeeyay. Hey´ada laanta socdaalka ee UDI ayaa warqad qeylo dhaan ah u dirtay baarlamaanka iyo dowlada, iyaga oo ka digayo khatarta ka imaan karto dhalinyarada sida kumeel gaarka ah loogu hayo kaamamka, markii ay 18-sano gaaraana wadanka laga saari doono. Waxeyna UDI sheegtay in dhalinyaradaas ay kunoolyihiin nolol degenaansho iyo xasilooni la´aan ah.
Xisbiyada SV, KRF iyo Venstre ayaa isku raacsan in la joojiyo adeegsiga sharciyada kumeel gaarka ah ee dhalinyarada, isla markaana aan dhalinyaradaas wadanka laga saarin markii ay 18-sano gaaraan.
Xisbiga shaqaalaha Ap ayaa arintaas ku gacan-seyray, iyaga oo sheegay inay dowlada ku taageersanyihiin isticmaalka sharcigaas, waxeyna dowlada ka codsadeen in dhalinyaradaas si wanaagsan loola dhaqmo, mudada ay wadanka sida kumeel gaarka ah usii joogayaan.
Kari Henriksen oo Ap katirsan ayaa VG u sheegtay in xisbigooda uu wali ku taaganyahay heshiiskii baarlamaanka lagu galay sanadkii 2015. Muhiimna ay tahay in sharcigaas aan la joojin, maadaama uu fariin u dirayo dadka caruurta usoo dirsanayo Norway.
Geir Toskedal oo ah afhayeenka arimaha soo galootiga ee xisbiga KRF in sida loola dhaqmayo dhalinyaradan ay sharaf dhac u tahay Norway, dhibaatana ay usoo jiido karto dhalinyaradan iyo waliba mujtamaca guud ahaan. Geir ayaa sidoo kale Ap ku eedeeyay inaysan waxbo dhaamin dowlada hada talada heyso, marka laga hadlayo arimaha soo galootiga, isaga oo arintaas ku tilmaamay mid nasiib daro ah, maadaama arintan ay khuseyso caruur iyo dhalinyaro.
Det som skjer nå sender et signal til ungdom som prøver å ta et oppgjør med æreskulturen, at de aldri er trygge i Norge. De frykter at de en dag skal bli kastet ut av landet de er født og oppvokst i, og som de frem til nå har følt seg trygge i.
Kjære Erna. Er du klar over hvor stor frykt og bekymring din regjering har skapt når det gjelder tilbakekalling av statsborgerskap? Forstår du hvor mange unge mennesker som hver dag frykter for å miste sitt norske pass? Deres fremtid er avhengig av hva deres foreldre eller besteforeldre sa til norske myndigheter da de søkte asyl.
Warbixin ay soo saartay qaramada Midoobey, ayaa lagu sheegay in ka badan 50,000 oo caruur ah oo ku sugan dalka Soomaaliya iney wajahayaan xaalad qatar caafimaad ah, sababo la xiriira abaaro ka jira qaar kamid ah gobolada dalka Soomaaliya, sida lagu sheegay warbixin ay soo saartay Qaramada Midoobay.
Tan iyo waxii ka dambeeyay markii digniinaha ay bilaabeen xafiisyada hay´ada arrimaha bini’aadanimada QM ee UN-OCHA, ayaa la sheegay in xaalada nafaqa-daro ay sii korortay, meelaha qaarkoodna ay dhimasho gaartay.
Warbixino kale ayaa lagu sheegay in ku dhawaad hal milyan oo soomaali ah oo qeyb kamid ah 12 qeybood marka shacabka loo qeybiyo ay wajahayaan biyo la`aan iyo cunto la`aan baahsan.
February 28.2017 Madaxweynaha Jamhuuriyadda Federaalka Soomaaliya, Mudane Maxamed Cabdullaahi Maxamed (Faramaajo), ayaa ku dhawaaqay in abaaraha ka jira dalka ay yihiin musiibo qaran oo u baahan in si degdeg ah looga jawaabo.
