Dagbladet: Soomaalida Kristiansand oo saf u gashay caawinta qoyska Yacquub

Soomaalida kunool magaalada Kristiansand, ayaa si weyn u garab istaagey qoyska soomaaliyeed ee uu ka baxey A.H.N Yacquub Abdullahi Hassan. Waxaa sidaas wargeyska Dagbaldet u sheegay qareenka qoyska Yacquub, Kristine Eide iyo gudoomiyaha jaaliyada soomaaliyeed ee Kristiansand Mohamed Dalmar Shirwac. 

Qareenka qoyska Yacquub ayaa sheegtay in kommunaha Kristiansand iyo waliba jaaliyada soomaaliyeed ee magaaladaas ay si weyn u garab istaageen qoyska Yacquub Abdullahi Hassan. 

Mohamed Dalmar ayaa dhankiisa Dagbladet u sheegay in markii soomaalida magaaladaas ay maqleen in wiilka la diley uu soomaali yahay, ay si weyn u garab istaageen qoyska wiilka. Wuxuuna sheegay in ilaa xiligaas ay saf ugu jireenn caawinta qoyska, iyaga oo u qabanaya howlo kala duwan. 

M. Dalmar ayaa hadalkiisa raaciyey in dhaqanka soomaalidu ay kamid tahay in la taageero, lana garab istaago, hadii ay qoys soo wajahdo dhacdo murugo ah. M.Dalmar Shirwac ayaa DB u cadeeyay  in qoysku Yacquub, ay aad ugu mahadcelinayaan kommunaha Kristiansand iyo dadkii kale ee garab istaagay. 

Xigasho/kilde: Dagbladet.no 

 

legg igjen kommentar/ ka dhiibo fikirkaaga

avatar
  Subscribe  
Notify of