Monica Boracco waa qoraa qortay in ka badan 10 buug oo kuwa caruurta ah, waa sameeyaha hadalada(manus-forfatter) in ka badan sadex film oo kamid ah kuwa ugu caansan filimida norwiijiga, waxayna ka qaybqaadatay soo saarista ilaa 10 masrixiyadood oo lagu dhigay tiyaatarada Norwey, sidoo kalena waa gudoomiyaha ururka ay ku midoobeen dadka ka shaqeeya masraxa iyo riwaayadaha. Waxaas oo dhan waxaa kasii muhiimsan waa gabar uu asalkeedu soomaali yahay, hooyadeedna ay Norwiiji tahay. 

Aabaha dhalay Monica wuxuu kamid ahaa diblumaasiyiintii katirsanaa wasaaradii arimaha dibada Soomaaliya, sidoo kale wuxuu kamid noqday baarlamaanadii soomaaliya. Monnica ayaa sheegtay inay iyadna rabto inay hada kusoo biirto siyaasada, maadaama ay kasoo jeedo qoys siyaasada Soomaaliya aad ugu milnaa. Awoowgeed wuxuu kamid ahaa baarlamaankii ugu horeeyay oo ay yeelato jumhuuriyadii Soomaaliya, sidoo kale eedeeyinkeed ayay sheegtay inay ka dhexmuuqdeen siyaasada, gaar ahaana ururadii u dagaalami jiray xuquuqda haweenka ay kuleeyihiin siyaasadada soomaalida. 

Journalka gaarka ah oo ay leeyihiin ururka shaqaalaha ee LO ayaa warbixin ay kaga sheekeenayso waayaheed nololeed, gaar ahaan xaga fanka iyo masrixiyada ka diyaariyay gabadhan soomaalida ah. Waxay shahaadooyin xaga masraxa iyo farshaxanka ah ka haysataa jaamacada Oslo iyo iskuulka filimada ee kuyaalo Lillehamar. Sidoo kale Monica oo waa hooyo haysato shan caruur ah, una dhaxdo farshaxaniiste norwiiji ah oo lagu magacaabo Arne Borring.

Monica ayaa sheegtay in aabaheed uusan waligiis Norwey cagta soo dhigin, ayadna aysan waligeed Soomaaliya tagin, caruurnimadeediina ay degeen wadamo dhowr ah maadaama uu aabaheed diplumaasi ahaa oo hadba meel loo badalayay. Waxay sheegtay in aabaheed ay la kulantay iyadoo 30 sano jir ah mudo 25 sano ah oo ay kala maqnaayeen kadib, aysana xiriir sidaas u weyn uusan ka dhaxeyn iyada iyo aabaheed. Aabahay waxa uu ahaa mid aad ugu dhuun-daloola siyaasada maadaama uu ahaa diplumaasi, waxayna ahayd wax uu farac u lahaa maadaama dhowr qof oo qoyska aabahay ah ay aad ugu dhex muuqdeen siyaasada Soomaaliya. Eedaday la dhalatay aabahay waxay kamid ahayd dadkii ugu caansanaa ee u dagaalami jiray xuquuqda haweenka. 

Xigasho: LO-aktuelt(Papiravis 17-08-2016, side 24-26).[adsenseyu1], dramatiker.no