Ra´yi uruurin uu sameeyay TV-ga NRK, soona baxday bishan August ayaa muujineyso in hoos u dhac balaaran oo dhanka taageerada ah uu ku yimid xisbiyada Venstre iyo Frp oo xukuumada ka wada tirsan.
Frp ayaa helay 6,8 % codadka la uruuriyay halka Venstre ay helgen 2,3 % codadka la uruuriyay. Waxaana labadan xisbi ku yimid hoos u dhac u dhaxeeyo 0,4 ilaa 0,7 % marka loo fiiriyo cod uruurintii bishii hore.
Terje Søviknes oo ah gudoomiye ku xigeenka Frp ayaa sheegay in codbixintan ay tahay mid hooseyso, ayna muhiim tahay inay natiijada kor u qaadaan kahor doorashada sagaalka September ee sanadkan.
Natiijada cod uruurinta NRK ee xisbiyada ayaa sidaan noqotay:
Ap 27,3 %, Høyre: 23,0 %, Sp: 12,2 %, MDG: 7,0 %, Frp: 6,8 %,
KrF: 4,3 %, Rødt: 3,8 %, FNB: 3,7 %, Xisbiyada kale: 3,5 %, Venstre: 2,3 %.