torsdag, mars 28, 2024

KRF oo joker ka ah mooshinka baarlamaanka ee ku saabsan maxkadeynta dadka dhalashada lagala noqonayo

Sadex isbuuc kahor ah ayey aheyd markii sadexda xisbi ee SV, Ap, iyo Sp ay isku raaceen soo jeedinta mooshin uu baarlamaanka Norway u qaado, in awooda buuxdo ee kala noqoshada sharciyada dhalashada laga qaado laanta socdaalka iyo agaasinka soo galootiga ee UDI-da.

Prosseska la noqoshada sharciyada dhalashada dadka laga shakisanyahay iney ka been-sheegeen asalkoodana, lagu soo daro maxkamad gaarta go´aanka kama dambeysta ah, qofkuna uu u dacwoon karo hadii uusan ku qanacsaneyn go´aamada laamaha UDI iyo UNE. Halkan ka akhriso warka ku saabsan arintaas. 

Waxaa mooshinkaas taageeray dhamaan xisbiyada kujiro baarlamaanka, marka laga reebo Høyre, FRP iyo KRF. Taas oo ka dhigan in hadii la horkeeyo baarlamaanka uusan meel-mari doonin, maadaama uusan wlai helin kuraas ku filan. 

Xisbiga KRF ayaa kulan gaar ah ka leh mooshinkaas arbacadan inagu soo aadan ee 11-january, hadii ay taageeran mooshinkaas wuxuu helayaa taageero buuxdo oo ku meelmaro hadii la horkeeno baarlamaanka. 

Soo jeedinta mooshinkaas ku saabsan awood ka qaadista UDI-da, ayaa waxaa markiisii hore soo jeediyay xisbiga SV, iyada oo ku raaceen Sp, Ap, iyo Venstre oo gadaal uga soo biirey. 

Kari Andersen oo katirsan xildhibaanada baarlamaanka Norway ee xisbiga SV, ayaa sheegtay iney cadahay in xukuumada hada jirto aysan ku mashquulsaneyn dhowrista xuquuq-sharciyeedka ajaaniibta. Ay tahay in in baarlamaanku uu qabto howshaas.

Xigasho/kilde: Nettavisen.no

[adsenseyu2]

Latest news
Related news
error: Digniin: Ha isku dayin in copy gareyso wararka aan daabacno. Waan kula soconaa.
0
Would love your thoughts, please comment.x
()
x