Madaxweynaha ayaa ugu baaqay beesha Caalamka iyo qurbo joogta soomaaliyeed in ay ka qeyb qaataan gargaarka loo fidinayo dadka ay abaarahu saamaayeen si looga gaashaanto in xaalad macaluul oo baahsan ay dalka ka dhacdo sidii lix sano kahor.
MARCH 4.2017 Ra’iisul Wasaare Khayre ayaa isagana sheegay in 48dii saac ee la soo dhaafay, ay ku dhinteen qaar kamid ah gobollada Koonfureed, gaar ahaan gobolka Bay dad tiradoodu ay gaareyso 110 ruux. Kuwaas oo ay saameeyeen abaaraha iyo cudurka Shuban-Biyoodka oo halkaasi ka dilaacay. Isaga oo sidoo xusay in xiligan loo baahan yahay iskaashi buuxa iyo wada shaqayn dhex marta shacabka iyo dawladda si wadajir loogu gurmado dadka soomaaliyeed ee dhiban.
Maku fakartay in ay jiraan dad soomaaliyeed oo dhiigaaga iyo dheecaan kaaga ah, ay u geeriyoonayaan saacad walba biyo la`aan iyo cunto la`aan raashin ay cunaan war kiisa daaye.
Fadlan walaal xasuuso dad kaaga baahan oo isku xil qaan inaad ka qeyb qaadato taburucaadka loo fidinaayo adigoo ku taageeraayo wixii awoodaada ah.
Alle wuxuu yiri isku naxariista anigana waan idiin naxariisanayaa sidaas daraadeed aan u naxariisano dad keena baahida iyo biyo la`aanta u geeriyoonaaya.
Dal waliba dad kiisa ayaa baahi tira alle hanaga dhigo kuwii baahi tira dalkooda iyo dadkooda Aamiin Aamiin.
WQ: Faysal Caseyr Maxamed
Hadii aad rabtid inaad fikirkaaga, aqoontooda, khibradaada ama dareenkaaga aad la wadaagto bulshada soomaaliyeed ee Norway, waxaad qoraaladaada noogu soo aadin kartaa: NorSomNews@gmail.com
FN-sjef António Guterres er i Somalia for å få verden til å reagere på sultkrisen i landet. – Folk dør. Verden må handle nå for å stanse dette, sier han.
– Vi må lage så mye støy som mulig. Konflikt, tørke, klimaendringer, sykdom, kolera. Kombinasjonen er et mareritt, sa Guterres under tirsdagens besøk.
FN ba i forrige måned om enorme 4 milliarder dollar (34 milliarder kroner) for å avhjelpe krisen i fire land som er rammet både av krig og sult. De tre andre landene er Jemen, Nigeria og Sør-Sudan. I Sør-Sudan har FN og myndighetene allerede erklært hungersnød.
I helgen meldte somaliske myndigheter om de første dødsfallene forårsaket av sult etter å ha erklært nasjonal krise i forrige uke. I løpet av 48 timer døde 110 personer i en og samme region.
-FN anslår at 5 millioner mennesker trenger nødhjelp i Somalia.
Krisen har også ført til at tusenvis av mennesker har reist til hovedstaden Mogadishu i jakt på mat, og hjelpeorganisasjoner greier ikke lenger å hjelpe alle.
Madaxweyanaha Turkiga Rajeb D. Ordogen ayaa Germany ku tilmaamay naasigii waqtigii Hitler, kadib markii dawladda Germany ay hor-istaagtay taageero jaaliyada Turkiya ee wadankaas ku nooli, ay ku taagerayeen madaxweyanaha turkiga.
Taas oo aheyd mid lagu muujinayay taageerada ay dadweynaha reer Turkiya u hayaan in Urdugan uu xilka sii hayo ilaa sanadka 2029, isla markaana isbadalna lagu sameeyo dastuurka dalkaas.
Ordogen oo maalintii shalay aheyd la hadlayey dadweynaha reer Turkiga, ayaa sheegay in dowlada Germany hada ka taliso aysan wax dhaamin habdhaqankii dowladii Germanka ka talin jirtay xiligii Naziga. Isaga oo tilmaamay inuu u maleynayay in dowlada dalkaas ay si dhab u tixgaliso demoqraadiyada iyo rabitaanka dadweynaha. Wuxuuna si cad u qeexay in dowlada dalkaas ay ku khaldaneyd is hor istaagii ay ku sameeyeen dadkii rabay inay muujiyaan taageerada madaxweynaha dalka ay kasoo jeedaan.
