11-ka bisha September ee sanadkan 2023, waxaa dalka Norway ka qabsoomi doonto doorashada goleyaasha deegaanka oo afartii sanaba mar la qabto. 10-ka bisha August waxaa si rasmi ah loo furi doonaa goobaha codbixinta, waxa uuna qofku awoodaa in uu codkiisa si hordhac ah usii dhiibto.
Sanadkan waxaa goleyaasha degmooyinka Norway u sharaxan tobanaan siyaasiyiin soomaali ah oo ka kala socdo xisbiyada kala duwan ee siyaasadda dalkan Norway. Warbaahinta NorSom waxa ay maalinta Talaadadda ah ee 15-ka bisha August-2023 qaban doontaa kulan bulsheed looga arrinsanayo doorka soomaalida ee doorashadda goleyaasha Norway.
Waxa aan casuunay siyaasiyiin kala duwan oo soomaali ah oo ka kala socdo xisbiyada kala duwan ee siyaasadda Norway.
Doodan waxa aan xooga ku saari doonaa mawduucyadda sida gaarka ah saameynta ugu leh bulshooyinka ajaaniibta ah, waxa aana siyaasiyiinta dhex-dhegi doonaa dood wadaag ku saabsan qorshaha xisbiyadooda iyo barnaamijka doorasheed ee uga diyaarsan caqabaddaha ay la kulmaan bulshooyinka ajaaniibta ah, gaar ahaana soomaalida. Sidoo kale dadweynaha ayaa fursad u heli doono inay siyaasiyiinta ka socdo xisbiyadda weydiiyeen su aalo ku saabsan barnaamijka doorasheed.
Macluumaadka kulan doodeedkan:
- Maalinta: Talaado
- Taariikhda: 15-08-2023.
- Saacadda: 17:00-20:00
- Goobta: Anker Hotell, Storgata 55, Oslo
- Qaban-qaabiye: Warbaahinta NorSom News
