Sida ku xusan webka hey´ada mucaawinada iyo deeqaha u qaabilsan wasaarada arimaha dibada ee Norad, dowlada Norway ayaa sanadkii lasoo dhaafay ee 2016 Soomaaliya ugu deeqday lacag deeq ah oo dhan 339.9 milyan NOK. 

92 % Lacagtan waxaa Soomaaliya loo soo marsiiyaa hey´adaha aan dowliga aheyn (NGO -yada) ee ka howlgala Soomaaliya iyo wadamada dariska la ah.

NGO-yadan oo isugu jira kuwa laga leeyahay Norwey, kuwa hoostaga qaramada midoobey, kuwa wadamo  kale laga leeyahay iyo waliba kuwa maxali ah oo wadanka gudahiisa ka howlgala.

Lacagta u badana waxay Norway Soomaaliya usii marsiisaa NGO-yada laga leeyahay Norwey ee ka howlgala Soomaaliya, sida Flyktninghjelpen, Kirkens Nødhjelp, Norges Røde Kors, ADRA, Redd Barna iyo Digni.

[adsenseyu2]

Sida ku xusan Norad, lacagta sanadkii Soomaaliya la siiyay ayaa waxaa loogu talo-galay inay wax kubaxaan waxyaabahan hoos ku xusan:

1. Wax ka qabashada iyo dib u dhiska Maamulwanaaga dowladeed=(149 milyan)

   Gar-gaarka bini aadinimo( 62 milyan)

2. Horumarinta dhaqaalaha iyo ganacsiga=( 60 milyan)

3. Waxbarashada iyo tacliinta=( 34 milyan)

4. Caafimaadka iyo arimaha bulshada=( 32 milyan)

5. Qarashaadka kale= (4milyan)

Su aasha meesha ku jirta ayaa ah in lacagtan oo aad u badan marka laga eego xaalada uu wadanku ku suganyahay,  loo isticmaalay sidii loogu talagalay ama la marsiiyay wadadii saxda ahayd. Marar badan ayay hay-adaha soomaaliya ka howlgala ee dowliga ahayd, ay ka cowdeen in lacagaha deeqaha ah ee la sheego in Soomaaliya loogu deeqay, aysan soo dhaafin xafiisyada NGO-yada ee Nairobi.

Xigasho/kilde: Halkan ka akhri listahan oo full ah

[adsenseyu2]

Dowlada Norway ayaa mar kale ku celisay soo jeedinteeda hore oo aheyd in meesha laga saaro xuquuqda dheeriga ah oo ay helaan dadka qoxootiga ah. Waxeyna soo jeedisay in si isku mid ah loola dhaqmo dadka wadanka magangalyada usoo doontay ee qoxootiga ah iyo dadka wadanka u dhashay ee norwiijiga ah.

Wasiirada arimaha dhaqaalaha Siv Jensen ayaa sheegtay in xaqdaro ay tahay in dadka qoxootiga ah ay helaan xuquuq dheeri ah oo ka badan dadka kale, marka loo eego meelaha qaar.

Howlgabka iyo dadka aan shaqeyn karin:

Mid kamid ah qodobada ugu muhiimsan oo ay dowladu iyo Siv Jensen ay soo jeediyeen ayaa ah, in soo galootiga ay si lamid ah sida dadka kale ay ugu yaraan 40 sano ay wadanka ka shaqeeyaan, si ay helaan lacagta ay qaataan dadka howlgabka noqday(Pensjon) iyo dad aan awoodin inay shaqeeyaan(uføretrygd).

Waxaana lasoo jeediyay in soo dadka qoxootiga ah ee dhaafay da´da 67 sano ama dad aan shaqeyn karinee aan buuxin shardigaas, la siiyo lacag yar oo ay nolosha ku ceshtaan.

Dowlada ayaa sidoo kale soo jeedisay in qofka qoxootiga ah uu ugu yaraan wadanka degenaado 5 sano, si uu u helo lacagta la siiyo waalidka heysto caruurta ay da´doodu u dhaxeyso sanad ilaa labo sano, isla markaana aan dhigan barnehage dowladeed.

Xigasho/kilde: Nettavisen, Kommunalrapport.no

[adsenseyu2]

Av Ingeborg Aspeli

Hver sesong av moteuker er det noen nykommere på catwalken som blir spådd en lysende framtid. Denne runden var det Halima Aden som tok pusten fra fashionistaene på første rad.

