Hey’ adda caafimaadka dadweynaha ee FHI ayaa qiimeyn ay sameysay ku sheegtay in sida loo badaniyo ay Norway ay kusoo wajahnaan karto mawjad cusub oo feyruska corona ah. Mawjadaas oo hadaba bilaabatay sida ay hey’ addu sheegtay.
Xiliga ay kusoo beegantay mawjadan cusub ee corona ah, ayaa sida ay FHI sheegtay, waxaa dalka ka jiro noocyo kale oo feyrus ah, uuna kamid yahay hargabka, Caabuqa RVS ta iyo feyrusyada dilaaca xiliga qabowga. Taas oo laga cabsi qabo inay culeys xoogan saarto hey’ addaha caafimaadka Norway, hadii hal mar ay kor u kacdo tirada corona uu soo ridanayo, iyo dadka feyruska kale ay la xanuunsan karo.
Ingvild Kjerkol oo wasiiradda caafimaadka Norway ayaa sheegyay in dowladu ay diyaar u tahay inay qaado talaabooyin, ayna soo rogto shuruuc cusub, hadii feyruska corona uu mar kale soo laba-kacleeyo.
Wasiiradda caafimaadka ayaa sheegtay in awooda isbitaaladda Norway ee la tacaalista bukaanku ay tahay mid caadi ah. Balse ay xaaladu isbadali karto hadii ay dalka hal mar ka dilaacaan ama isku xigsadaan noocyo kala duwan oo feyrus ah, ugu horeeyo corona feyrus. Waxeyna sheegtay in dowladu ay diyaarisay qorshe arrintaas lagu wajaho, hadii xaaladu isbadasho.
Wasiiradda ayaa mar kale dadka kula talineyso inay qaataan talaalka corona, oo ah mid qofka ka difaaca inuu ku xanuunsado feyruska corona.
Dowlada ayaa hada irbadda afaraad ee talaalka corona u bandhigto dadka ka weyn 64 sano ama qabo xanuunadda qaarkood. Balse dowlada ayaa qiimeyneyso in arrintaas la badalo, dad badana fursad loo siiyo qaadashada irbadda afaraad ee talaalka corona.
