Arild Humlen oo ah qareenka Mahad abiib ayaa shaley muuqaal-baahiyaha TV2 ka sheegay inuu hayo cadeymo cusub oo muujinayo in Mahad Abiib uu dowlada Norway kala kulmay cadaalad daro sharciyeed. Isaga oo codsaday in kiiska Mahad Abiib dib loo furo, loona soo celiyo jinsiyadiisii Norway, maadaama sida uu qareenku isagu sheegay uu hayo cadeymo qeexaya in Mahad si sharci daro ah loo xukumay. Halkan kasii akhri
Qareenka ayaa dhanka kale sheegay inuu xeer ilaalilaha qaranka Norway kacodsaday in kiiska Abiib uu ku sameeyo baaritaan dib u fiirin ah.
Kari Andersen oo ah xildhibaan katirsan baarlamaanka Norway ayaa sheegtay in qaabka ay dowlada Norway ula dhaqantay Mahad Abiib ay tahay qaab laga xishoodo oo bini-aadantinimo ka bax ah. Waxeyna sheegtay inay kiiska Abiib kala hadli doonto wasiiradda cadaalada Norway Monica Mæland oo xisbiga Høyre katirsan.
Xildhibaanadan ayaa sheegtay in lagama maarmaan ay tahay in kiiska Abiib dib loo furo, loona soo celiyo jinsiyadiisii, maadaama ay iyada oo xiganeyso qareenka Abiib sheegtay in kiiskaas uu ku dhisanyahay xujo-sharciyeed qaldan.