Hey’ada UNE ayaa labo maalmood kahor soo saartey go’ aan  ah in sharci magangalyo kumeel gaar hal sano ah, ay siisay Yaasmiin oo ah gabar soomaali ah oo Norway sharci la’ aan ku aheyd mudo 8 sano ku dhow.  Halkan ka akhri warkaas.

Karin Andersen oo kamid xildhibaanada baarlamaanka Norway ee xisbiga SV, masuulna ka ah siyaasada arimaha qoxootiga iyo magangalyada ee xisbigaas, ayaa sheegtay iney ku faraxsantahay go’ aankaas ay UNE gaartay, balse raacisay in go’ aankaas uusan wali aheyn mid dhameystiran. Yaasmiina ay mudantahay iney hesho magangalyo rasmi ah, maadaama ay soo martay dhibaato nololeed oo badan, caawina aysan ka heli doonin wadankii ay faraha ku laheyd ee Bulgaria, hadii lagu celiyo.

Xildhibaanadan ayaa sidoo kale sheegtay iney isku dayi doonto iney baarlamaanka ka dhaadhiciso in si gaar ah loo fiiriyo kiisaska dadka Yaasmiin oo kale ah, isla markaana aan mar walbe lala tiigsan heshiiska Dublin.

FRP: UNE howsheeda waan ku qanacsanahay. 

Lars-Svein Drablø oo ah gudoomiyaha xisbiga FRP ee gobalka Sogn og Fjordane ayaa NRK u sheegay in wax lala yaabo aysan aheyn in soo jeedin noocaas ah ay ka timaado Karin Andersen. Isaga oo raaciyay inuu ku kalsoonyahay go’ aanka ay UNE gaarto. Hadii ay go’ aamiyaan in Yaasmiin Bulgaria loo celiyana ay tahay go’ aan UNE gaartay oo lagu kalsoonaan karo.

Siyaasigan FRP katirsan ayaa dhanka kale in hadii isbadal lagu sameeyo qaabka ay UNE uga shaqeyso kiiska Dublinka ah ay Norway imaan doonaan dad badan oo xaalada Yaasmiin oo kale ku sugan, si ay uga faa’ iideystaan isbadalkaas xaga sharciga ah. 

-Karin: Waan kasii shaqeyn doonaa

Kari Andersen ayaa dhankeeda sheegtay iney sii wadi doonto dadaalka ay ugu jirto in dadka Yaasmiin oo kale ah, ay magangalyo ka helaan Norway iyaga oo aan loo fiirineyn heshiiska Dublin. Waxeyna sheegtay in hadii Yaasmiin Bulgaria lagu celiyo ay ka micno tahay in Norway ay dhinac isaga tuurtay masuuliyadii bini aadanimo ee saarneyd. 

XIGASHO/KILDE: NRK

Yaasmiin oo ah gabadhii soomaalida aheyd ee tvga qaranka ee NRK, barnaamijkiisa Brennpunkt uu ka diyaariyay warbixinta calool xumada ah, ayaa la siiyay sharci kumeel gaar hal sano ah oo Norway kusii joogi karto. 

Sharciga la siiyay Yaasmiin ayaan aheyn mid rasmi ah o, laakiin waa mid ay hal sano oo kale kaga bad-baadi karto in loo celiyo wadankii ay faraha ku laheyd ee Bulgaria. Waxaana sidaas qorayo TV-ga qaranka Norway ee NRK. 

Hey´ada UNE ayaa ah mida gaartay go´aanka sharciga kumeel gaarka ah lagu siiyay Yaasmiin, kadib markii ay UDI-da soo xirtay kiiskeeda labo sano kahor. UNE ayaa sheegtay in Yaasmiin ay labo taariikh oo kala duwan ay siisay hey´adaha socdaalka ee wadamada Bulgaria iyo Norway, taasna ay keentay dhibaato ah shaki laga qabo aqoonsigeeda shaqsiyeed. Sidaas darteedna ay u siiyeen sharciga magangalyada ku meel gaarka ah. 

