Tirada ardeyda Norway waxbarashada uga soo doonan jiray dalalka ka baxsan qaaradda Yurub, ayaa waxaa sanadkan ku yimid hoos u dhac xoogan oo gaarayo 80%, kadib markii ay dowlada Norway codsatay in ardeydaas ay lacag iskuuladda iska bixiyaan. Waxbarashada ayaa bilaash u ahaan jirtay ardeyda ka timaada dalalka sadexaad ee dunida, ayna soo qaataan jaamacaddaha Norway.
Sanadkii hore ee 2022 waxaa Norway waxbarasho u imaaday 1533 ardey oo ka yimid dalalka ka baxsan dalalka Yurub. Balse sanadkan 2023 tiradaas ayaa is dhintay ku dhawaad 80%, maadaama ay jaamacaddaha Norway soo galeen 332 oo dalalka Yurub ka baxsan kasoo jeedo.
Sababta ugu weyn ee keentay hoos u dhacan aya ah in dowladu ay codsaday in ardeyda ajaaniibta ah ee Norway waxbarashada u timaada ay bixiyaan lacag, si loogu ogolaado inay jaamacaddaha Norway wax ka bartaan.
