Soomaalida dalka Sweden ayaa caro xoogan ka muujiyay barnaamij khamiistii lasoo dhaafay ka baxay TV-ga qaranka Sweden ee SVT. Warbixintaas ayaa ka hadleysay toogashooyinkii sanadihii ugu danbeeyay ka dhacayay xaafada Rinkeby oo ay soomaalidu ku badantahay.
Warbixinta barnaamijka muuqaalka ah ayaa lagu xusay in shan kamid ah lixda dhalinyarada ah ee lagu dilay xaafada Rinkeby ay asal ahaan soomaali yihiin, inkasta oo qaarkood ay ku dhasheen, kuna koreen Sweden. Arintaas ayay soomaalida Sweden u arkeen midab-takoor iyo isir sooc, maadaama caruurtaas ay dhalasho ahaan yihiin Swedish.
Halkan ka dhageyso warbixin uu arintaas ka diyaariyay SverigesRadio oo af soomaali ah.