Macalimad kontomeeyo (50) jir ah oo dhigta mid kamid iskuulada caruurta ee kuyaal gobolada Vestlandet ee Norway, ayaa lagu eedeeyay inay cago-jugleyn u geysatay caruurta ay macalinka u aheyd.
Sida lagu sheegay dacwada xeer ilaalinta, macalimadan ayaa iyada oo xanaaqsan ku qeylisay caruurta ay macalimada u aheyd. Waxeyna garaacday miiska ay ardeydu ku fadhiyeen, iyada oo sidoo kale laad(haraati) ku dhufata boorsooyinkooda.
Macalimada oo lagu eedeeyay inay cunfi iyo cago jugleyn u geysatay caruurta ay macalinka u aheyd, ayaa sidoo kale lagu eedeeyay inay si ay ardeyda ugu muujiso xanaaqeeda damisay nalka fasalka.
Qaar kamid ah caruurta ay macalimada u aheyd ayaa arrintan sii gudbiyay, iyaga oo sheegay inay argagax iyo cabsi ay ka qaadeen ficilada macalimada.
BARNESKOLELÆRER TILTALT FOR VOLD MOT ELEVENE.