Reysulwasaaraha dalkan Norway, Erna Solberg oo shaley galabtii qabatay shir jaraaíd ayaa bulshada Norway mar kale ka codsatay inaan la isugu imaan booqasho ilaa mudo 2 todobaad ah, si looga hortago faafitaanka xanuunka Coronavirus. Waxeyna soo bandhigtay xeerarka cusub oo ay dowlada soo rogtay iyo talooyin cusub, kuwaas loogu talagalay kahortaga Corona.
Reysulwasaaraha ayaa sheegtay inay cabsi xoogan oo ah in tirada xanuunka Corona ay kor u kacdo Norway maalmaha iyo isbuucyada soo socdo.
Dowlada ayaa dhanka kale soo rogtay talaabooyin cusub oo looga hortagayo xanuunka Corona, ayna ugu horeyso in iskuulada iyo goobaha waxbarashada sarre aan lagu soo noqon ilaa 18-ka bishan January. Sidoo kale dowlada ayaa mamnuucday inay xaflad isugu imaan karaan wax ka badan 5 qof, halka goobaha shirarka aysan isugu imaan karin dad ka badan 10 qof.