 Maxkamada sare  ee dalkan Norway ayaa diiday iney aqbasho racfaan ay Yaasmiin ka qaadatay go´aanka hey´ada laanta socdaalka iyo agaasinka soo galootiga bishii May ee sanadkii 2016. Waxeyna maxkamadu sheegtay in go´aanka hey´ada laanta socdaalku uusan aheyn mid kahor imaanaya xeerka xuquuqda bini-aadamka ee midowga Yurub. ilsa bishaas May ee sanadkii 2016, ayaa waxaa kiiska Yaasmiin loo gudbiyay maxkamada sare ee xuquuqul-insaanka ee kutaalo wadanka Faransiiska. 

Yaasmiin ayaa Norway iska soo dhiibtay sanadkii 2009, iyada oo markaas horey magangalyo uga codsatay, farana ku laheyd dalka Bulgaria. Norway ayey diidmo ka heshay, iyada oo lagu amrey iney wadankan isaga baxdo. Tvga qaranka Norway ee NRK, barnaamijkiisa Brennpunkt ayaa sanadkii 2014 muuqaal argagax leh ka diyaariyay xaalada gabadhan soomaaliyeed, waxeyna wixii markaas ka danbeeyay taageero weyn ka heshay shacabweynaha Norway. 

Wenche Hovland oo ah madaxa xarunta Florø Krise-senter oo ah meesha ay Yaasmiin ku nooleyd, caawina ka heli jirtay dhowrkii sano oo ay wadanka sharci la´aanta ku aheyd, ayaa NRK u sheegtay in Yaasmiin aysan wali heli nabad-galyadii iyo caawintii ay u baahneyd. 

Waxeyna raacisay in waxa kaliya ee hada isbadalay, ay tahay in Yaasmiin ay sanad kale kusii nagaan karto Norway. Taas oo ka dhigan in Boolis iyada raadinayo aysan albaabka kusoo garaaci doonin mudo hal sano ah. 

Terje Einarsen oo ah qareenka Yaasmiin ayaa sheegay iney ka tashan doonaan wixii ay yeeli lahaayeen arintan cusub ee soo korortay, iyaga oo isku dayayo iney wadooyin kala duwan u maraan sidii ay Yaasmiin magangalyo rasmi ah Norway uga heli laheyd. 

Wuxuuna raaciyay in howl-wadeenada caafimaadka ee baaritaanka ku sameeyay Yaasmiin ay cadeeyeen, iney u baahantahay gar-gaar iyo caawin caafimaad oo joogto. Midaasna aysan Yaasmiin wali helin. 

Xarunta ay Yaasmiin joogto ayaa sameeyay group facebooga ah, kaas oo lacagto loogu aruuriyay gabadhan soomaaliyeed. Waxaana lacagahaas lagu bixiyay qareemada u dooday Yaasmiin iyo waliba caafimeedkeeda. 

Xigasho/kilde: NRK.no

[adsenseyu2]

Sida uu qorayo wargeyska lokalka ah ee Halden Arbeiderblad oo xiganayo SSB, waxaa magaalada Halden ee gobalka Østfold kunool ilaa 405 oo asalkoodu uu soomaali yahay. Waxeyna soomaalidu noqotay qowmiyada afaraad ee ajnabiga ah ee ugu badan magaaladaas.

Isku dar Halden waxaa dagan 4184 qof oo ajnabi ah, kana soo kala jeedo 96 wadan oo caalamka ah. Waxaana tiro ahaan ajaaniibta degan magaaladaas ugu badan dadka kasoo jeedo wadanka Kosovo(559), Poland(448), Sweden(421) iyo Somalia( 405). 

Tirada ay SSB sheegayso waa tirada rasmiga ee diiwaan-gashan(magaalada adress kuleh), waxaana dhici karta in soomaalida degan deegaankaas ay ka badanyihiin intaas tiro ahaan.

