Tirada soomaalida lagu dilay South Africa oo sanadkii 2017 aad u korortay:

Koonfur Afrika waxa ay kamid tahay dalalka ay soomaalidu u qaxday sanadihii bur-burka, waxaana ay halkaas ka furteen ganacsiyo yar yar iyo waliba kuwa waaweyn, kaas oo u keenay cadaawad joogto ah oo ay la kulmaan dadka wadanka u dhashay, gaar ahaan madowga.

Sida uu idaacada VOA-da u xaqiijiyay mid kamid ah soomaalida degan dalka South Afrika, sanadkii 2017, waxaa sare u kacay tirada dadka soomaaliyeed ee lagu dilay dalkaas. Waxaana sanadkan la dilay 137 qof oo soomaali ah, una badan dhalinyaro ganacsato ah.