War saxaafadeed kasoo baxay dowlada dalkan Norway ayaa lagu sheegay, in dhamaan dadka ay da´doodu u dhaxeyso 18 ilaa 64 sano, aana qabin xanuunadda ay fursad u heli karaan qaadashada irbada 4.aad ee talaalka corona.
Wixii hada ka horeeyay dadka waayeelka ah ee ay da´doodu ka weyntahay 64 sano, ama dadka qaba xanuunadda qaarkood ayaa fursad u heli jiray qaadashada talaalka afaraad(4) ee corona. Balse dowlada ayaa hada go´aamisay in dhamaan dadka ka yar 18 sano sidoo kale ay qaadan karaan irbadda 4.aad ee talaalka corona.
Go´aanka dowlada ayaa kusoo aaday xili isbuucyadii ay soo kordhayeen tirada dadka uu so ridanayo feyruska corona, waxaana sidoo kale kordhay tirada dadka uu ku dhacayo feyruska oo la sheegay inuu aad ugu soo badanayo Norway, xili la gaaray bilihii qaboobaha.
Wasiiradda caafimaadka Norway Ingvild Kjerkol ayaa sheegtay in go´aankan ay dowladu qaadatay, kadib markii ay talo ka heleen hey´addaha caafimaadka Norway. Talaalkuna uu ilaa hada yahay qaabka ugu weyn ee dowladu kula tacaaleyso dhibaatadda feyruska corona.
Wasiiradda ayaa sheegtay dowladdaha hoose iyo maamuladda degmooyinku ay hada qaadashada talaalka afaraad u bandhigi karaan dadka ka shaqeeya caafimaadka ee safka hore kujiro. Waxeyna wasiiraddu raacisay in hadii dad badan ay qaataan talaalka, si fiican loogu diyaar-garoobi karo hadii xaaladda corona ay sii xumaato.
Degmooyinka Norway ayaa maamulayo sidii loo qeybin lahaa talaalka, loona gaarsiin lahaa ama fursadda talaal-qaadashada loogu bandhigi lahaa dadweynaha.
Xigasho/kilde: Alle i alderen 18 til 64 år får tilbud om oppfriskningsdose koronavaksine.