I løpet av noen få måneder har hun signert med IMG Models som første kvinne med hijab, gått på Yeezy-visingen under New York Fashion Week og visningene til Max Mara og Alberta Ferretti under Milano Fashion Week, samt vært på forsiden til Carine Roitfelds CR Fashion Book.

– For å være ærlig trodde jeg ikke at det var plass til meg i moteverdenen. I oppveksten min så jeg ingen kvinner som så ut som meg i magasiner, på TV eller på reklameplakater, forteller 19-åringen til Refinery 29.

Les saken videre her: Melkehonning.no

[adsenseyu2]

Barnaamijka God Morgen oo ah barnaamij kabaxa TV2 ayaa saaka looga hadlay xaalada guud ee abaaraha Soomaaliya. Waxaana lagu casuumay Muhamed Osman Ahmed oo katirsan jaaliyada soomaaliyeed ee Norway iyo Anne Maria Helland oo ah xogyahaha guud ee ururka Kirkens Nød-hjelp, dhawaana kasoo noqotay safar ay ku tagtay Soomaaliya.

Muhamed Osman ayaa sheegay in isbuucii lasoo dhaafay ay soomaalida Norway sameeyeen lacag uruurin loogu talo-galay gurmadka abaaraha, ayna iska soo uruuriyeen lacag kor u dhaafeyso hal milyan NOK. 

Xogyahaha guud ee ururka Kirkens Nød-hjelp, ayaa ka deyrineyso xaalada abaaraha ee Somaaliya, iyada oo sheegtay inay gabaabsi sii yihiin xoolaha oo ah lafdhabarta nolosha baadiyaha ee Soomaaliya, isla markaana ay jiraan meelo badan oo caruurtu ay maalin walbe geeriyoodan.

Xigasho/kilde(Halkan ka daawo barnaamijka oo dhan)

[adsenseyu2]

Qaar kamid ah warbaahinta waaweyn ee Norway ayaa warbixino ka qoray qoraalkii ay hey´ada laanta socdaalka jimcihii lasoo dhaafey, ay kasoo saartay dib u qiimeynta magangalyada qoxootiga soomaaliyeed. Halkan ka akhri qoraalkan oo af soomaali a(NorSomNews)

UDI-da ayaa qoraalkooda ku sheegay in ilaa hada, digniin dib u qiimeyn magangalyo ay u direen 120 qof oo dhamaantood kasoo jeedo magaalada Muqdisho. Iyaga oo arintaas ku sababeeyay in amaanka magaalada Muqdisho uu soo hagaagay, tan iyo wixii ka danbeeyay sanadkii 2011, markaas oo magaalada banaanka looga saarey ururka Al shabaab.

Waa kuwan qaar kamid ah warbixinada ay warbaahinta Norway ka qoreen arintaas:

ABC-NYHETER, VG.NO, P4, NTB-Avisen-Agder

[adsenseyu2]

Sida uu qorayo wargeyska Dagbladet, dowlada Norway ayaa soo jeedisay in lasoo rogo shardi ah in dhiig laga qaado qofka raba inuu qaab dacwo ah ku imaado Norway, isaga oo sheeganayo inuu qaraabo la yahay qof degan Norway.

Marka uu qofku xareysanayo dacwad qoys, waxey safaaraduhu xaq u leeyihiin inay qofka ka qaadaan dhiig DNA ah, laakiin kuma qasbi karaan. Dowlada ayaa sheegeyso in arintaas ay keeneyso dul-duleel uu qofka ka faaíideysan karo, si uu Norway u imaado. Iyaga oo soo jeediyay in shuruud laga dhigo in qofka Norway imaanayo markasta laga qaado DNA.

[adsenseyu2]

Wasiirka kumeelgaarka ah ee arimaha soo galootiga Per Sandeberg iyo wasiirada qoyska iyo dhalaanka Solveig Horne oo labaduba katirsan xisbiga xagjirka ah ee FRP, ayaa soo jeedintan si wadajir ah usoo jeediyay. Waxeyna sheegeen inay uga gol-leeyihiin labo arimood: 1) In laga hortago dadka Norway sida beenta ah ku imaanayo Norway, iyaga oo iska dhiganayo inay qaraabo la yihiin qof Norway kunool. 2) in laga hortago in caruur yar-yar lagu qasbo inay Norway usoo dhoofaan, iyaga oo aan raali ka aheyn.

