Qaar kamid ah goboladda iyo deegaanadda Norway, waxaa maalmihii ugu danbeeyay saameyn ku xoogan ku yeelatay duufaanta «Hans» oo soo gaartay qeybo kamid ah deegaanadda bariga, bartammaha iyo koonfurta dalka Norway.
Sida uu qoray TV-ga qaranka Norway ee NRK, ku dhawaad 4000 qof ayaa ka barakacay guryahooda, kadib markii ay deegaanadii ay ku noolaayeen ay soo foodsaartay cabsi la xiriirta biyo iyo daadad kusoo rogmadda.
Dadkan waxaa gurmad u sameeyay hey addaha amniga iyo kuwa caafimaadka Norway, waxaana jiro wel-wel xoogan oo ku saabsan inay duufaantan ay reebto saameyn xoogan oo burbur dhaqaale iyo dhimasho nafeed ah.
1000 qof oo kamid ah dadka la barakaciyay ayaa kunool deegaanka ÅL, halka 1714 qof ay ku noolniyiih deegaanka Hønefoss. Halka gobolka Innlandet laga barakicyay 1300 qof isku dar.
Maadaama saameynta dabeysha ay wali socoto, waxaa dhici karto in tiradda saxda ah ay intaas ka badnaan karto.
Xigasho/kilde: Flomskader på rundt en milliard kroner – nesten 5000 skader registrert.
