Dowlada Norway ayaa shuruudo dheeri ah oo la xiriira baaritaanka xanuunka Covid-19 kusoo rogtay dadka ka imaada dalka Koonfur-Afrika oo dhawaan lagu arkay nooc cusub oo xanuunka Corona ah.
Sida lagu sheegay war saxaafadeed kasoo baxay dowlada Norway, Laga bilaabo shaley oo Jimce aheyd, qof walba oo 14-kii maalmood ee ugu danbeeyay ku sugnaa dalka Koonfur- Afrika ee raba inuu Norway soo galo, waxaa waajib ku noqon doono in labo(2) mar oo kala duwan laga baaro xanuunka Corona.
Baaritaanka koowaad ayaa qofka laga qaadayaa 24-ka saac ugu horeeyo, marka uu Norway soo galo kadib. Halka baaritaanka labaad laga qaadayo todobo(7) maalmood kadib imaanshihiisa Norway.
Dalka Koonfur-Afrika waxaa isbuucyadii ugu danbeeyay faro ba´an ku hayay nooc cusub oo xanuunka Coronavirus ah, kaas oo wax badan ka duwan noocii horey loo yaqaanay.
Xigasho/kilde: Strengere smitteverntiltak for reisende fra Sør-Afrika