torsdag, juli 18, 2024

Madaxweynaha Soomaaliya Xasan Sh. Maxamuud oo safar shaqo ku imaan Doono Norway.

Madaxweynaha dowlada Federaalka ah ee Soomaaliya, Xasan Sheekh Maxamuud iyo wafdi uu hogaaminayo ayaa isbuuca danbe safar shaqo ku imaan doono magaaladda Oslo ee caasimadda dalkan Norway. Sida ay xaqiijisay NorSom Media, Madaxweynaha ayaa ka qeybgali doono kulanka sanadlaha caalamiga ah ee madasha Oslo, kaas oo sanad walba bishan oo kale la abaabulo. Wuxuuna sidoo kale madaxweynaha Soomaaliya uu la kulmi doono madaxda dhigiisa ah ee dalkan Norway.

Xasan Sheekh Maxamuud ayaa noqonayo madaxweynihii ugu horeeyay abid ee Soomaaliyeed, ee isaga oo xilka hayo booqasho rasmi ah ku imaado dalkan Norway. Taas oo imaanshaha Xasan Sheekh ee Norway ka dhigeyso mid taariikh gaar ah u ah bulshada Soomaaliyeed ee Norway.

Sida ay NorSom Media ogaatay Madaxweynaha ayaa bilowga isbuuca danbe kasoo dagi doono Oslo, isaga oo dhowr maalin oo safar shaqo ah ku joogi doono Norway. Dhanka kale waxaa magaaladda Oslo laga dareemayaa abaabul xoogan oo lagu diyaarinayo kulan soo dhaweyn ah oo bulshada Soomaaliyeed ee Norway ay la qaadan doonto Madaxweynaha iyo wafdigiisa.

Wixii arrintan kusoo kordha dib ayaan kasoo galin doonaa.

Latest news
Related news
error: Digniin: Ha isku dayin in copy gareyso wararka aan daabacno. Waan kula soconaa.
0
Would love your thoughts, please comment.x
()
x