Eng./Macalin Assad Qaasim oo lagu casuumey TV 2 iyo barnaamijka God Morgen

0
75

Eng. Assad Qaasim oo ah macalin soomaali oo farsamada gacanta ka dhigo iskuul kuyaalo magaalada Drammen ayaa lagu casuumey barnaamijka caanka ee GOD MORGEN ee ka baxa TV2. Assad ayaa bilowgii isbuucan maqaal dhab ka hadal ah kusoo daabacey wargeyska Drammens Tidende iyo TV2.no. 

Maqaalka Assad ayuu kaga hadley xaalada waxbarasho ee dhalinyarada ajaaniibta ah iyo fikirka qalafsan ee waalidiinta ajnabigu ay ka heystaan waxbarashada wadankan Norwey. 

-Halkan ka akhri maqaalka Assad oo aan soo daabacney af soomaali ahaan: Waaldiinta ajnabiga ahow, qof walbe ma noqon karo Dhakhtar iyo Ingineer.

Qasim waxay doodiisu ku salaysantahay in da’ yarta ajanabigu ay iyaga doortaan wax barashada ay rabaan, oo aysan waalidiintu ku qasbin ama u doorin. Waalidiin badan oo ajanabi ah ayaa aragtiyo gaaban oo aan qotodheereyn ka haysto dhinaca waxbarashada. In badan oo iyaga ka mid ah waxay aminsanyahiin, in mustaqbalka waxbarasho ee caruurtooda ay muhiin tahay inay wada noqdan Dhaqtar ama Injineer, Si ay mustaqbal fiican ugu yeeshaan wadankan. Lakin dhab ahaantii dhamaan caruurta oo dhami mawada noqon karaan haqtar ama ingjineer.

Kawaran hadii ay caruurta iyagu doortan waxay baranayaan?

Xaqiiqdii waa caruurtooda waxay waxbarashadu ay anfacaysaa kuna noolan doono waligood,ee ma ahan waalidiinta waxay anfacaysaa.

Doodwadaag ku saabsan arintaan muhiimka ah ayuu Tv2 barnaamijkiisa (God Morgen Norge ) lagu qaabaa dhigi doonaa jimcaha soo socdo, dadka halkaas lagu casuumeyna waxaa kamid ah Macalin Assad.

Mawduucan waa mid aad ugu mahiim ah dhaman bulshada guud ahaan, gaar ahaana soomaalida iyo ajaaniibta kale. Sanado badana ayaan ka wel-welsanaa, hadase waxaa la gaaray xiligii aan bulshada u iftiimin lahayn. ayuu ku yiri Asad Qasim.

Waxan la kulmey ardo badan oo ku wareersan waxay baran lahayeen. Ma fogayn markan lakulmey gabar rabtay inay barato Hudpleier ( daryeelka qurxinta jirka). Laakin nasiibdaro walidkeed kuma aysan faraxsanayn, sababtoo ah waxay rabeen inay gabadhoodu noqoto dhaqtar. Caruurteenu waa iney jaanis u helaan inay iyagu doortaan waxay ku faraxsanyahiin, waana mawduuc aan rabo inaan wax ka badalo ayuu yiri Macalin Asad. Mawduuc u baahan in dhinacyo badan laga fiiriyo Tani wa fariin aad u muhiim ah, sidoo kale waxaa dood wadaagan kaga qaybgalay barta facebook ee wargeyska Drammens.

Tidendes Tony Burner oo ah cilmibaare dhinaca waxbarashada ah. Tony waxuu sheegay in bulashada ajanabiga ah jiilka 1aad iyo 2aad inay waxbarashada heerka jaamacadeed udoortan sida norwajiyaanka. Laakin 23% ka mid ah jiilka 2aad iyo 14% ka mid ah jiilka 1aad inay doortan waxa lagu yeero Prestisjeutdanninger ( waxbarasha sumcad xambaarsan) sida Dhaqtar, ingineer , sharci yaqaan. Marka la barbardhigo 10% ka mid norwajiyaanka.

Tani waxay natusinaysaa in dhalinyarta ajanabiga ah ay muhiim tahay inay doortan waxbarasho kala duwan. Waana sababta aan ugu baahanahay aragtiyo kala duwan oo dhinaca doorashada waxbarashada ah, si aysan bulshadu uwaayin xirfado muhiim u ah sida macalinka , farsamoyaqaanimada iwm..

Assad Macalimada waxa u dheer, waa ingineer wax ka bartey jaamacadaha wadankan Norwey. Barnaamijka God Morgen ee Assad lagu casuumey, ayaa wuxuu soo gali doonaa jimcahan soo socdo, saacada inta u dhaxeyso 07 ilaa 10 aroornimo. 

Waa guul iyo wax lagu faani karo, hadii qof soomaali ah lagu sharfayo aqoontiisa iyo khibradiisa, waxna laga weydiinayo xaalka ardeyda ajaaniibta ah guud ahaan. Keep it up Assad. 

Subscribe
Notify of
guest

Dette nettstedet bruker Akismet for å redusere spam. Lær om hvordan dine kommentar-data prosesseres.

0 Comments
Inline Feedbacks
View all comments