tirsdag, mai 28, 2024

Gabar modell ah soomaali ah oo lagu heysto hadal ay ka tiri geerida boqoradii UK.

Waxaa dhintay gumeystihii dhabta ahaa, waxaan rajeyn inaad cadaabta ku gubuto, danbiga aad sameysay ama kuwii awoowayaashaa ay sameeyeen awgeed.

Waa qeyb kamid ah kommenti hadal-heyn badan dhaliyay oo ay Rawdah Mohamed oo ah gabar dhalinyaro modell soomaali ah ka tiri geerida boqoradii dalka Ingiriiska. Kaas oo dhaliyay hadalheyn tiro badan oo warbaahinta Norway iyo baraha bulshadda ah.

Rawdah Mohamed waa gabar modell soomaali ah oo caan ka ah dalkan Norway. Rawdah ayaa markii ay soo shaac-baxday geeridda boqoradda dalka UK, bogeeda instgram-ka kusoo qortay hadalo ay ku taagsaneyso, cadaab iyo naarna ay ugu rajeyneyso Elizabeth II oo aheyd boqoraddii 96 jirka aheyd ee 80-ka sano maamuleysay boqortooyadda Ingiriiska.

31-jirtan asal ahaan soomaalida ah, balse heysata dhalashada Norway oo horey tifaftire uga noqotay jariiradda xayeysiinta dharka ee Vogue ayaa boqorodda geeriyootay ku tilmaamntay gumeystihii dhabta ahaa, waxeyna ku eedeysay dhibaatooyinkii ay boqortooyadda ay madaxda u aheyd u geysatay shucuubta dalalka Afrikaanka ah iyo kuwa Latin America kuyaal ee horey uu Ingiriisku u gumeystay.

Gabadhan modellka soomaalida ah ayaa qof kasta oo madow ah oo ka tacsiyeeyo geerida Boqoradda Geeriyootay ku tilmaantay doqon.

Rawda ayaan intaas ku ekaan e, waxa ay u jawaabtay dadkii soo eedeeyay, iyada oo mar walba xusuusineysay waxa ay gumeystihii Ingiriisku ku sameeyeen shucuubta dalalkii ay gumeysteen. Waxeyna qof kasta oo aan xamili karin warkeeda ka codsatay inuu Followga kala noqdo instgaramka.

Hadaladda ay qortay oo aad looga hadalhayo baraha bulshadda ayaa waxaa kamid ah:

Adoonsiga wax fiican makuula muuqdaa?..Bal fikir inaad African tahay, kadibna ereyadaas dheh. Qumiyadii wey dhimatay, balse maskaxda ayaa wali lagaa gumeystaan…

Hadalka Rawda ayaa kusoo aadayo xili dalka Norway iyo dhamaan dalalka kale ee Yurub aad looga dareemayo geerida Elizabeth II..

Xigasho/kilde: Halkan ka fiiri: Qoraaladda Rawda ee Instgramka.

Latest news
Related news
error: Digniin: Ha isku dayin in copy gareyso wararka aan daabacno. Waan kula soconaa.
1
0
Would love your thoughts, please comment.x
()
x