Shirkadda iska leh app-ka lacagaha la isugu diro ee Vipps, ayaa dadka adeegsado app-ka shirkadaas uga digayo qoraal ay soo dirayaan kooxo burcad ah, kuwaas oo maalmihii ugu danbeeyay ay kasoo cowdeen dad badan oo Vips adeegsada.
Vipps ayaa ah app ay adeegsadaan in ka badan 4,3 milyan qof oo Norwiiji ah.
Shirkada iska leh app-kan ayaa dadka uga digeyso fariimaha loogu dirayo mobilka, kuwaas oo loogu sheegayo in aqoonsiga( ID-ga) Koontadii ay ku lahaayeen app-ka Vips ay xirantay. Sidaas darteed ay u baahanyihiin in ay riixaan Linki la socdo fariinta SMS-TA. Sawirka hoose ka fiiri mid kamid ah fariimaha dadka loo dirayo.
Vipps ayaa dadka adeegsadda app-ka ogeysiineyso in fariintaas aysan shirkada ka imaan, waxeyna dadka uga digeysaa inay ku dhuftaan linkiga la socdo fariinta loo soo diray ee SMS-ka.
