Booliska magaaladda Elverum ayaa nin sodomeeyo(30) jir ah oo baabuur wata, isla goobta uga qaaday leysinka baabuur wadista, kadib markii ay boolisku qabteen ninkan oo muraayadda wajiga hore ee baabuurku uu waday aysan nadiif aheyn( qabow iyo baraf)
Booliska ayaa sidoo kale ninkan kusoo oogi doono dacwad ah inuu jabiyay xeerka badqabka wado-marista, waxeyna sheegeen in baabuurka uu waday uu halis ku ahaa naftiisa iyo dadka kale ee wadadda adeegsanayo, maadaama ay yareyd aragtida uu arko karo jidka iyo waxa ka socdo.
Baaritaano dheeraad ah oo ay boolisku ku sameeyeen baabuurka ayaa sidoo kale lagu ogaaday in baabuurka uu ninkan watay uusan heysan ceymis(forsikring), sidoo kalena uusan marin baaritaanka badqabka baabuurka ee EU-kontroll.
Xiliga qaboobaha iyo barafka, dad badan ayaa lagu ganaaxaa, qaarkoodna ayba leysinka ku waayaan sabab la xiriirka muraayaddaha baabuurka oo aan nadiif aheyn, ama barafka oo aysan baabuurka si fiican uga xaaqin.
Xigasho/kilde: En mann i 30-årene er anmeldt og midlertidig fratatt førerkortet.