Hadalka adag ee Urdugan ayaa sababay mowjad xajiin siyaasadeed ah, iyada warbaahinta labada dalba ay aad u hadalhayaan, wuxuuna abuuray caro badan. Dad badana oo jaaliyada turkiga ee Germany ku dhaqan ah, ayaa kasoo horjeesteen is bar-bar dhiga xiligii Naziga iyo xiliga hada ee Urdugan.
Madaxa xukuumada Federalka dalka Germany Angela Markel ayaa codsatay in laga fiirsado hadalada deel-qaafka ah ee keeni kara isku dhacyada siyaasadeed, iyada oo codsatay in saaxiibadood Trurkiya ay si furan isku dhaliilaan, una wada hadlaan.
Xiriirka Germany iyo Turkiya ayaa bilihii ugu danbeeyay sii xumaanayay, kadib markii dowlada Germany ay horistaagtay kulan ay wasiiro katirsan xukuumada Turkiya ayla yeelan lahaayeen jaaliyada reer Turkiya ee Germany ku dhaqan. Dhanka kale Turkiga ayaa xabsiga u taxaabay wariye u shaqeeya wargeyska weyn ee Germany kasoo baxa ee Die-Welt
Turkiga oo lagu naaneyso albaabka Yurub ayaa heshiis la galay midowga yurub sanadkii 2015, heshiiskaas oo ku saabsanaa xakameynta fatahaada qoxootiga usoo qaxaya Yurubta Woqooyi. Urdugan ayaa dhowr ku han-daday in hadii Germany iyo EU-du ay fulin waayaan qodobadii heshiisyada dhankooda, ay iska ilaawaan in Turkiga uu istaajiyo qoxootiga reer Siiriya ee usoo socda Yurub.
Butikken i Tromsø vil gi kvinner fra forskjellige land muligheten til å kjøpe sine favorittklær.
Adam Abdullahi Dire er en somalisk-norsk mann som har bodd i Norge i 16 år. Han har studert ved Universitetet i Tromsø, og starter nå egen butikk i Ishavsbyen.
– Vi har åpnet denne butikken for å selge ulike somaliske produkter, og spesielt klær til kvinner. Det er viktig for dem at deres kulturelle klær og andre tradisjonelle ting blir mulig å kjøpe i Tromsø, sier Adam Dirie til NRK.
Gudi ay wasaarada dhalaanka iyo sinaanta u xilsaartay dib u eegista taageerada dhaqaale oo ay dowladu siiso qoysaska, ayaa soo jeediyay in la jaro lacagta Kontantstøttaha, laguna badalo in barnehage( goobaha xanaanada caruurta) bilaash ah la siiyo dhamaan caruurta.
Konstantstøtte: Lacagta la siiyo waalidiinta caruurta ay da´doodu u dhaxeyso 1 ilaa 2 sano, isla markaana aan dhigan barnehage ay dowladu maamusho/aan privat aheyn.
Xisbiyada Venstre, SV iyo qeyb kamid ah Høyre ayaa horey usoo jeediyay in caruurta oo dhan ay xaq u yeeshaan inay helaan barnehage bilaash ah, laakiin lama oga sida ay xisbiyadan uga fal-celin doonaan soo jeedinta gudigan ee ah in la jaro Konstantstøttaha.
Xisbiyadan ayaa go´aankooda ku saabsan arintan ku falanqeyn doono, shirar qarameedyada ay yeelanayaan isbuucyada inagu soo aadan.
Gudigan ayaa sidoo kale soo jeediyay in kor loo qaado lacagta Barnetrygden, laguna xiro qarashka dhaqaale ee soo gala qoyska. Waxeyna soo jeediyeen in la siiyo qoysaska ugu baahi badan.
Barnetrygd: Lacagta la siiyo waalidiinta dhaley caruurta ay da´doodu ka yartahay 18 sano.
