tirsdag, april 23, 2024

Talaal cusub oo corona ah oo lasoo saaray: Norway oo laga bilaabay adeegsigiisa.

Shirkada Pfizer ayaa dhawaan soo saartay irbad cusub oo talaalka corona ah. Hey´addaha caafimaadka dadweynaha dalkan Norway ayaa dhawaan ansixiyay in la adeegsan karo noocan cusub oo talaalka corona ah.

Waxaana hada la bilaabay in dadka loo soo bandhigo, talaalka cusub oo kahor tag u ah noocyadii hore ee corona iyo waliba kuwa cusuba.

Geir Bukholm oo ah madaxa xanuunadda faafa ee hey´adda caafimaadka dadweynaha Norway ee FHI ayaa sheegay in Norway laga ansixiyay adeegsiga irbaddaha cusub ee talaalka Corona.

Talaalku wuxuu Norway yimid isbuucii ugu danbeeyay, waxaana bilownay inaan u dirno degmooyinka Norway.

Nooca cusub ee talaalka corona ayaa ilaa hada lagu duri doonaa ama ama loo soo bandhigi doonaa qofka raba inuu qaato talaalka afaraad ama kan sadexaad ee xoojiyaha loo yaqaano.

Gunnveig Grødeland oo ah cilmibaare ku xeeldheer talaaladda ayaa sheegay in noocan cusub ee talaalka ah uu difaac fiican siinayo jirka qofka. Gaar ahaana uu qofka si fiican uga difaacayo noocyadda cusub ee feyruska corona.

Dadka ka weyn 65 sano ayaa hada lagula talinayaa inay qaataan talaalka afaraad ee corona. Sidoo kale dadka da ahaan u dhaxeeyo 18 ilaa 64 sano ee la nool xanuunadda halista ah ayaa iyagana lagula talinayaa inay qaataan talaalka afaraad ee corona.

FHI ayaa sidoo kale sheegtay in dadka 65 sano ka yar ee caafimaadka qaba, ay baahi yar u qabaan qaadashada talaalka afaraad ee corona, hadii ay qaataan talaaladda koowaad ilaa sadexaad ee corona ah.

Xigasho/kilde: Ny koronavaksine klar for bruk i Norge.

Latest news
Related news
error: Digniin: Ha isku dayin in copy gareyso wararka aan daabacno. Waan kula soconaa.
0
Would love your thoughts, please comment.x
()
x