Xigasho/kilde: Halden Arbeidsblad.

[adsenseyu2]

Wakaalada wararka ee NTB oo soo xiganeyso wargeys kasoo baxa dalka Bulgaria, ayaa qoreyso in isniintii aan soo dhaafney meydka gabar soomaali ah oo qabow u dhimatay laga helay dhulka buuraleyda xuduudka ah ee u dhaxeeyo wadamada Turkiga iyo Bulgaria.

Waxaana meydka gabadhan soomaaliyeed laga helay tuulada Ravadinovo oo dhacda dhinaca Koonfurta-Bari ee dalkaas Bulgaria. Sida ay sheegeen booliska tuuladaas, waxaa sidoo kale isbitaal kuyaal deegaankas lagu hayaa nin soomaali ah oo isna qabow daran uu haleelay, balse nool oo la helay isaga oo naftu ay kujirto. 

Sidoo kale meydka labo nin oo Ciraaq u dhashay ayaa shaley Jimcihii laga helay isla aagaas laga soo qaaday meydka gabadha soomaalida ah. Labadan nin oo da´dooda ay kala aheyd 28 iyo 35 ayaa iyagana u dhintay qabow daran oo dhulkaas buuraleyda kajiro xiligan.

Booliska Bulgaria ayaa sheegay in meydka labadan nin ay soo heleen dadka deegaanka, iyaga oo booliska ku wargaliyay. 

Dhulka buuraleyda ah ee laga helay meydka sadexdaan qof, ayaa ah qeybta kaliya ee aan laga ilaalin xuduudka 200 kilometer gaaraya ee u dhaxeeyo wadamada Bulgaria iyo Turkiga. Waxaana sadexdaan qofba ay ahaayeen dad qoxooti ah oo raba iney kasoo gudbaan xuduudkaas, si ay usoo galaan qeybaha kale ee wadamada Yurub.

Xigasho/kilde: NTB, SOMALISCHE.COM 

Jariirada Nyatider.Nu oo laga leeyahay dalka Sweden ayaa warbixin ka diyaarisay Maxamed Diinooz(Sawirka kore) oo ah qoraa soomaali ah, kaas oo sheegay inuu magaalada Muqdisho uu uga soo cararay sababo la xiriira fariimo hanjabaad ah. oo ay usoo direen dad soomaali ah oo kunool wadamada Yurub, kadib markii ay soo shaac-baxday in Diinooz uu qaatay diinta Christianka. 

Waxaan mudo bil kahor ah kasoo cararay magaalada Muqdisho, sababo la xiriiro hanjabaado aan kala kulmay soomaali muslimiin ah oo degan wadamada Yurub. Waxeyna muslimiinta kale ee aduunka ku dhiirigalinayaan iney i dilaan.

Diinooz ayaa sheegay in isaga iyo walaalkiis ka weyn, ay 7-sano kahor qaateen diintaas, ayna ku dayan jireen markaas Mona Walter oo ah gabar soomaali-Christian ah oo dalka Sweden degan. Wuxuuna raaciyay in walaalkiis oo Nuur lagu magacaabo uu Kenya u guuray isla markaasba, kadib markii loo hanjabay. Laakiin uusan isagu soo shaac bixin badalashada diintiisa, sidaasna uu mudo uga sii noolaa Soomaaliya, laakiin dhawaan lagu qasbay inuu wadanka isaga tago, hadana uu ku suganyahay magaalada Nairobi.

Nytider ayaa sidoo kale qoray in Diinooz uu hada si dhuumaaleysi ah ugu noolyahay magaalada Nairobi, isaga oo ka cabsi qaba in dadka cadowgiisa ah ay ogaadaan meesha uu suganyahay.

Jariiradan Sweden laga leeyahay ayaa sidoo kale sheegtay in Diinooz uu tusay sadex muuqaal oo telefoonka lagu qaaday, kuwaas oo muujinaya dhalinyaro Germanka joogto oo dil ugu hanjabayo Diinoos. Dhalinyaradan ayay Nytider qoreysaa iney yihiin group aktiv ah oo lagu magacaabo Mujaahidiin.

