Sida ay qoreen warbaahinta magaalada Firenza ee dalka Talyaaniga, waxaa caabuqa Corona-virus ka caafimaaday ardeygii Norwiijiga ahaa ee cudurka laga helay labo isbuuc kahor.
Baaritaan lagu sameeyay ardeygaas Norwiijiga ah, ayay warbaahinta magaalada Firenza sheegeen in jirkiisa laga waayay viruska Corona-virus, waxaa laga qaaday karantiilistii lagu sameeyay 2 isbuuc kahor. Isaga oo laga fasaxay isbitaalkii uu kujiray.
Ardeygaas ayaa inta la diiwaangaliyay ahaa qofkii ugu horeeyay ee Norwiiji ah ee laga helay caabuqa Corona-virus,
Sidoo kale warbaahinta lokalka ah ee magaalada Molde ayaa sheegtay inuu caabuqa Corona-virus ka caafimaaday qof magaalada Molde degenaa oo horey caabuqaas looga helay.