Cariish(Hytte) loo nasasho tago oo kuyaal deegaanka Andøy ee woqooyiga dalkan Norway, waxaa xalay ka kacay dab sababay in ilaa hada la´yahay raqda iyo ruuxda 5 qof, oo afar kamid ah ay yihiin caruur ay da´doodu ka hooseyso 16 sano.
Sida ay booliska deegaanka sheegeen, waxaa cariishkaas ku sugnaa 6 qof, waxaana marka laga reebo shanta(5) qof ee la la´yahay ka badbaaday hal qof oo cagahiisa uga baxsaday dabka.
Booliska ayaa sheegay inuu xiriir ka dhaxeeyo lixda(6) qof ee cariishkaas ku sugnaa, balse ma aysan faah-faahin nooca xiriir iyo sababta kicisay dabka.
Per Erik Hagen oo ah madaxa booliska deegaanka uu dabka ka dhacay, ayaa sheegay inay ka cabsi qabaan in shanta(5) qof ee la´yahay, aysan ka badbaadin oo ay ku dhinteen dabka.
Wixii kasoo baxa, dib ayaan kasoo galin doonaa.
Xigasho/kilde: Fire av de fem savnede etter hyttebrannen i Andøy er barn.