Dowlada dalkan Norway ayaa dalka Afgaanistaan kasoo qaadatay 860 qof, kuwaas oo siyaabo kala duwan loola xiriirinayo Norway, kadib markii ay maamulka dalkaas awood kula wareegeen ururka Taalibaan.
860-kan qof ayaa hada ku sugan goobo kala duwan oo Norway ah, waxeyna hada hey´addaha qoxootiga iyo kuwa amniga ka shaqeynayaan xaqiijinta aqoonsiyada shaqsiyadeed ee dadkaas ay Norway soo qaadatay.
Afgaanistaanta ay Norway kasoo qaaday dalkoodii ayaa isugu jiro:
- 518 qof oo la xiriirinayo ciidamada Norway ee Afgaanistaan ka shaqeynayay.
- 72 qof oo isugu jira dad u dhaq-dhaqaaqa xuquuqda bini-aadamka iyo aktifiistayaal.
- 63 qof oo ka shaqeynayay safaaradda Afgaanistaan iyo qoysaskooda.
- iyo 28 qof oo caruur aysan waalidkood la soco ah.
Frodde forvang oo ah madaxa hey´adda qoxootiga Norway ayaa sheegay in shaqada ugu weyn ee xiligan hortaala Norway ay tahay xaqiijinta aqoonsiyada dadkaas, kadibna go´aan laga gaari doono qaabkii dib u dajin loogu sameyn lahaa.