Isbuucyadii ugu danbeeyay waxaa dalka Norway iyo dalalka kale ee Nordica kusoo qul-qulayo kumanaan dalxiisayaal ah oo xiliyadii hore u dalxiis tagi jirtay dalalka Koonfurta Yurub ee Faransiiska, Giriiga, Talyaaniga iyo Spain.
Sababta ugu weyn ee ka danbeyso korarka dalxiisayaasha kusoo qulqulayo Norway, ayaa ah kuleyl aad u daran oo isbuucyadan ka jira dalalka Koonfurta Yurub, kuleylkaas oo sababay in dad badan ay guryaha kasoo bixi waayaan. Kumanaan qof oo markii hore ku tala galsanaa inay u dalxiis tagaan xeebaha iyo jaziiraddaha Koonfurta Yurub, ayaa hada safarkoodii usoo badashay Norway iyo dalalka Nordica, maadaama ay cimiladu tahay mid kuleyl diiran ah oo qabow xigeen ah.
Kororka dalxiisayaasha ayaa aad looga dareemayaa magaalooyinka waaweyn iyo kuwa loo dalxiis-tago ee Norway. Sidoo kale waxaa aad kor ugu kacay sicirka hotelladda iyo tigidada diyaaradaha Norway, maadaama ay hotelladu ay buux-dhaafiyeen dalxiisayaal aan looga baran inay Norway.
Bishii June oo kali ah dadka degan hotellada Norway ayaa waxaa ku yimid kor u kac xoogan oo gaaraya 18%.
Arrin kale oo qeyb ka ah imaanshaha dalxiisayaasha ee Norway ayaa ah qiimi-jab ku dhacay lacagta Kr ee Norway, marka la barbardhigo Dollar iyo Euro.Taas oo qofkii wato lacag doolar ah sarif ahaan siineyso lacag dheeraad ah oo Norway.
Xigasho/kilde: Flere utlendinger på norske hoteller – kraftig hopp fra i fjor