Ninka sida gaarka ah ugu hanjabay Diinooz ayay ku sheegeen inuu yahay wiil 18-jir sheegtay oo kunool dalka Germanka, laakiin facebooga ay ugu qorantahay inuu jiro 25 sano.

 Maxamed Diinooz ayaa sidoo kale raaciyay inuu u cabsi qabo xaaskiisa iyo wiilkiisa 10-jirka ah ee uu dhalay. Wuxuuna sheegay in dhawaan ay kooxo u hanjabeen wiilkiisa, ayna ugu goodiyeen iney dili doonaan hadii uusan u sheegin meesha uu aabihii ku suganyahay.

Qoyskeygu waxey heystaan diinta islaamka:

Diinooz ayaa sheegay inuu isagu doorbidayo diinta Christianka, maadaama uu u arko iney tahay diin qulqaad leh, (waa sida uu hadalka u dhigee). Wuxuuna sidoo kale ku tilmaamey iney tahay diin iscafis iyo nabadeed.

Dhanka kale wuxuu sheegay in qoyskiisu ay heystaan diinta Islaamka, aysana ku qanacsaneyn inuu isagu diinta Christianka qaato, ayna ku xireen xabsi loogu talo-galay dadka aan raacsaneyn fakarka islaamiga xagjirka ee wahaabinimada!.

Wuxuuna sheegay in halkaas lagu garaacay, laguna waxyeeleynayay maalmo dhowr ah. Laakiin la soo daayay kadib markii saaxiibadii olole weyn oo dhanka facebooga ah ay u galeen soo deyntiisa.  Diinoos ayaa sheegay in isaga loo dhibaateynayay, si dadka kale wax loogu tuso. 

Diinoos ayaa sheegay in inta uusan soomaaliya kasoo cararin uu u shaqeyn jiray xisaabiyana u ahaa shirkada coco-cola. 

Kilde/xigasho: Nyatider.se(Halkan ka akhri warkan oo af-Swedish ku qoran)

[adsenseyu2]

Sanadkii lasoo dhaafay ee 2916, waxaa aad hoos ugu dhacay tirada dadka magangalyo-doonayaasha ah ee iska soo dhiibay Norway. Dhanka kalena waxaa sharci magangalyo helay 12.700 qof, kuwaas oo badankooda ahaa dadkii Norway magangalyada soo weydiistay sanadkii 2015. 

Waana tiradii ugu badneyd abid ee dad magangalyo doon ah, kuwaas oo hal sano gudahood magangalyo ka helo Norway. 

Laanta socdaalka iyo agaasinka soo galootiga ee UDI-da, ayaa dhanka kale sheegayso in sanadkii 2016, ay ka shaqeeyaan codsiyada magangalyada dad gaarayo 23.300 oo codsiyood. Badankoodanu waxey ahaayeen codsiyada dadkii magangalyada Norway soo weydiistay sanadkii 2016. 

60% Siiriya:

7400 oo qof oo u dhiganta 60% dadka helay magangalyada, waxey kasoo jeedaa wadanka ay colaadaha sokeeye dhowrkii sano ee ugu danbeeyay ay burburiyeen ee Siiriya. 

Sidoo kale wadamada Ereteriya iyo Afgaanistan ayaa soo weheliyo oo booska 2-aad iyo sadexaad soo galaya. 1600 qof oo Ereteriya ka yimid iyo 1200 oo Afgaanistaan kasoo jeedo, ayaa kamid ah dadka helay sharciga magangalyada. 

Xigasho/kilde: Wakaalada wararka ee NTB

[adsenseyu2]

Sida ay qoreyso wakaalada wararka wadankan Norway ee NTB, waxaa sanadkii lasoo dhaafay ee 2016, Norway magangalyo soo weydiistay 3460 qof. Waxeyna aheyd tiradii ugu yareyd ee dad magangalyo doon ah ee Norway imaaday mudo 20-kii sano ahaa ee ugu danbeeyay. 

