Gudi ay wasaaradda gaadiidku u xilsaartay kasoo talo-bixinta suuqa tagaasuda ayaa dowlada usoo jeediyay inay wax ka badasho, siina adkeyso shuruucda suuqa tagaasida oo ay dabcisay dowladii reysulwasaare Erna Solberg.
Gudigan oo ay dowladu magacowday sanad kahor, ayaa soo gudbiyay qodobo talo soo jeedin ah, kuwaas oo ay dowladu usoo bandhigeen inay dhaqan-galiso, si loo nidaamiyo suuqa tagaasida magaalooyinka waaweyn, gaar ahaan Oslo.
Qodobadda ay gudigan soo jeediyeen waxaa kamid ah:
- In dhamaan tagaasida ka shaqeyso suuqa shaqada ay ka tirsanaadaan(iska diiwaangaliyaan) xarun dhexe oo sentral ah.
- In dhamaan lacagaha soo galo taxi-ga laga diiwaangaliyo Taksameter-ka oo ku xiran xarunta sentralka ah ee uu Taxi-gu ka diiwaan-gashanyahay.
- Xarumaha sentralaaladu inay lahaadaan Leysin(Løyve) u gaar ah iyo maamule shaqo(daglig leder).
- In dhamaan dadka iska leh Leysinka(Løyve) tagaasida ay macluumaadka la wadaagaan senterka(xarunta), ay buuxiyaan shuruudaha uu senterku ku xiray.
- In xarumaha sentralaadu ay uruuriyaan xogta tagaasida iyo darawalada ka diiwaanshan, hey addaha dowladana ay la wadaagaan marka ay codaan, sida tusaale ahaan waaxda canshuuraha iyo booliska oo kale. Xogta la uruurinayo waxaa kamid ah lacagta soo gashay darawalka, meesha uu ku suganyahay xiligaas, dalabyada uu helay iwm.
Muhiimadda ugu culus ee gudigan ay soo saareen ayaa ah in dowladu ay adkeyso shuruudaha iyo shuruucda suuqa tagaasida, si loo yareeyo nidaam-daro ama sharci daro kale oo ka imaan karto, loogana hortago tagaasida ku shaqeeyo suuqa madow.
