Tirakoob cusub oo la ogaadey ayaa sheegayo in laanta socdaalka iyo agaasinka soo galootiga ee UDI-da, ay sharciga dib ugala noqotey ajaaniib tiro ahaan gaareyso 800 oo qof sanadadii ugu danbeeyay. Tiro kor u dhaafeyso 400 oo dadkaas kamid ah ayaa la siiyey sharci kale oo wadanka ay kujoogaan, iyada oo loo qiimeynayo iney wadanka mudo badan ku noolaayeen ama caruur ku heystaan. Wadamada Somalia, Afgaanistan iyo ciraaq ayayna kasoo jeedaan dadka ugu badan ee sharciga lagala noqdey.
[adsenseyu2]
Wasiirada arimaha soo galootiga dowlada Norwey Sylvi Listhaug ayaa sheegayso in dadka sharciga lagala noqdey ay isugu jiraan kuwo booqasho ku tagey wadankii ay sheegeen iney kasoo qaxeen kadib markii ay sharciga magangalyada heleen, kuwo ka been sheegay asalkooda dhalashada iyo dad sharciga degenaanshaha ama dhalashada ku helay sababo been ah.
Listhaug ayaa sheegtay in dowladu ay dardar galin doonto, xoogana ay saari doonto baaritaanka iyo fashilinta dadka ka been sheegay macluumaadkooda aqoonsiga, sidaasna ku helay sharciga wadanka. Waxeyna hadalkeeda raacisay inay dowlada ay sidoo kale dadaal u gali doonto sidii dadkaas wadanka looga saari lahaa, xitaa hadii ay wadanka degenaayeen waqti dheer.
Tvga NRK-ga ayaa mikrofoonka la dhex qaaday soomaalida Oslo iyo xaafada Grønland, isaga oo sheegayo in dad badan oo soomaali ah loo soo direy waraaqo digniin ah oo loogu sheegayo in lagala noqon doono sharciga wadanka. Qaar kamid ah soomaalida uu tv-gu la kulmey ayaa sheegtay in inta badan aysan dowladu soo bandhigi karin cadeymo buuxo oo arintan ka beensheegida asalka qofka sifiican u muujin kara. Waxayna sheegeen in dowlada ay adeegsaneyso macluumaad ay kasoo uruurisey baraha bulshada sida Facebook, Instgramka, Snapchat iyo sidoo kale meelaha uu qofku u diro lacagta, taasina aysan noqon karin cadeymo sax ah.
Cismaan Cumar Dool oo kamid ah odeyaasha jaaliyada soomaaliyeed ee Norwey ayaa sidoo kale NRK-ga u sheegay in qofkii lagu qabto inuu wax isdamariyey ay dowlada ku saxsantahay iney ciqaabto, wadankana ay kasaarto maadaama uu khiyaano sameeyay.
Norske myndigheter har de siste årene gitt over 800 personer beskjed om at de har jukset med sin asylhistorie eller på annen måte gitt uriktige opplysninger. Afghanere, irakere, og somaliere er de tre store gruppene, melder NRK.
Over 400 av disse har likevel fått ny oppholdstillatelse. Dette kan være på grunn av at de har bodd i Norge svært lenge, eller fordi de har barn…les mer på norsk her:
Xigasho/kilde: NRK, Aftenbladet, Klassekampen
[adsenseyu2]