Dadka magangalyada soo weydiistay Norway ayaa guud ahaan ka yimid ilaa 100 wadan oo caalamka ah, balse wadamada Ereteriya(586 qof), Siiriya(529) iyo Afgaanistaan(373) ayaa ah sadexda wadanka oo ay magangalyo-doonayaasha ugu badan kasoo jeedaan.

Giriiga iyo Talyaaniga: 

256 qof oo tirada magangalyo-doonayaasha ah, waxaa laga soo qaaday xeryaha qoxootiga ee wadamada Talyaaniga iyo Giriiga. Waxeyna kamid ahaayeen saamiga ay Norway ka heshay heshiishkii qoxooti qeybsiga wadamada midowga Yurub. 

Dhalinyarada aan qaangaarin:

320 kamid ah dadkaas Norway magangalyada soo weydiistay waxey ahaayeen caruur aan wali qaan-gaarin(kayar 18-sano). 40% caruurta aan qaangaarine ee isa soo dhiibtay, waxey kasoo jeedaan wadanka Afgaanistaan. Sidoo kale 47 kamid ah, waxey kasoo jeedaan Ereteriya, halka 25 kamid ahna ay kasoo jeedaan Siiriya. 

Tirada guud ee dadka magangalyo doonayaasha ah waxaa sidoo kale kamid ah, 427 oo ah caruur Norway ku dhalatay. 

Xigasho/kilde: Wakaalada wararka Norway ee NTB. 

[adsenseyu2]

Baaritaan cusub oo ay sameysay IPSOS, ayaa lagu sheegay in 75% dadka norwiijiga ah ay rabaan in niqaabka ama indho-shareerka laga mamnuuco iskuulada iyo jaamacadaha.

Waxeyna taas ka dhigantahay in afartii qof ee Norway kunoolba, sadex kamid ah ay rabaan in niqaabka la mamcuuno. Waxaa sidaas qoraya wargeyska Dagbladet oo soo xiganayo shirkada xog uruurinta ee IPSOS. 

Waxaa la joogaa xili cusub: 

Njål Høstmælingen oo ah khabiir ku xeel-dheer arimaha bini aadanimada, kana howlgalo machadka qaanuunka iyo siyaasada caalamiga ah (ILPI), ayaa sheegay in tirokoobkaas cusub uusan aheyn mid lala yaabo, maadaama shucuubka kunool qaarada Yurub ay hada kujiraan xili ay dib ugu noqonayaan waayadii ay dhaqankooda, hidahooda iyo diintooda ay kahormarin jireen waxyaalaha kale. Isla markaana dadka laga tiro badanyahay dhinac laga eegi jiray. 

Kari Volgt oo ah haweeney cilmibaar dhinaca diimaha ah, ayaa ayadna sheegtay in arintaas aysan aheyn wax laga indho-taago, maadaama inta badan dadka muslimiinta ay ay qabaan in indho-shareerka ay xirtaan dad yar oo gooban oo dhinac xigo. Waxeyna tusaale usoo qaadatay in wadamo badan oo muslim ah, sida Turkiga, Masar iyo wadamo kuyaalo Aasiyada bari, aan la ogoleyn in dumarku ay niqaab ku xirtaan goobaha waxbarashada iyo goobaha dadweynaha ka dhaxeyso. 

Kari ayaa qabta in dooda niqaabka aysan aheyn mid u baahan in laga badbadiyo, maadaama mamnuucidiisu ay keeni karto in dad badan oo aan awal horey i xiran jirin ay bilaabaan iney xirtaan si ay u muujiyaan inaan loo awood sheegan karin, taasna ay keeni karto dhibaato kale oo aan hada jirin. 

