Philip Manshaus oo ah 21-jirkii sabtidii lasoo dhaafay weerarka ka geystay masaajidka Al Noor ee Bærum, ayaa maanta maxkamada Oslo kasoo muuqday.
21 jirkan ayaa sidoo kale ku eedeysan dil uu u geystay walaashiis 17 sano jir ah, taas oo meydkeeda laga helay gurigii ay ku wada noolaayeen.
Ninkan ayaa ilaa hada diidan inuu wareysi siiyo booliska, isaga oo maanta uu qareenkiisu dalbaday in xabsiga laga sii daayo, ilaa kiiskiisa maxkamad ay ka fariisaneyso.
Philip Manshaus ayaa waxaa wajigiisa ka muuqday nabaro xoogan oo ay u geysteen odoyaashii ka hor istaagay inuu masaajidka dadka ku dilo.