Wasiirka cusub ee dhaqanka iyo sinaanta dowlada Norway, Abid Raja ayaa bogiisa Twitterka kusoo daabacay qoraal uu ku sheegayo inuu telefoon kadis ah, oo hanbalyo ah uu ka helay reysulwasaaraha Soomaaliya, Xasan Cali Kheyre.
Raja oo asal ahaan Pakistan kasoo jeedo ayaa sheegay in isaga iyo saaxiibkii Xasan Cali Kheyre ay xusuusteen xiligii ardeynimada iyo jaamacada Blindern ee magaalada Oslo. Wuxuuna sii raaciyay in Xasan Cali Kheyre oo Soomaali-Norwiijiyaan ah, uu hayo mid kamid ah shaqooyinka ugu adag aduunka.
Isaga oo u rajeeyay guul ah inuu Soomaaliya ka dhaliyo nabad waarta.