Jaaliyada soomaaliyeed ee ku dhaqan magaalada Fredrikstad ee gobolka Østfold ayaa sabtidii lasoo dhaafay kulan ka yeeshay arimaha hey´ada xanaanada caruurta dalkan Norway ee Barnevern-ka, kana wada hadlay nidaamka waxbarashada dalkan Norway, laga soo bilaabo xanaanada caruurta ilaa dugsiyada sare.
Waxaa kulankan kasoo qeybgalay dad soomaaliyeed oo aqoon u leh ama la shaqeeyo hey´adda barnevernka iyo nidaamka waxbarasho ee dalkan Norway. Ismarkaana waxey warbixino ku saabsan barnevernka iyo sida looga hortagi karo in caruurtu ay iskuulada ka dhacaan la qeybsaday dadkii halkaas kasoo qeybgalay, sida uu noo xaqiijiyay Cumar Beylood oo katirsan masuuliyiinta jaaliyada soomaaliyeed ee Fredrikstad.
Sidoo xildhibaanada soomaalida ah ee katirsan golaha deegaanka Fredrikstad, Maxamed Warsame iyo Muxyidiin Cabdi oo labduba katirsan xisbiga shaqaalaha ee Ap.
Mowduuca guud ee kulanka ayaa ahaa sidii isdhexgal loola sameyn lahaa bulsho weynta ku dhaqan Norway, waxaana la isku afgartay in la joogteeyo, lana balaariyo kulamada noocan oo kale ah.
