lørdag, juli 13, 2024

Guri la’ aan xoogan oo ka jirto magaaladda Oslo.

Magaaladda Oslo ee caasimadda Norway waxaa ka jirto guri la aantii ugu xooganeyd abid, taas oo sababtay kor u kac xoogan oo sicirka guryaha deegaanka ah ee la kireysto. Arrintan ayaa saameyn ku yeelatay kumanaan ardey ah oo raba inay sanadkan jaamacado ama waxbarasho ka bilaabaan magaaladda, kana soo guuray magaalooyinka kale ee dalka.

Guri la aanta ka jirta magaaladda Oslo ayaa ah midii ugu darneyd abid, sida ay sheegeen shirkadaha dilaaleyda ah ee ka shaqeeya kireynta guryaha, waxeyna sheegeen in guri walba oo soo bandhigaan ay saacad gudaheed kusoo dalbanayaan tobonaan qof oo rajo ka qabo inay gurigaas kireystaan. Halka marka guryaha bandhiga(visning) loo sameynaya ay imaadaan tobanaan qof, taas oo dadka qaarkood ku qasabta inay dib uga noqdaan, maadaama ay waayeen meel ay istaagaan.

Guri la aanta ka jirto magaaladda Oslo, ayaa waxaa sabab u ah in sanadadii lasoo dhaafay ay yaraadeen tirada guryaha cusub ee laga dhisay magaaladda, dhanka kalena ay soo badanayaan tirada dadka usoo guurayo magaaladda, iyo waliba ardeyda waxbarashada u imaaneyso Oslo.

Goobta ugu weyn ee lagu bandhigo guryaha kirada ee finn.no ayaa waxaa ka muuqdo sicir barar xoogan kirada guryaha. Waxa uuna sicir-bararkan si xoogan uga muuqdaa xaafaddaha u dhow senterka magaaladda, waxaana guri labo(2) qol iyo fadhi ah lagu raadinayaa qiimo u dhaxeeya 19.000 kr ilaa 22.000 kr, halka markii hore lagu kireyn jiray 16.000 kr ilaa 18. 000 kr.

Dilaaleyda ayaa sheegeyso in marka la dhaafo bilaha xagaaga ee sanadk dugsiyeedka cusub ee waxbarashada, uu cadaadiska xoogan ee saaran suuqa kirada guryaha uu sidaan ka yaraan karo.

Latest news
Related news
error: Digniin: Ha isku dayin in copy gareyso wararka aan daabacno. Waan kula soconaa.
0
Would love your thoughts, please comment.x
()
x