Tan iyo markii ay cadaatay in ninkii weerarka ka geystay Stocklom uu ahaa nin sharciga magangalyada loo diiday, waxaa soo badanayo cadaadiska saaran dowlada Sweden ee ku aadan dadka magangalyada loo diiday, balse wali kusii sugan dalkaas.
Rakhmat Akilov oo ahaa ninkii ka danbeeyay weerarka lagu dilay afarta qof, ayaa ahaa nin loo diiday sharciga magangalyada, isla markaana lagu amray inuu wadanka isaga baxo. Warar kale ayaa sheegayo in booliska ninkaas ay raadinayeen, si ay wadanka uga saaraan.
Ma ahan markii ugu horeysay oo qof loo diiday sharciga magangalyada uu Sweden ka geysto fal danbiyeed aad weyn. Sanadkii 2015, waxaa weerar lagu dilay labo qof dalkaas ka geystay nin Ereteriya kasoo jeedo, kaas oo la siiyay diidmo. Ninkan ayaa dukaanka Ikea ee magaalada Vesterås dhexdiisa, mindi ku dilay hooyo iyo wiilkeeda oo dukaanka ka adeeganayay. Waxaana hada lagu xukumay xabsi daa´in.
Dowlada Sweden ayaa sheegtay in wadankaas ay kunoolyihiin ilaa 12.000 qof, kuwaas oo heysto diidmo xaga sharciga magangalyada ah. Waxaana lagu wadaa in tiradaas ay kor usii kacdo, maadaama dhowrkii sano ee ugu danbeeyay ay soo bateen dadka diidmada ka helaya codsiyadooda magangalyada.
Anders Ygeman oo ah wasiirka arimaha gudaha Sweden, ayaa sheegay in dowladiisu ay dar-dar galineyso tarxiilka dadka heysto diidmada magangalyada, isla markaana lagu amray inay wadanka isaga baxaan. Wuxuuna raaciyay in dowladiisu ay kor u qaadi doonto awooda booliska, iyada oo siin doonto kharashaad dheeri ah oo ay howshaas ku filiyaan.
Anders Ygeman ayaa sidoo kale sheegay in boolisku ay kor u qaadi doonaan kontrollka goobaha ganacsiyada dadka soo galootiga ah, si looga hortago in dadka heysto diidmada sharciga magangalyada, ay si suuq-madow ah uga shaqeeyaan dalkaas gudahiisa. Arintan ayuu wasiirka u cuskaday in ninkii geystay weerarkii Stocklom jimcihii lasoo dhaafay, uu in mudo ah si sharci daro ah uga shaqeynayay goob ganacsi.
Xigasho/kilde: Aftenposten.no, DN.SE
[adsenseyu2]
Journalka lokalka ah ee deegaanka Strand(Strandbuen), ayaa warbixin ka qoray howsha gurmadka abaaraha ee jaaliyada soomaaliyeed ee magaalada Strand.
Fawzi waxaa kale uu ka mid noqday xubnaha maamulka ururka dhalinyarada heer yurub ah ee qayba Oslo.(Oslo European Youth) ee gobalka Oslo. Waxaa kale oo loo doortay inuu ka mid noqdo kooxda dhalinyada ee xiriirka xafiiska Qaramada Midoobay ee Oslo (FN-Sambandets Ungdomspanel «UN Youth Volunteer in Communications) . Lix qof oo dhalinyaro ah ayaa sannad kasta xafiiska QM ee Oslo ka soo xushaa dalka oo dhan, kuwaas oo muddo hal sano ah la shaqeeya xafiiskaas Qaramada midoobey. Dhalinyaradaas lasoo xulay waxaa ay wax ka qoraan mawduucyo la xiriira ama taabanaya shaqada QM. Fawzi waxaa uu qoray ilaa 10 maqaal (articles) sannadkii uu xubinta ka ahaa dhalinyarada Qaramada midoobey u shaqeynaayey.Maqaaladaas qaar ka mid ah waxaa lagu daabacay wargeyska ugu weyn dalka Norway ee Aftenposten. Dhammaan qoraaladaas waxaa kaloo lagu daabacay hoyga internetka ee xafiiska QM ee Oslo. Fawzi qoraaaldiisu waxay taabanayeen arimaha bii’adda, mucaawinada dalka Norway siiyo waddamadda soo koraya iyo arrimo la xiriira nabadgelya. Qaar ka mid ah Qoraalada Fawzi waxaa istimaala iskuulada oo u adeegsada inay ardaydu ka doodaan micnaha qoraalka iyo farriinta uu xambaarsan yahay.Sannadkii 2015 waxaa Fawzi loo doortay hoggaanka guddiga golaha degaanka ee dhallinyarada ee degmada Sagene (leder av Barne- og Ungdomsrådet i bydel Sagene «leader of Sagene District Youth Council»). Golahani waxaa uu maamulka degmada talo ka siiyaa arrimaha ku aaddan caruurta iyo dhallinyada degmada Sagene ku nool. Tusaale ahaan baahida kala duwan ee la xiriirta garoomada ciyaaraha kala duwan, goobaha madadaalada dhallinyarada ee waqtiga ay iskuula fasaxa ka yihiin iyo barnaamijyada kale ee dhallinayada la xiriira.
Bishii Sibtember ee 2016 waxaa Fawzi loo doortay inuu ka mid noqdo xubnaha xisbiga shaqaalaha ee u sharraxan baarlamaanka qaranka Norway ee doorashada dhici doonta bisha Sibtember ee sannadka 2017. Waana murshaxa xildhibaan ee ugu da’da yar ee Xisbiga Shaqaalaha, Waxaana laga yaabaa inuu Fawzi noqdo tartamaha ugu da’da yar murashixiinta barlamaanka 2017-ka ee xisbyada siyaasadda ee Norway oo dhan. Fawzi waa xildhibaanka soomaaliyeed ee ugu fursada fiican inuu guulo wax ku ool ah ka gaaro siyaasada dalka Norway. Waxaa uu aad u fahmey oo uu kusoo barbaaray siyaasada dalkan isagoo ku biiray wakhti uu aad u da`yaraa. Qaar ka mid ah wargeysyada ugu waaweyn dalka Norway ayaa Fawzi ugu yeeray ” Obamihii Soomaalida”