Inkasta oo wasiiradan ay arintan maqaar kale u galiyeen, hadana ujeedkoodu waa cadyahay. Waana in la yareeyo dadka qaabka dacwada ah Norway ku imaanayo Norway. UDI-da ayaa saadaalisay in sanadkan ay Norway imaan karaan, ilaa 24.000 qof oo qaab dacwo ah wadanka kusoo galay.

Sida uu qorayo Dagbladet, wasaarada dastuurka ayaa sheegtay in dadka qaraabo been-been kusoo galo Norway ay tahay dhibaato jirto oo baaxad weyn, sidaas darteed loo baahanyahay in laga hortago.

Labadii sano ee ugu danbeeyay, waxaa hoos u dhacay tirada dadka magangalyada soo weydiisan jiray Norway. Taasna waxey keentay inay FRP raadsadaan siyaabo kale oo arinta soo galootiga ay uga dhigaan mid joogto ah, waxey maalin walba keenayaa mowduuc cusub oo aan horey loo maqal.

Xigasho/kilde: Dagbladet.no

[adsenseyu2]

Gudiga gurmadka abaaraha jaaliyada soomaaliyeed ee Norway, ayaa maanta oo isniin ah diray/xawilay lacagtii gurmadka abaaraha ee ay iska soo uruuriyeen jaaliyada soomaaliyeed ee Norway.

Waxaana lacagtan oo tiradeedu ay dhantahay 1.26.025 NOK, sarifkeeduna uu noqonayo 114.900 $ lagu diray Sh Nuur Baaruud Gurxan oo ah madaxa gudiga gurmadka abaaraha qaran ee Soomaaliya.

Khalad farsamo oo dhacay Jimcihii:

Maalinta jimcaha aheyd ee lasoo dhaafay, waxaa lasoo bandhigay tirada lacagta soo xarootay guud ahaan, taas oo aheyd 1.026.26 NOK(Halkan ka daawo muuqaalkii live-ka ahaa, marka lacagta lasoo bandhigayay). Laakiin waxaa jiray khalad dhanka sarifka ah, kaas oo ka yimid qaabka loo dhigay sarif ahaanta lacagta marka dollar loo badalayo. Meeshii la rabay in laga dhigo qof(Jeg vil veksle fra), ayaa waxaa laga dhigay (Jeg vil kjøpe). Waxeyna taas keentay in tirada sarifka lacagta uu uu noqdo mid khaldan(124.786kun $, halka tirada saxda ah ay noqoneyso 114.900$).

U fiirso wali isbadalin tirada lacagta norwiijiga ah, ee waxa isbadalay waa tirada lacagta sarifka ah, marka dollar loo badalayo.(Halkan ka hubi oo adigaba gali lacagta norwiijiga ah ee dhan 1.026.025, kadibna qeybta sarifka waxaa ka dhigtaa(Jeg vil veksle fra). Halkan ka hubi sarifka lacagtan oo Norwiiji ah: dnb.no/Valutakalkulator

Dahabshiil: Waxaan lacagtan ku dirnay khidmo la´aan

NorSom News ayaa goob-joob ka aheyd kulanka ay lacagta ku dirayeen gudiga gurmadka abaaraha. Abdi Yusuf oo katirsan maamulayaasha Shirkada Dahabshiil Norway, ayaa sheegay in lacagtaas ay ka gudoomeen gudiga, isla markaana ay ku direen magaca Sh Nuur Baaruud Gurxan. Isaga oo raaciyay in lacagtan ay ka qaadan doonin lacagaha khidmada dulsaarka ah oo ay shirkaduhu qaataan, marka ay lacagta dirayaan.

Waxaa maanta si rasmi ah usoo gaba-gaboobay howshii gurmadka abaaraha oo ay si wadajir ah ugu kaceen jaaliyada soomaaliyeed ee Norway.

Warxumo tashiil: Shuushow bax

Waxaa labadii maalmood ee ugu danbeeyay soo baxay dad soomaali ah, qaarkoodna ay wariyeyaal sheegtaan kuwaas oo warar aan sax aheyn ka faafinayo howsha gurmadka abaaraha. Waxey suuqa galiyeen in lacagtii lasoo uruuriyay lagu qabsaday xaflado, laguna soo kireeyay fanaaniin heeso qaado. Arintaas oo ah mid aan sal iyo raad laheyn, xaqiiqadana ka fog. Ahna niyadjabin lagu sameynayo dadka soomaaliyeed ee sida niyada san ugu kacay walaalahooda soomaaliyeed ee abaaruhu ay saameeyeen.