Waxeyna raacisay in cabsida ka dhalatay weerarada ay geestaan kooxaha ku dagaalamo magaca diinta sida Daacish, ay saameyn weyn ku yeesheen fikradaha shucuubka wadamada galbeedka kunool ay ka qabaan Islaamka guud ahaan. Waxeyna taas fududeysay waxyaabo ay kamidyihiin in Donald Trump uu ku guuleysto doorashada mareykanka, ka bixitaankii U.K ee midowga yurub, sidoo kalena xisbiyo badan oo dhinaca midigta fog ah ka saaciday iney helaan codadka dad badan oo aan horey u taageeri jirin. 

-Dhibaato aan jirin yaan la abuurin:

Lin Nikkerud oo ah gabar ardayada muslimad ah oo sharciga barato in dumarka muslimiinta ah ee niqaabka isticmaalo Norway aysan ka badneyn 50 qof. Sidaas darteedna dhibaato laga abuureyno, meel aysan dhibaato kajirin. 

Xigasho/kilde: Dagbladet-papiravis( 04-1-2017, side 10).

[adsenseyu2]

Wasaarada cadaalada dalka Poland ayaa qarka u saaran iney dhawaan baarlamaanka wadankaas ka meel-mariso sharci cusub oo taageero siinaya waalidiinta wadankaas u dhashay ee ilmaha looga qaato wadamada dibada ah. Waxeyna sheegeen in sharcigaas uu dowlada wadankaas u sahlayo iney si toos ah usoo faragashato, kiisaska la xiriira caruurta Poolishka ah oo ay qaataan hey´adaha xanaada caruuraha ee wadamada ajaaniibta ah. 

Saxaafada wadankaas ayaa sidoo kale qorayso in sharcigan cusub uu ku wajahanyahay dhibaatooyinka caruuraha u dhalatay wadankaas ay kala kulmaan hey´adaha xanaanada caruurta ee wadama Norway, Germany iyo UK. 

[adsenseyu2]

Xoghayaha wasaarada cadaalada dalka Poland ayaa sheegay in tan iyo markii uu wadankaas kamid noqday midowga Yurub, ay dad badan oo Poland u dhashay ay u shaqo doonteen wadamada Yurubta galbeed. Taasna ay keentay in caruur badan wadankaas u dhalatay ay xadgudub kala kulmaan dowladaha wadamada ay waalidkood ka shaqeeyaan. Wuxuuna sheegay in sharcigan cusub uu saamaxayo in waalidka dhibaatoyinka la kulmo iyo qareenadooduba, ay helaan wax walba oo taageero ah oo ay u baahanyihiin, si arintooda loo xaliyo. 

Sidoo kale wuxuu raali-galin ka bixiyay in dowlada wadankaas ay waqti badan ka aamusneyd arintaas, Wuxuuna balan-qaaday ineysan taas dib danbe u dhici doonin. Isaga oo raaciyay in wixii hada ka danbeeyo wasaarada dastuurta dalkaas, wasaarada arimaha dibada iyo safaaradaha dibaduba ay si toos ah arimahaas usoo faro-gashan doonaan. 

Dowlad ayaa dowlad kaa celiso(Garba garbaa latusaa):

Dad badan ayaa isweydiin kara sababta aan u daabaceyno warka ku saabsan dowlad dadkeedii sidii ay u difaaci laheyd u tashaneyso. Waa su´aal sax ah oo mudan inaan ka jawaabno.

Maalin walba waxaan maqalnaa oohinta hooyo iyo aabe soomaaliyeed, kuwaas oo hey´ada xanaanada caruurtu ay ilmahoodii ka qaadatay, iyagiina ay baday gablan iyo guri cidlo. Qaadashada waxaa ka xanuunbadan in ilmahaagii aan sagaal bilood uurka kusoo waday qasab lagaaga qaado, laguna dhajiyo islaan aan habeyn xanuunkiisa dareemin, lacagna lagu siiyo heyntiisa iyo korsashadiisa. .

