Booliiska magaalada Oslo ayaa bilaabay inay leysinka baabuurka ka qaadaan qofkii ay ku qabtaan isagoo ku shaqaynayo Uber taxi. Mar sii horeysay a yay dowlada Norway mamnuucdey sharci ahaanshaha ku shaqeysiga Uber taxi, balse shirkada ayaan wali wada adeegeedii tagsiga, waxeyna ku adkeysaneysaa iney tahay mid sharci ah.

Boliiska ayaa mudooyinkii ugu danbeeyay ku ciqaabi jirey qofkii ay ku qabtaan isagoo Uber taxi ama Haxi ku shaqaynayo, inay ka furaan ama ka qaataan taarikada babuurka. Lakiin hada Booliska aya bilaabey inay ka qaataan Leysinka Babuurka.

Qaybta Ciqaabmarinta ee waaxda Gaadiidka ee magaalada Oslo ayaa xaqiijisay inay jiraan dad ay boolisku ka qaaden leysinka darawalnimada, kadib markii lagu qabtey iyaga oo Uber-Taxi wada. Sidoo kale shirkada Uber ayaa iyadana dhankeeda cadeysay inay jiran dad leysinka laga qaadey.

Qof kasta oo ku shaqaysto gaadiidka dadwaynaha, isaga oo aan heysan ogolaanso ka  (Løyve), waxaa laga yabaa inuu la kulmo ganaax adag, kaas oo ah in xitaa noqon karo in laga mamnuuco isticmaalka baabuurta, ayuu sheegay Ole Rasmus oo ah sargaal ka tirsan booliska Magaalada Oslo.