Laga bilaabo bisha February, dhamaan dukaamadda Rema 1000 ayaa bilaabi doono iibinta digaag xalaal ah oo loo gawracay qaab waafaqsan gawraca islaamiga ah, waxaana sidaas lagu sheegay war saxaafadeed kasoo baxay shirkada hilibka iyo digaaga ee Norsk Kylling.
Digaaga xalaasha ah ayaa waxaa ku qoran loogo muujineyso(Xalaal oo 2 luuqadood ku qoran) oo ka sooceyso noocyada kale ee digaaga(Fiiri sawirka kore).
Hilde Talseth, Madaxa shirkada hilibka iyo digaaga ee Norsky kylling ayaa sheegtay inay jiraan dad badan oo lasoo xiriiray kuwaas oo weydiiyay digaaga iyo hilibka xalaasha ah, uuna jiro suuq fiican oo hilibka xalaasha ah oo ka jiro Norway.
Shirkada Norsk Kylling ayaa sheegtay in meesha lagu qalayo digaaga, meesha lagu keydinayo ay ka soocnaan doonto meelaha kale, ayna jiri doonaan shaqaale tababaran oo hubinayo hawsha gawraca iyo qalitaanka.