NorSom News ayaa maanta goob-joob ka aheyd kulankii lagu dirayay lacagta, waxaana kasoo duubnay muuqaalo aan gadaal kasoo galin doono.

Wasiirkii hore ee arimaha dibada dalka Denmark, horeyna u ahaan jiray madaxa xisbiga Sosialdemakratiet(S), Mogens Lykketoft ayaa sheegay in xaalada amaan ee Soomaaliya aysan maanta aheyn mid si fiican u cago-dhigatay, isaga oo ka digay in qoxooti soomaaliyeed xiligan dib loogu celiyo wadankoodii.

Mogens ayaa hogaaminayay gudi katirsan baarlamaanka dalkaas, kuwaas oo safar sahan ah ku tagay wadamada geeska Afrika, si ay qiimeyn ugu soo sameeyaan xaalada amaan ee gobalka. Wuxuuna soo saarey warbixin uu ku sheegayo in Soomaaliya aysan xiligan awoodin qaabilaada qoxooti laga soo celiyay wadamada Yurub.

Mogens oo katirsan xafiiska xoghayaha guud ee qaramada Midoobay, ayaa dowlada Denmark kula taliyay inay dhageysato digniinta qaramada midoobay ee ku aadan dib u celinta qoxootiga soomaaliyeed. Isaga oo sheegay in Soomaaliya aysan hada ka jirin dowlada xoog badan, taas  awoodi karto inay damaanad qaado amaanka qoxootiga laga soo celinayo Yurub.

Hadalka Wasiirkii arimaha dibada hore ee dalka Denmark, ayaa kusoo aadayo xili ay dowlada Denmark sheegtay inay dib u qiimeyn ku sameyn doonto sharciyada magangalyada qoxooti soomaaliyeed oo gaaraya 800 qof.

Xigasho/kilde: Politiken.dk

[adsenseyu2]

Sida uu qorayo TV-ga qaranka Norway, waxaa xeebaha Soomaaliya lagu afduubtay doon laga leeyahay dalka India, taas oo ay saarnaayeen shaqaale Hindi ah oo tiro ahaan gaaraya 11 qof.

Warbaahinta qaarkood ayaa qorayo in doontan ay kusii jeeday magaalo- xeebeedka Boosaaso, iyada oo kasoo shiraacatay magaalada Dubai. Waxaana hada loo kaxeystay dhanka xeebta Eyl, iyada oo burcada afduubatay ay dalbadeen lacag madax furasho ah. 

Xigasho/kilde: NRK, Maritime.no

[adsenseyu2]

LUNNER: Innsamlingsaksjonen er gjennomført av kvinner knyttet til voksenopplæringen på Roa. Det er i all hovedsak somaliske kvinner som har samlet inn pengene, med Maryan Mo i spissen.

– Vi har både samlet inn penger på bøsse, og solgt mat til inntekt for de tørkerammede, forteller Maryan til Hadeland.

Innsamlingsaksjonen har foregått i hele Norge. I løpet av aksjonen er det samlet inn over en million kroner.

– Det er en stor glede å få være med å bidra slik at tørkerammede i hjemlandet mitt får hjelp, sier Maryan

Les saken videre her: Hadeland.no

[adsenseyu2]

Wargeyska Politiken ee dalka Denmark ayaa warbixin dheer ka qoray, xaalada qoys soomaaliyeed oo lagu wargaliyay inay dhici karto in Soomaaliya lagu celiyo, inkasta oo dowlada Denmark ay qoyska sanadkii 2012 kasoo qaadatay dalka Tunusiya oo ay qoxooti ku ahaayeen.

Sida uu wargeyskan qorayo, qoyskan soomaaliyeed ayaa in mudo ah degenaa dalka Libya oo caruurtooda qaar kamid ah ay ku dhasheen, ilaa heer jaamaceedna ay ku gaareen. Waxeyna sheegeen inay dalkaas ku noolaayeen ilaa sanadkii 2011, xiligaas oo uu dagaal sokeeye ka qarxay Libya ayna u qaxeen Tunusiya. Waxaana halkaas qoxooti ahaan uga soo qaadatay(Kvoteflykyning) dalka Denmark.