Waxbadan ayaan dhagaha ka fureysanay ilinta hooyo soomaaliyeed oo ciil iyo caloolyow la baday, waxaadna moodaa inaan is dhiibnay oo dhibaatada barnevernka sidey tahay aan ku aqbalnay. Waxaana nagu jirto cabsi iyo kalsooni daro, qof walbaana wuxuu isleeyahay yaan adiga laguu imaanin ee albaabka xiro. Ogow, hadii aad maanta ka aamusto dulmiga lagula kaco qof soomaali ah, adiguna inaad barito ku xigi doonto, markaadana lagaa aamusi doono, hadii aanba lagugu wiirsan.  

Waxaan hadaba warkan usoo daabaceynaa si aan dadka soomaaliyeed u tusno sida ay umaduhu iyo dowladuhu isugu gurmadaan, bal iney wax uun halkaas nooga bidhaamaan. Waa sax Soomaaliya maanta ma joogto heer ay is barbardhigto dowladaha horumaray sida Poland, Ruushka iyo India. Laakiin waxey taas noo noqon kartaa tusaale iyo yididiilo ku aadan kahor tagista xadgudubka lagula kaco waalidka soomaaliyeed ee nabada iyo nolosha usoo raadsaday wadamada qurbaha.

Waxaa intaas oo dhan ka horeeyo inaan isbadal weyn ku sameyno haqamadeena korinta ciyaalka, oo dabcan ah gundhiga dhibaatada barneverkna iyo soomaalida. Aana la jaanqaadno nolosha korinta caruurta ee wadamada aan kusoo qaxney. 

Xigasho/kilde: Frie-ytringer.no , Nialezna.po

[adsenseyu2]

Åsne Seierstad oo ah haweeneydii qoraaga aheyd ee buuga ka qortay labada gabdhood ee soomaalida ah ee u baxsaday dalka Siiriya, ayaa dhowr bilood gudahooda shan milyan(Nok) lacag kudhow ka heshay buugaas ay qortay. 

Wuxuuna buugaas soo baxey dhamaadkii bishii Oktober ee sanadkii 2016, isaga suuqa kujiraa bilo yar oo kooban. Taas oo ka dhigan in haweeneydan in lacag wax badan ka badan intaas, ay kasii ka heli doonto qoraalka buugaas.  Waxaa sidaas qorayo wargeyska ka faalooda arimaha dhaqaalaha ee Finansavisen. 

Halkan ka akhriso warkii ay NorSom News ka qortay buugaas, markii uu soo baxay.

«To Søstre» oo ah magaca buuga ay qoraagan ka qortay sheekada labadan gabdhood ee soomaalida ah oo sanadkii 2013 u baxsaday dalka Siiriya, ayaa sanadkii lasoo dhaafey ee 2016 galey kaalinta koowaad ee buuga ugu fiicnaa ee soo baxay sanadkaas. Waxaana ilaa hada la iibsaday ku dhawaad 100.000 oo xabo. 

Sida ay sheegtay madbacadii buuga daabacday, wuxuu buugan ahaa kii ugu horeeyay ee noociisa oo kale ah, kaas oo si qoto-dheer oo faah-faahsan uga hadlo arinta ku saabsan dagaal tagista ay dhalinyarada wadanka ku kortay u dagaal tagaan wadamada ay ka socdaan colaadaha, kadib markii la xagjireeyo. Taas ayaana sabab u ah in buugaas uu si fiican u gadbo, maadaama ay dad badan xiiseynayaan mowduucaas. 

Jens Stoltenberg VS Labo Gabdhood oo soomaali

Sanadkii hore ee 2016, waxaa soo baxay buug uu qoray reysulwasaarihii hore ee dalkan Norway Jens Stoltenberg oo wadanka reysulwasaare ka ahaa mudo sagaal sano ah. Sidoo kalena hada ah xogyaha gaashaanbuurta Nato. 

