Booliska magaalada Brummundal ee gobolka innlandetnee dalkan Norway, ayaa dacwad kusoo oogay milkiilaha labo(2) ey oo maalmo kahor qaniinyo ku dilay ilmo yar. Ilmaha yar ee geeriyooday ayaa da´ahaan jiray hal sano iyo bar.
Booliska ayaa sabtidii lasoo dhaafay sidoo kale kale toogasho ku dilay labada ey ee geystay qaniinyada sababtay dhimashada ilmaha yar.
Ilmaha geeriyooday ayaa booqasho ku joogay guriga qoys ay qaraabo yihiin xiliga ay qaniineen eydu. Waxeyna boolisku wali wadaan baaritaanka dhacdadan.