Hala hala qeybiyo fasax dhalmada waalidiinta:
Gudigan ay dowladu u xilsaartay qiimeyn dhaqaalaha ay dowladu siiso qoysaska, ayaa sidoo kale soo jeediyay in si siman loo qeybiyo fasaxa dhalmada ee waalidiinta. Waxeyna soo jeediyeen in sadex isbuuc oo dhalmada ka horeyso in lix ka danbeyso si gaar ah loo siiyo fasax hooyada, halka 40-ka hareyna si siman loogu qeybiyo labada waalid ee ilmaha dhalay.
Xisbiga shaqaalaha Ap oo kamid ahaa xisbiyadii taageersanaa mooshinkii awood ka qaadista hey´ada laanta socdaalkam kaas oo lagu balansanaa in baarlamaanka la horkeeno 14-ka bishan Maarso, ayaa dalbaday waqti dheeri ah oo ay uga soo fakaraan taageeradaas ay siiyaan mooshinkaas. Waxeyna taas timid kadib markii ay warqad codsi qoraal ah, ay soo dirtay wasiirada arimaha soo galootiga iyo isdhexgalka bulshada ee Sylvi Listhaug.
Mariam Abdi Hussein oo kamid ah musharaxiinta baarlamaanka xisbiga SV sanadkan uga tar-tamaya magaalada Oslo, ayaa iyada oo arintaas ka hadleyso sheegtay inay muhiim tahay in soomaalidu ay arkaan farqiga u dhaxeeyo SV iyo Ap, oo dad badan ay u maleeyaan inay isku hal xisbi yihiin.
Marian oo dhawaan loo doortay inay kamid noqoto golaha dhexe ee SV ayaa wareysi ay siisay NorSom News ku carabowday in sharciyadan ku saabsan soo galootiga iyo xiligan adag ee lagu jiro, ay si cad u muujinayaan fikir kala duwanaanshaha SV iyo Ap oo soomaalidu ay isku qaldaan.
Wareysiga Marian oo dhameystiran, dhawaan ayaan soo galin doonaa.
SV ayaa ahaa xisbigii lahaa soo jeedinta ku saabsan awood ka qaadista hey´ada laanta socdaalka ee sharci kala noqoshada jinsiyadaha. Maalmo kahor ayey sidoo kale soo jeediyeen soo jeedin kale oo ah in la xadido xiliga qofka laga qaadi karo jinsiyada, iyada oo loo fiiriniyo inta sano ee uu wadanka degenaa. Labada soo jeedin ee SV waxey taageero ka wada heleen inta badan xisbiyada mucaaradka ah, marka laga reebo Ap oo midna diiday inuu taageero, midna codsaday in la siiyo waqti dheeri ah oo ay uga soo fakaraan.
Xisbiga Venstre oo kamid ah labada xisbi yare ee xukuumada hada jirto wada-shaqeynta la leh, ayaa go´aan cad ku sheegay inaysan doorashada soo socoto la shaqeyn doonin xisbiga Frp. Taas badalkeedana ay rabaan wada-shaqeynta xukuumad ka kooban Høyre, Krf iyo Venstre.
Waa xisbigii labaad ee diida wada-shaqeynta Frp. Horey KRF ayaa u diiday inay la shaqeeyaan xisbiga Frp oo lagu tiriyo xisbiyada xagjirka midigta fog ah.
Diidmada labadaan xisbi yare, ayaa ka dhigan in jaaniska soo noqoshada Frp, uu sii wiiqmayo. Halka xisbi ee ilaa hada sheegay iney la shaqeyn doonaan Frp waa xisbiga ay dowlada ku wada jiraan ee Høyre.
Adeegan cusub ee Remmitor.com ayaa ah mid kaa caawinayo in adiga oo gurigaaga iyo caruurtaada aan kasoo dhex-bixin, lacagta biilka aad si toos ah ugu diri karto eheladaada joogo Somaliya, Kenya, ama Ethopia.
Gurigaaga dhexdiisa, adiga oo banaanka usoo bixin ayaad lacagta biilka u diri kartaa qofka heysto adeegyada mobilada ee Zaad, Sahal ama EVC-pluss. Sidoo kale qofkii aan heysan adeegyadaas, wuxuu lacagta ka qaadan karaa xafiisyada xawaalada Taaj.