Buuga Jens iyo buuga laga qoray gabdhaha soomaalida ah ayaa isku mar suuqa soo galay, waxaana muuqato in buuga gabdhaha laga qoray sheekada gabdhaha soomaalida ah uu ku dhawaad labo jibaar ka iibsi badnaa kan Jens. 

To Søstre ayaa laga gatay 100.000, Halka Jens buugiisana laga gatay 60.000 xabo. 

Xigasho/kilde: Finansavisen-papiravis( 4-1-2017, side 6)

[adsenseyu2]

Dowlada  dalka Denmark ayaa war safaaxadeed ay saacado kahor soo saartey ku sheegtay in ay dib ugu noqotay go´aankii ku saabsanaa dib u qiimeynta sharciyada qoxootiga soomaaliyeed ee 1200 gaaraya. 

Denmark ayaa bishii Septemter ee sanadkii 2016, soo saartey go´aan ay ku sheegeyso iney dib u qiimeyn ku sameyn doonto sharciyada magangalyada qoxooti soomaaliyeed oo tiradoodu ay gaareyso 1200. Iyada oo markaas ay dowlada Dalkaas ku andacooneyso in xaalada amni ee meelihii ay kasoo qaxeen ay hada noqdeen meelo nabad ah. 

Go´aankan cusub ee maanta kasoo baxay dowlada Denmark, ayaa lagu cadeeyay in la joojiyay dib u eegistii lagu sameynayay sharciyada magangalyada qoxootiga soomaaliyeed ee dalkaas sharcigada magangalyada kumeel-gaarka ah ku heysto. 

400 oo wareysi lala yeeshay:

Sida ay noo xaqiijiyeen qaar kamid ah jaaliyada soomaaliyeed ee ku dhaqan dalka Denmark, waxaa wareysi ku saabsan dib u qiimeynta lala yeeshay dad gaarayo ilaa 400. Halkas 800 oo kalena loo diray warqado loogu sheegayo arinta dib u qiimeynta sharciyada. 

Go´aanka cusub ee maanta soo baxay ayaa lagu sheegay in dadkii wareysiga lala yeeshay ay sharciyadoodii magangalyada sii heysan doonaan, halka 800 boqol ee kalana halkaas lagu joojiyay prossoskoodii dib u qiimeynta. 

Wixii warar ah ee kusoo kordha warkan aadka u muhiimka ah, dib ayaan kasoo galin doonaa.

Xigasho/kilde: Poltikk.dk, Nyheder.tv.dk

[adsenseyu2]

Booliska magaalo xeebeedka Ceuta ee dalka Spain, ayaa 30-kii bishii aan soo dhaafneye ee Desember qabtay haweeney boorso ku wada nin 19 sano jir ah oo ay rabtey iney soo galiso xuduudka Spain. 

Booliska ayaa sheegay iney istaajiyeen haweeneydan oo ay arkeen iney aheyd mid wel-welsan, waxeyna ka codsadeen iney furto boorso weyn oo ay waday. Waxaana halkaas loogu tagay 19-jirkan kasoo jeeda galbeedka Afrika. 

Magaalada Ceuta ayaa kutaalo cirifka wadanka Morooko, waxaana maamulkeedu uu hoostagaa dalka Spain. Waxeyna marin u tahay kumanaan qoxooti afrikaan ah oo sanad walba isku daya iney qaab sharci daro ah kusoo galaan xuduudka wadankaas Spain. Ceuta waxaa gabi ahaanteedba ku wareegsan dhulka ay ka taliso dowlada Morooko.(Xigasho: Wikipedia, Ceuta)

Isniintii hore ayey aheyd markii 1100 qof oo qoxooti ah, ay soo jiireen darbi silig ka sameysan oo ku wareegsan magaaladaas, waxaana halkaas uu dhaawac kasoo gaarey boqolaal magangalyo doon ah iyo 55 boolis ah oo isugu jiro Marookaan iyo Spanish.

Xigasho/kilde: VG

[adsenseyu2]