Madaxweynaha dhawaan la dhaariyay ee dalka Mareykanka, Joe Biden ayaa maanta soo saaray xanibaad la xiriirta in muwaadiniinta aan Mareykanka u dhalan ee kasoo jeeda Norway iyo 29 wadan oo kale, aysan soo gali karin Mareykanka.
War kasoo baxay dowlada Mareykanka ayaa lagu sheegay in dhamaan dadka 2-dii isbuuc ee ugu danbeeyay ku sugnaa ama soo maray Norway, Brasil, Koonfur Afrika iyo 27 kale, aysan soo gali karin dalka Mareykanka. Xayiraadan ayaa dhaqan-galeyso isla maalinta berri ah ee Talaadada.
Dowlada Mareykanka ayaa go´aanka ku tilmaantay mid looga hortagayo faafitaanka nooca cusub ee xanuunka Corona, kaas oo maalmihii ugu danbeeyay lagu arkay gudaha dalkan Norway.
Sweden ayaa horey u mamnuucday in dalkeeda looga soo galo xuduudaha Norway, waxeyna sidoo kale muwaadiniinteeda kula talisay inaan loo safrin Norway.