Warar aan kasoo xiganayno journaalada lokalka ah ee deegaanka Porsgrunn ayaa sheegaya in gabar soomaali ah galabta biskoolad lagu handaday meel aan wax badan ka fogeyn senterka magaalada Porsgrunn. Waxaana falkan ka danbeeyay wiil 18 jir ah oo hada kujiro gacanta booliska.
Sida uu sheegay madaxa howlgalada booliska deegaankaas Vidar Aaltvedt, waxaa gabadhan iyo labo caruur ah oo taagan maxadada lagu sugo busska(Bussholdeplass) soo agmaray baabuur si tartiib u soconayo. Nin kujiray baabuurka ayaa daaqada hoos u dajiyay, isaga oo biskoolad si handadaad toos ah ugu aadiyay madaxeeda.
[adsenseyu2]
Booliska ayaa sheegay inay xiriir lasoo sameysay gabadhan oo ka argagaxsan dhacda ay la kulantay, iyada oo u tilmaantey taarikada baabuurka. Waxayna galeen howgal ay ku baadigoobayaan baabuurka, iyaga saacad kadibna soo helay baabuurka iyo waliba ninkii gabadha biskoolada ugu handaday. Sidoo kale waxaa baabuurka la saarnaa wiil kale oo 17 jir ah.
Baaritaan kadib ayay boolisku sheegeen in biskoolada uu ninkan watey ay ahayd biskoolada lagu ciyaaro ee kuusha(softgun), balse arintaas ay marmarsiiyo u noqon doonin ninkan handadaada geystay, maadaama uu khalkhal galiyay amaanka qof kale. Waxayna hadalkooda raaciyeen in qofka dhibanaha ah uusan korka ka aqoonsan karin, nooca biskoolada ee loogu handado.
Lama garan karo sababta rasmiga ee ninkan ku kaliftey inuu falkan geysto, balse booliska ayaan meesha ka saarin inay arintan ku lug lahaan karto howlo naceyb iyo cunsurinimo ah. Waxayna sheegeen in ay wareysi la yeelan doonaan ninkan falka geystay iyo gabadha soomaalida ah ee la handaday.
-En somalisk kvinne med to barn ble truet med en pistolliknende gjenstand ved et kjøpesenter i Porsgrunn lørdag ettermiddag…Les mer på norsk her:
Xigasho/kilde: Agderposten, Ta.no
[adsenseyu2][adsenseyu2]
