Cabdulaahi Cilmi: Magaca ruuxa oo la bedelo xal ma noqonayo

24. 08.18 ayaa waxaa gabar la yiraahdo Rena Akabar maqaal ku soo qortay jariirada Bergenstidende ee ka soobaxda magaalada Bergen(Halkan ka akhri). 

Rena waxay ka cabaneysaa dhibaatooyin badan oo ka soo gaara bulshada ay la nooshay. Magaca awooweheed oo ah Akbar ayaa lala xariirinayaa arkakixiso iyo dhibaatooyin ay geysataan dadka muslimiinta ah.

Rena Akbar waxay sheegtay inay ku fekerayso inay mageceeda bedesho si ay uga baaqsato dhibaatooyinkaas. Laakiin su’aashu waxay tahay dhibaatadu ma ku hareysaa magaca oo la bedelo. Teeda kale magaca qofku wuxuu wax badan ka tilmaamayaa ruuxa, dhaqanka, iyo meesha uu ka soo jeedo. Dhibaatooyinka ajaanibata lagu hayo kuma eka magac iyo midab, laakiin waxaa jira dhibaatooyin kale oo qaabab kale kuyimaada.

Fiira gaara: maqaalkaan oo Af.norweji ah wuxuu ku soo baxay BT 8. sep. 2018.