[adsenseyu2]

Inkasta oo qoyskan aysan toos uga imaan Soomaaliya, mudo dheerna ay kasoo maqnaayeen, hadana dhawaan ayaa waxaa wareysi ugu yeeray laanta socdaalka ee dalkaas. Waxaana lagu wargaliyay in magangalyadooda dib u qiimeyn lagu sameyn doono, maadaama xaalada amaan ee Soomaaliya ay soo hagaagtay.

Denmark cagahooda kuma imaan ee waa lasoo qaaday:

Qaabka ay qoyska soomaaliyeed dalkaas ku imaadeen ayaa ah qaabka loo yaqaan(Kvoteflyktnig) ama Nidaamka saami qeybsiga qoxootia aduunka ee qaramada Midoobay. Waxaana soo qaadatay oo magangalyo siisay Denmark oo ajiibeyso codsiga qaramada midoobay.

Qaramada midoobay iyo wadamada EU-da ayaa qeylo dhaan kasoo saarey arimahan ay Denmark sheegtay iney ku kaceyso, iyada oo ay noqoneyso markii ugu horeysay taariikhda oo uu wadan magangalyada kala noqdo, qoxootiga uu sanado kahor soo qaatay, isla markaana uu nabadgalyo u fidiyay.

Qoyskan soomaaliyeed ayaa kamid ah ilaa 800 oo qoxooti soomaaliyeed ah oo dalkaas kunool, kuwaas oo dowlada Denmark ay sheegtay inay dib u qiimeyn ku sameyn doonto magangalyadooda. Waxaana ilaa hada sharciga magangalyada dib looga qaaday ilaa 57 qof.

Wasiirada arimaha soo galootiga dalkaas Ingeborg Støjberg oo arinta qoyska ka jawaabeyso, ayaa sheegtay inaysan wax dhibaato ah aheyn, hadii qofka lagu celiyo wadanka uu muwaadinka u yahay, hadii ay nabad-galyo ka dhacdo.

Hey´adaha qoxootiga aduunka, kuwa qaramada midoobay iyo dhamaan dadka xogta fiican ka hayo ayaa sheegayo in xaaalada amaan ee Soomaaliya, aysan gaarsiisneyn heer qoxooti lagu celiyo. Iyaga oo ka codsanayo dowlada Denmark inay go´aankaas dib u dhigto.

Xigasho/kilde: Politiken.dk

[adsenseyu2]

Dhowr wadan oo reer galbeed ah, ayna horboodayaan USA iyo UK ayaa soo rogay in Laptop ama Comturarada gacanta aan lala soo fuuli karin duulimaadyada qaarkood, gaar ahaan kuwo ka imaada dalalka Islaamka ah.

Sidoo kale waxaa la mamnuucay in dadka ka shaqeeyo diyaaradaha, ee adeega bixiya aysan diyaaradaha lasoo fuuli karin Laptop ama computerka gacanta. Iyada oo sidoo kalena baaritaan adag lagu sameyn doono dhamaan waxyaabaha electroniga ah oo ay rakaabku lasoo fuulayaan diyaarada, sida IPAD, Telefonada gacanta iwm.

Arintan ayey dowladahan ku sababeeyeen kahortaga weerarada argagixiso iyo dhowrista amaanka diyaaradaha. Waxeyna sheegeen in kooxaha argagaxisada ah ay waxyaalaha qarxa kasoo buuxin karaan computerada gacanta, isla markaana ay lasoo fuuli karaan diyaaradaha, iskuna qarxin karaan diyaarada dhexdeeda. Iyaga oo qaraxii diyaarada Daallo ee magaalada Muqdisho, mar walba ka dhiga tusaalaha dhabta muuqdo ee arintaas, iyo waliba sida ay suurtogal ku tahay.

Xigasho/kilde: Dagbladet.no Finalcall.Travel.no, 

[adsenseyu2]

Dowlada dalka talyaaniga ayaa meel-marisay sharci cusub oo xuquuq dheeri ah siinayo caruurta magangalyo doonka ah ee dalkaas iska soo dhiibo. Sharcigan cusub ayaa dhigayo in caruurta soo galootiga ah ee dalkaas magangalyada soo weydiisto, ay heli doonaan xaquuq lamid ah caruurta u dhalatay wadanka Talyaaniga, ayna xaq u yeelan doonaan iskuul iyo daryeel caafimaad oo dowli ah.

