Dalal badan oo caalamka ah ayaa bilaabay inay dadweynaha siiyaan irbada sadexaad(3) oo corona ah, si dadku ay difaac xoogan ugu yeeshaan noocyada cusub ee feyruska corona.
Dalalka Germany, Faransuuska Iyo dalka Sweden ee Norway dariska la ah ayaa goor horeba sii diyaariyay qorshe irbad sadexaad(3) oo talaalka corona ah lagu siinayo dad waayeelka ah ee difaaca jirkoodu uu dabcay ama uu jilcay.
FHI: Wali sabab aan u bilowno ma aragno
Hey´adda caafimaadka dadweynaha u qaabilsan dowlada Norway ayaa sheegtay in ilaa hada aysan hey´addu arkin sabab talaalka sadexaad ee corona looga bilaabo Norway.
Geir Bukholm oo agaasime ka ah hey´adda qeybta cudurada faafa ee FHI ayaa sheegay inay dhihi karto in dadka uu difaaca jirkooda hooseeyo loo soo bandhigo irbada sadexaad oo talaalka corona ah, balse aysan ilaa hada muuqan baahi keeneyso in dadweynaha guud ee caadiga ah loo soo bandhigi irbada sadexaad ee talaalka corona.