Xukuumada ka talisa dalka Sweden ayaa bilo kahor heshiis la gashay xisbiyada kala ah Centerpartiet iyo Liberalerna, heshiiskaas oo qeybtiis uu dhigayay in imtixaan luuqada ah iyo mid aqoonta bulshada ah laga qaado dadka ajaaniibta ah ee raba inay qaataan dhalashada ama baasaboorka Sweden.
Dalka Norway ayaa sanadkii 2017 usoo rogtay sharci kan oo kale ah. Waxaana xeerkaas Norway kaga horeeyay Denmark.
Waxeyna dowladu arrintaas u saartay gudi kasoo baaraan-daga qaabkiis heshiiskaas looga dhigi karaa mid dhaqan-gali kara. Wasiirka socdaalka dalka Sweden Morgan Johansson(Sawirka kore) ayaa sheegay in qorhsha dowladu uu yahay in xeerkaas uu ugu danbeyn dhaqan-gali doono sanadka 2025.
Wasiirka socdaalka Sweden ayaa sheegay in shuruudahan ay muhiim u yihiin dadka ajaaniibta ah, si ay ugu fududaato dhexgalista bulshada iyo ka qeybqaadashada suuqa shaqada.
Xeerka imtixaanka luuqada iyo kan cilmiga bulshada, ayaa qaban doono dadka ay da´doodu u dhaxeyso 16 ilaa 66 sano. Waxaana laga reebay dadka ka weyn 66 sano oo sababo xanuun ama luuqada oo ku adag shuruudaas ay ku adkaan karto.
Xigasho/kilde: Sveriges-radio