Waxaa sidoo kale sharcigan ku xusan in caruurta dalkaas iska soo dhiibto ay heli doonaan qof masuul ka noqdo oo noloshooda damaanad qaado.

Sharcigan ayaa ah kii ugu horeeyay oo noociisa oo kale ah ee ka dhaqangala wadamada midowga Yurub ee EU-da. Sanadkii lasoo dhaafay ee 2016 oo kali ah, waxaa Italy magangalyo soo weydiistay 25.800 oo caruur magangalyo doon ah.

Inkasta oo dhaqaalaha Talyaaniga uu hoos u dhacay, shaqo la´aan badana ay kajirto, hadana dowlada dalkaas arintaas kama horistaageyso inay gacan bini-aadanimo u fididayaan da´yarta nolosha bida ee magangalyada soo weydiisata.

Xigasho/kilde: Dagsavisen.no

[adsenseyu2]

Laanta socdaalka iyo agaasinka soo galootiga ee UDI-da, ayaa bogeeda kusoo qortay qoraal warbixin ah oo ay uga hadleyso dib u qiimeyn magangalyada muwaadiniinta soomaaliyeed ee gaaraya 1600 ee qof(Hoos ka akhri qoraalkaas oo af-norwiiji ah).

Waxeyna sheegtay inay amar ka heleen wasaarada dastuurka iyo amniga, taas oo siisay wareegto ay dib ugu qiimeynayaan magangalyada dadka soomaaliyeed ee Norway iska soo dhiibay wixii ka horeeyay 2014, walina aan qaadan degenaanshaha rasmiga ah ee (Permanent oppholdtillatelse).

UDI-da ayaa qoraalkaaga raaciyay in arintan ay sabab u tahay in xaalada amaan ee Soomaaliya, gaar ahaan magaalada Muqdisho ay soo hagaagtay, kadib markii ay isaga baxeen ururka Al shabaab.

[adsenseyu2]

Ilaa hada 120 qof:

Sida ku xusan qoraalka hey´ada laanta socdaalka, ilaa hada waxaa digniinta dib u qiimeynta sharciga magangalyada helay 120 qof oo dhamaantood kasoo jeed magaalada Muqdisho.

Waxey sidoo kale raaciyeen in qof walba kiiskiisa si gooni ah loo qiimeyn doono inuu u baahanyahay magangalyo iyo inkale. Waxeyna sidoo kale sheegeen in hadii ay qaataan go´aan dib ugala noqosho sharci magangalyo, ay wali qiimeynayaan in qofka sharci dal kujoog lagu siin karo siyaabo kale. Sida sababo xaalad bini-aadanimo oo qofka ku xiri kara Norway, waxa u wanaagsan caruurta, hadii uu qofku ilmo ku heysto Norway iyo waliba  hadii ay jiraan dhibaatooyin caafimaad.

Go´aanka UDI, waxaad ka gudbin kartaa cabasho+ Qareen bilaash ah:

Sida ku xusan qoraalka laanta socdaalka, dhamaan dadka loo soo diray warqada digniinta dib u qiimeynta sharciga magangalyada, waxey xaq u leeyihiin inay helaan qareen difaaco oo bilaash ah. Isla markaana ay wixii macluumaad ah oo muhiim u ah kiiskiisa, uu usoo diro karo UDI-da, kahor inta aysan go´aan karin.

Sidoo kale hadii ay UDI-du go´aan gaarto, wuxuu qofku go´aankaas cabasho uga gudbin karaa hey´ada UNE oo mar kale dib u eegis ku sameyn doonto go´aanka UDI-da.

Xigasho/kilde: UDI.no(halkan ka akhri warka qoraalka ah ee UDI-da).

[adsenseyu2]

Av Christine Præsttun/NRK

SOMALIA (NRK): – Hun er syk og i fare. Du ser så svak hun er, sier moren som allerede har sett to av barna sine dø. Ekstremtørken i Somalia går hardt ut over de aller minste.

31 år gamle Buho Hussein Ahmed holder godt rundt den tynne hånden til datteren, redd for å miste nok et barn i sult.Den lille jenta ligger i fanget hennes med store, søkende øyne og altfor spinkle armer. Farhiya er to år og fire måneder gammel, men klarer ikke å sitte på egenhånd. Hun er for svak.

Jeg har mistet barna mine, sier moren stille og ser ned.

Les saken Videre her: NRK.NO 

[adsenseyu2]