Labo siyaasi oo ka tirsan gobolka Viken ayaa si qalad ah u qaatay mushaar dhan 200.000 NOK midkiiba. Labaduba waxa ay hada diidanyihiin inay dib u celiyaan mushaarkaas dheeriga ah ee qaladka ugu soo dhacay..
Wargayska Drammens Tidende ayaa markii hore sheegay in labadan(2) siyaasi uu midkiiba qaatay lacag gaareyso 100,000 NOK. Balse Khamiistii ayuu maamulka gobolka Viken xogtaas mid ka duwan sheegay. Maamulka ayaa war saxaafadeed uu soo saaray ku sheegay in lacagta ay siyaasi qaateen ay labo(2) jibaar ka badantahay intii horey loo sheegay, uuna midkiiba qaatat 200.000 kr.
Labadda masuul ayaa diidey inay dib u bixiyaan lacagta, kadib markii lala socod siiyey in maamulka gobolku lacagtaan si khaldan u bixiyey sababo lala xariiranayo isbeddelo boosas shaqo awgeed.
War-saxaafadeedka maamulka gobolka ayaa qoray in duqa gobolka iyo maamulkuba ay wadahadal joogto ah la yeesheen labada masuul ee arinkaan khuseeyo iyo qareenka u doodaya, si heshiis looga gaaro dib u bixinta lacagta.
Qareenka labada siyaasi, Curt A. Lier, ayaa u sheegay Drammens Tidende, in uu rumaysan yahay in aanay sax ahayn, in maamulku sheego iney xiriir joogto ah ay leeyihiin.
Kiiska oo hada murugsan ayaa maxkamad gaari karto, hadii gobolku iyo labadda(2) siyaasi ee arrintu khuseyso aysan xal helin.
Xigasho/kilde: To fylkespolitikere skal ha fått til sammen 400.000 kroner for mye i lønn.
