Hey´adda saadaasha hawada ayaa saadaalineyso in maalmaha soo socdo, gaar ahaan wixii ka bilowda habeenka ay sabtida soo galeyso, uu baraf ka bilaaban doono gobolada koonfurta iyo Bariga dalkan Norway.
Bishan November ayaa ku bilaabatay qabow, waxaana ay hey´addu sheegtay in Oslo iyo gobolada ku xeeran dhawaan laga filayo baraf xoogan oo maalmo yaali doono.
Waxaa xusid mudan in gobolada Woqooyiga iyo deegaamada Woqooyiga fog ee Norway uu mar hore u bilowday barafka qaboobaha.
Hey´adda ayaa u digeyso baabuurleyda wali ku socdo taayeerada xiliga xagaaga, kuwaas oo aan wali u badalan taayeerada xiliga qaboobaha.