Bisha September ee sanadkan waxaa dalkan Norway ka qabsoomi doonto doorashada golayaasha deegaanka iyo goboladda, taas oo sanadkan qabsoomi doonto 11-ka bisha September.
Laakiin qofkii aan awoodin inuu maalintaas codeeyo, ama dalka ka maqan maalinta doorashada, ayaa xaq u leh inuu codkiisa sii dhiibto kahor maalinta doorashada, isaga oo ka dhiibanayo safaaraddaha iyo qunsuliyaddaha ay Norway ku leedahay dalalka dibadda ah.
Safaaradda Norway ee dalka Kenya, oo sidoo kale qaabilsan Soomaaliya, ayaa dadka xaqa u leh codbixinta, xiiseynayana inay codkooda dhiibtaan ku wargalineyso in safaaraddu ay laga bilaabo maalinta beri ah u furantahay qabashada dadka codka dhiibanayo.
War qoraal ah ah oo lagu soo qoray bogga internetka ee safaaradda ayaa lagu sheegay in safaaradu ay u furantahay qabashada codadka dadka raba inay ka qeybqaataan codbixinta doorashada goloyaasha deegaanka Norway. Waxeyna safaaradu furantahay codeynta u furantahay maalmaha Khamiista iyo jimcaha.
Safaaradda Nairobi, waxa uu qofku codkiisa dhiiban karaa 14:00 ilaa 15:00 duhurnimo, halka jimcaha uu qofku codkiisa dhiiban karo 09:00-10:00 aroornimo. Waxaa sidoo kale suurtogal ah in qofku uu codkiisa ka dhiibto qunsuliyadda Norway ee Mombasa, balse waxaa muhiim in qofku uu xiriir la sameeyo qunsuliyada, kahor inta uusan tagin, si uu codkiisa u dhiibto
Waxaa muhiim ah in qofku uu soo qaato baasaboor ama waraaq kale oo aqoonsi, si uu codkiisa uga dhiibto safaaradda. Halkan kasii akhri.
