Sida uu qoray NRK, ilaa hada 3800 qof oo Norway kunool ayaa loo diray isbitaalo, si looga daaweeyo dhaawacyo caafimaad oo dheeri ah oo uu ku yeeshay Covid-19.
Dadkan ayaa ah dad uu ku dhacay feyruska corona, kana caafimaaday. Balse uu kaga tagay saameyn caafimaad oo wali ay la dhibaateysanyihiin. Dadka ugu badan ee coronuhu uu saameyn kaga tagay, ayaa ah dadkii horeyba u qabay xanuuno kale oo Coronaha uga horeeyay, sida neefta, macaanka iwm.
Waxyaabaha ay dadka ugu badan ka cabanayaan ayaa ah, neefta ay ku dhibaatoodaan ama ku qabatinta, daal, lafo xanuun iyo madax xanuun.
Dadkan ayaa lagu daaweynayaa isbitaalka LHL ee kutaal agagaarka garoonka diyaaradaha ee Gardermoen. Waxaana qofka halkaas la geeyo xaaladiisa lala socdaa mudo afar isbucaan.
Odd-Magne Fjellstad oo ah madaxa guud ee isbitaalka LHL ayaa sheegay in dadka ugu badan ay ka bogsadaan ama ka fiicnaadaan dhaawacyadda caafimaad ee uu kaga tagay Corona.
Xigasho/kilde: 3.800 til rehabilitering for covid-senskader.
