Nin kontomeeyo jir ah ayaa dhawaan lasoo taagi doonaan maxkamadda Nord-Troms, isaga oo ku eedeysan inuu NAV ka khiyaanay, qaab aan sharci aheyna uu ku helay lacag gaareyso ku dhawaad 300.000 kr.
Ninkan ayaa sida lagu sheegay eedeynta xeer ilaalinta, waxaa uu isaga oo shaqeynayo , dhinaca kale NAV ka qaadan jiray lacagta dadka shaqada ka fadhiyo, isaga oo buuxin jiray kaarka meldekort-ka.
Sidoo kale xeer ilaalinta aya sheegeyso in ninkan uu mararka qaarkood soo buuxin jiray kaarka shaqo la aanta, isaga oo markaas soo diiwaangalin jiray saacado ka yar intii uu caadi ahan u shaqeeyay. Waxaana sida ay xeer ilaalintu sheegtay ninkan uu ka tagay inuu NAV kusoo wargaliyo 213 saac oo uu shaqeeyay, isaga oo sidaas ku helay lacag gaareyso 289.305 kr oo lacag dagpenger-ta loo yaqaan ah.
Ninkan ayaa hadii lagu helo danbiga, waxa uu muteysan karaa ciqaab xabsi iyo ganaax lacageed.