Waxbo qabowgan jiro iyo barafkan dhacayo banaanka ha isku soo daalin, ee:
I begynnelsen av februar sendte FN ut et varsel om at Somalia risikerte å bli rammet av en sultkatastrofe.
Og ganske riktig: regnet uteble og avlingene sviktey. Nå har titusener forlatt hjemmene sine i et forsøk på å skaffe seg mat og vann. Det blir rapportert at selv kamler dør i den ekstreme tørken.
Hvorfor gjør vi ikke mer for å unngå sultkatastrofer?
Radio.nova spurte daglig leder i Utviklingsfondet, Kari Helene Partapuoli. Hør hvorfor her:
Wasiirada arimaha soo galootiga dalkan Norway ayaa maalmo kahor sheegtay inay rabto in baaritaan qoto-dheer lagu sameeyo telefoonada gacanta iyo computarada dadka qoxootiga ah, si loo ogaado isla markaana looga hortago, hadii ay khatar amni kuyihiin dalkan Norway.
Listhaug ayaa sheegtay in iyada iyo dowladeedu ay rabaan in la sameeyo sharci booliska u ogolaanaya inay baaritaan ku sameyn karaan, telefoonada gacanta iyo computaradooda magangalyo-doonayaasha, si ay boolisku u ogaadaan macluumaad dheeri ah oo aysan maanta awoodin iney helaan.
Wasiiradan ayaa sheegtay in baaritaankan uu sidoo kale dowlada ka caawin karo, helista xog ku saabsan khadadka tahriibka iyo maga-fayaasha(Muqalasiin).
Germanka oo arintan horey u sameeyay:
Dowlada dalka Germanka ayaa sharci noocan oo kale ah horey u dhaqan-galisay, si looga hartago weerarada argagaxisnimo ee shaqsiyaadka xagjirka ah ee kusoo gabado magangalyo-doonayaasha.
Dalka Germanka waxaa horey uga dhacay weeraro argagaxiso oo ay sameeyeen dad magangalyo-doon ahaan dalkaas kusoo galay. Laakiin ilaa hada Norway kama dhicin wax weerar argagaxiso ah oo ay geysteen dad magangalyo doon ah.
Ol-ole internetka ah oo lagu dalbanayo in la helo nidaam deyn islaami ah, ayaa waxaa sadex isbuuc gudahood ku saxiixday dad dhan 1240 qof. Dadka ololaha ka danbeeyay ayaa sheegay in ujeedoodu ay tahay in bankiyada Norway la tuso inay jiraan dad badan oo kunoolk dalkan Norway, kuwaas oo xiiseynayo nidaamkaas deynta islaamiga ah.
Arinta ku saabsan xiisaha deynta islaamiga ah ayaa soo bilaabatay bishii January, kadib markii bankiga weyn ee Storebrand uu sheegay inuu qiimeynayo bilaabista bixinta deyn ku saleysan nidaamka islaamiga ah.
Madaxa dhinaca xiriirka ee bankiga Storebrand ayaa sheegay in bankigiisu uusan wali gaarin go´aan ku saabsan arintaas, balse ay wali kujiraan qiimeyntooda bilaabista deyntaas islaamiga ah.
Rapport uu soo saarey Torkel Brekke oo ah khabiirka dhinaca dhaqaalaha ah ayaa wuxuu bankiyada Norway kaga codsaday inay bilaabaan bixinta deyntaas islaamiga, oo baahi badan ay u qabaan bulshada islaamka ah ee Norway kunool.
We use cookies on our website to give you the most relevant experience by remembering your preferences. By clicking “Accept”, you consent to the use of the cookies.
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
error: Digniin: Ha isku dayin in copy gareyso wararka aan daabacno. Waan kula soconaa.
Adeegan cusub ee 
Gurigaaga dhexdiisa, adiga oo banaanka usoo bixin ayaad lacagta biilka u diri kartaa qofka heysto adeegyada mobilada ee Zaad, Sahal ama EVC-pluss. Sidoo kale qofkii aan heysan adeegyadaas, wuxuu lacagta ka qaadan karaa xafiisyada xawaalada Taaj.
